- Эл элде бирер малынг болгъандан эсе, бирер тенгинг болсун.
- Гитче джилтин уллу элни джандырыр.
- Иесиз малны бёрю ашар.
- Къобан да къуру да къобханлай турмайды, адам да къуру да патчахлай турмайды.
- Кечеси – аяз, кюню – къыш, джарлы къаргъагъа бир аш тюш!
- Тойгъа алгъа да барма, тойда артха да къалма.
- Кийиминг бла танылма, адамлыкъ бла таныл.
- Бети къызарыучу адамны, джюреги харам болмаз.
- Нафысынгы айтханын этме, намысынгы айтханын эт.
- Терек ауса, отунчу – кёб.
- Иги адам абынса да, джангылмаз.
- Кёкдеги болмаса, джердегин кёрмейди.
- Чакъырылгъанны аты, чакъырылмагъанны багъасы болур.
- Айраннга суу къош, телиге джол бош.
- Аш иеси бла татлыды.
- Ишге юренсин къоллары, халкъ бла болсун джоллары.
- Иги бла джюрюсенг, джетерсе муратынга, аман бла джюрюсенг, къалырса уятха.
- Элде адам къалмаса, ит тахтагъа минер.
- Ойнай билмеген, уруб къачар.
- Эрни эр этерик да, къара джер этерик да, тиширыуду.
- Атлыны ашхысы, ат тизгининден билинир
- Айтылгъан сёз ызына къайтмаз.
- Сыфатында болмагъаны, суратында болмаз.
- Садакъачыны джаны – къапчыгъында.
- Джыланны къуйругъундан басарынг келсе, аны башы болгъанын унутма.
- Босагъа таш юйге кирмей эди, тыбыр таш эшикге чыкъмай эди.
- Джарлы джети элни сёзюн этер.
- Тин – байлыгъынг, терен саулугъунг.
- Бюгюн дуния кибик, тамбла ахыратды.
- Окъугъан озар, окъумагъан тозар.
- Джашлыкъ этмеген, башлыкъ этмез.
- Зар адамны насыбы болмаз.
- Тенгинг джокъ эсе – изле, бар эсе – сакъла!
- Сормай – алма, чакъырылмай – барма.
- Аман киши кеси юйюнде – къонакъ.
- Ёзденликни кёбю ётюрюк.
- Кесинг сынамагъан затны, адамгъа буюрма.
- Бал ашаргъа сюе эсенг, чибин ургъаннга тёз.
- Къыз келсе, джумуш эте келеди, къатын келсе, ушакъ эте келеди.
- Джаз бир кюнню джатсанг, къыш талай кюнню абынырса.
- Юйюнг бла джау болгъандан эсе, элинг бла джау бол.
- Чакъырылмагъан къонакъ къачан кетерин сормаз.
- Джангызны оту джарыкъ джанмаз!
- Тынгылагъан тынгы бузар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Булут кёкге джарашыу, уят бетге джарашыу.
- Ауругъанны сау билмез, ач къарынны токъ билмез.
- Ишин билген, аны сыйын чыгъарады.
- Ёлюк кебинсиз къалмаз.
- Арбаз сайлама да, хоншу сайла.