- Бойнуму джети джерден кессенг да, мен ол ишни этеллик тюлме.
- Тенгинг джокъ эсе – изле, бар эсе – сакъла!
- Эртде тургъан джылкъычыны эркек аты тай табар.
- Аман къатын сабий табса, бий болур…
- Чакъырылгъанны аты, чакъырылмагъанны багъасы болур.
- Юйюнгден чыкъдынг – кюнюнгден чыкъдынг.
- Намыс болмагъан джерде, насыб болмаз.
- Сютден ауузу кюйген, суугъа юфгюре эди.
- Адам туугъан джеринде, ит тойгъан джеринде.
- Эл ауузу – элек, анга ийнаннган – халек.
- Къозулугъунда тоймагъан, къойлугъунда тоймаз.
- Эшекге миннген – биринчи айыб, андан джыгъылгъан – экинчи айыб.
- Джети тилни билген джети кишиди.
- Сагъыш – къартлыкъгъа сюйюмчю.
- Кёзюнде тереги болгъан, чёбю болгъаннга кюле эди.
- Сютню башын джалагъан къутулур, тюбюн ичген тутулур.
- Джуртун къоругъан озар.
- Джарлы эскисин джамаса, къууаныр.
- Биреуге кёлтюрген таягъынг, кесинги башынга урур.
- Ёзденликни джайгъан – джокълукъ.
- Айыбны суу бла джууалмазса.
- Байлыкъ тауусулур, билим тауусулмаз.
- Аманнга игилик этсенг, юйюнге сау бармазса.
- Къаллай салам берсенг, аллай джууаб алырса.
- Айранын берсенг, челегин да къызгъанма.
- Ата Джуртча джер болмаз, туугъан элча эл болмаз.
- Ач отунчуну ачыуу – бурнунда.
- Кенгеш болса, уруш болмаз.
- Къазанны башы ачыкъ болса, итге уят керекди.
- Къобан да къуру да къобханлай турмайды, адам да къуру да патчахлай турмайды.
- Къызны минг тилер, бир алыр.
- Джашда акъыл джокъ, къартда къарыу джокъ.
- Кюн кёрмеген, кюн кёрсе, кюндюз чыракъ джандырыр.
- Чомартха Тейри да борчлуду.
- Джаханимни кёрмей, джандетге кёл салмазса.
- Иги бла джюрюсенг, джетерсе муратынга, аман бла джюрюсенг, къалырса уятха.
- Бюгюн дуния кибик, тамбла ахыратды.
- Тойчу джашха къарама, къойчу джашха къара.
- Аллахха ийнаннган кишини, Аллах онгдурур ишин.
- Билеги кючлю, бирни джыгъар, билими кючлю, мингни джыгъар.
- Эм ашхы къайын ана мамукъ бла башынгы тешер.
- Къулакъдан эсе, кёзге ышан.
- Эки итни арасына сюек атма, эки адамны арасында сёз чыгъарма.
- Мухарны эси – ашарыкъда.
- Джюрек кёзден алгъа кёрюр.
- Абынмазлыкъ аякъ джокъ, джангылмазлыкъ джаякъ джокъ.
- Гырджын – тепсини тамадасы.
- Кёб къычыргъандан – къоркъма, тынч олтургъандан – къоркъ.
- Аманны эки битли тону болур, бирин сеннге кийдирир, бирин кеси киер.
- Ашда – бёрю, ишде – ёлю.
