- Хар сёзню орну барды.
- Тамбла алтындан бюгюн багъыр ашхы.
- Биреуге кёлтюрген таягъынг, кесинги башынга урур.
- Аллахдан тилесенг, кёб тиле.
- Кёз – сюйген джерде, къол – ауругъан джерде.
- Айранны сюйген, ийнек тутар.
- Эртде тургъан бла эртде юйленнген сокъуранмаз.
- Окъугъанны бети джарыкъ.
- Ат басханны джер билед.
- Ашыкъгъанны этеги бутуна чырмалыр.
- Джангыз терек къынгыр ёсер.
- Джюрекден джюрекге джол барды.
- Зарда марда джокъ.
- Тойчу джашха къарама, къойчу джашха къара.
- Ёлюр джаннга, ёкюл джокъ.
- Чомартха Тейри да борчлуду.
- Баргъанынга кёре болур келгенинг.
- Бермеген къол, алмайды.
- Башланнган иш битер, къымылдагъан тиш тюшер.
- Джети тилни билген джети кишиди.
- Тёзгеннге, джабылгъан эшик ачылыр.
- Ишленмеген джаш – джюгенсиз ат, ишленмеген къыз – тузсуз хант.
- Ауругъаннга – кийик саулукъ, джетген къызгъа – чилле джаулукъ.
- Миллетни бойну – базыкъ, аны бла кюрешген – джазыкъ.
- Къулакъдан эсе, кёзге ышан.
- Сангырау къулакъ эл бузар.
- Эшекни не къадар тюйсенг да, ат болмаз.
- Ач да бол, токъ да бол – намысынга бек бол.
- Юй ишлеген балта эшикде къалыр.
- Къууут – джелге, берне – бошха.
- Къайгъы тюбю – тенгиз.
- Кюлме джашха – келир башха.
- Джангыз торгъай джырламаз.
- Онгсузну – джакъла, тенгликни – сакъла.
- Эшекге миннген – биринчи айыб, андан джыгъылгъан – экинчи айыб.
- Окъдан джара эртде-кеч болса да бителир, сёз джара, ёмюрге къалыр.
- Байлыкъ болгъан джерде, тынчлыкъ джокъду.
- Чомартны къолун джокълукъ байлар.
- Насыблы элин сюер, насыбсыз кесин сюер.
- Тил – миллетни джаны.
- Аджалсыз ёлюм болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Ачлыкъ отха секиртир.
- Ашда – бёрю, ишде – ёлю.
- Аман къатын алгъан, арыр, иги къатын алгъан джарыр.
- Тамчы таш тешер.
- Къартны сыйын кёрмеген, къартлыгъында сыйлы болмаз.
- Тыш элде солтан болгъандан эсе, кесинги элде олтан болгъан игиди!
- Керти сёзге тёре джокъ.
- Адеб базарда сатылмаз.