- Тёрдеги кюлсе, эшикдеги ышарыр.
- Ашлыкъ – бюртюкден, джюн – тюкден.
- От этилмеген джерден тютюн чыкъмайды.
- Баланы адам этген анады.
- Иги адам абынса да, джангылмаз.
- Ушамагъан – джукъмаз.
- Башы ишлегенни, ауузу да ишлер.
- Аман къатын сабий табса, бий болур…
- Мухар, кеси тойса да, кёзю тоймаз.
- Къызбайны юйюне дери сюрсенг, батыр болур.
- Чарсда алчыны эл кёреди.
- Телиге от эт десенг, юйюнге от салыр.
- Аш берме да, къаш бер.
- Иги сеники эсе да, сюйген кесимикин этеме.
- Бозанг болмагъан джерге, къалагъынгы сукъма.
- Ишлерге уял да, ашаргъа табма.
- Эшекге миннген – биринчи айыб, андан джыгъылгъан – экинчи айыб.
- Миллетни бойну – базыкъ, аны бла кюрешген – джазыкъ.
- Ач отунчуну ачыуу – бурнунда.
- Экеу тутушса, биреу джыгъылыр.
- Оюмсуз атлагъан, аджалсыз ёлюр.
- Адамны аты башхача, акъылы да башхады.
- Айтылгъан буйрукъ, сёгюлмез
- Окъугъан озар, окъумагъан тозар.
- Джашда акъыл джокъ, къартда къарыу джокъ.
- Чыкълы кюнде чыкъмагъан, чыкъса къуру кирмеген.
- Къонакъ кёб келюучю юйню, къазаны отдан тюшмез.
- Джаханимни кёрмей, джандетге кёл салмазса.
- Баргъанынга кёре болур келгенинг.
- Айран тёгюлсе, джугъусу къалыр.
- Тынгылагъан тынгы бузар.
- Ётюрюк хапар аякъ тюбю бла джюрюйдю.
- Тамырсыз терекге таянма – джыгъылырса.
- Къонакъны къачан кетерин сорма, къачан келлигин сор.
- Суу ичген шауданынга тюкюрме.
- Тойчу джашха къарама, къойчу джашха къара.
- Элге къуллукъ этмеген, элге ие болмаз.
- Юйюнг бла джау болгъандан эсе, элинг бла джау бол.
- Чакъырылмагъан къонакъ тёрге атламаз.
- Ишге юренсин къоллары, халкъ бла болсун джоллары.
- Джангызны оту джарыкъ джанмаз!
- Хазыр ашха – терен къашыкъ.
- Кёзюнде тереги болгъан, чёбю болгъаннга кюле эди.
- «Ма», - дегенни билмесенг, «бер», - дегенни билмезсе.
- Эски джаугъа ышанма.
- Джылар джаш, атасыны сакъалы бла ойнар.
- Ачны эсинде – аш.
- Керти сёзге тёре джокъ.
- Аш иеси бла татлыды.
- Кёбню кёрген – кёб билир.
