- Ата Джуртун танымагъан, атасын да танымаз.
- Тойгъандан сора, ашны сёкме.
- Къумурсхала джыйылсала, пилни да джыгъадыла.
- Аш кетер да бет къалыр.
- Ариу джол аджал келтирмез.
- Ишни ахырын ойламай, аллын башлама.
- Ачлыкъда тары гырджын халыуадан татлы.
- Билим насыб берир, билим джолну керир.
- Къулакъдан эсе, кёзге ышан.
- Мени джылытмагъан кюн, меннге тиймесин!
- Игиге айтсанг – билир, аманнга айтсанг – кюлюр.
- Хар зат кесини орнуна иги.
- Дууулдаса – бал чибин, къонса – къара чибин.
- Минг тенг да азды, бир джау да кёбдю.
- Тилчи тилден къаныкъмаз.
- Таукел тауну аудурур.
- Эринчекге кюн узун.
- Къарт бла баш аша, джаш бла аякъ аша.
- Эки къатын алгъанны къулагъы тынгнгаймаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ишин билген, аны сыйын чыгъарады.
- Джаным-тиним – окъуу, билим.
- Адеб этмеген, адеб кёрмез.
- Аууздан келген, къолдан келсе, ким да патчах болур эди.
- Халкъгъа джарагъан, джарлы къалмаз.
- Хазыр ашха – терен къашыкъ.
- Къайгъы тюбю – тенгиз.
- Тёзген – тёш ашар!
- Къатын къылыкъсыз, эр тынчлыкъсыз.
- Уллу атлама – абынырса, уллу къабма – къарылырса.
- Ашатыргъа иш – ашхы, ишлетирге аш – ашхы.
- Тамчы таш тешер.
- Къызын тута билмеген, тул этер, джашын тута билмеген, къул этер.
- Айтхан – тынч, этген – къыйын.
- Кёл ашады да, кеси ашады.
- Ёнгкюч къууана барыр, джылай келир.
- Халкъны джырын джырласанг, халкъ санга эжиу этер.
- Аманны къуугъан, аманлыкъ табар.
- Окъумагъан сокъурду, сокъур ташха абыныр!
- Къарнынг тойгъунчу аша да, белинг талгъынчы ишле.
- Адеби болмагъан къыз – тузсуз хант.
- Душманны тышы – акъ, ичи – къара.
- Тил бла келеди джыр да.
- Урама да – ёледи, сатама да – келеди.
- Джарлы джети элни сёзюн этер.
- Айыбны суу бла джууалмазса.
- Окъдан джара эртде-кеч болса да бителир, сёз джара, ёмюрге къалыр.
- Тюкюрюк баш джармаз, налат кёз чыгъармаз!
- Садакъачыны джаны – къапчыгъында.
- Соргъан айыб тюлдю, билмеген айыбды.