- Айтхан – тынч, этген – къыйын.
- Ёлюк кебинсиз къалмаз.
- Тынгылагъан тынгы бузар.
- Джолунга кёре – джюрюшюнг, джагъанга кёре – юлюшюнг.
- Къууут – джелге, берне – бошха.
- Айныгъанлы алты кюн, тогъайгъанлы тогъуз кюн.
- Эл бла кёргенинг эрелей.
- Ышармагъан – кюлмез, кюлмеген – къууанчны билмез.
- Къатын байлыкъны сюер, эр саулукъну сюер.
- Ат да турмайды бир териде.
- Адам сёзге тынгыла, акъыл сёзню ангыла.
- Джашны джигитлиги сорулур, къызны джигерлиги сорулур.
- Алгъанда – джууукъ, бергенде – джау.
- Эркишини аманы тиширыуну джылатыр.
- Байдан умут эте, джарлыдан ёгюз багъасы къорады.
- Адамны аты башхача, акъылы да башхады.
- Таугъа чыгъаллыкъ эсенг, тюзде къалма.
- Бастасын ашагъан, хантусун да ичер.
- Нёгерсизни джолу узун.
- Баланы адам этген анады.
- Таш бла ургъанны, аш бла ур.
- Aдам боллукъ, сыфатындан белгили.
- Бойнуму джети джерден кессенг да, мен ол ишни этеллик тюлме.
- Къарны аманнга къазан такъдырма, къолу аманнга от джакъдырма.
- Чыбыкълыкъда бюгюлмеген, къазыкълыкъда бюгюлмей эди.
- Ёгюзню мюйюзлери ауурлукъ этмейдиле.
- Эшекге миннген – биринчи айыб, андан джыгъылгъан – экинчи айыб.
- Иги болса, тамадама – махтау, аман болса, меннге – айыб.
- Ашхы болсанг, атынг чыгъар, аман болсанг, джанынг чыгъар.
- Бермеген къол, алмайды.
- Аш берме да, къаш бер.
- Ач бёрюге мекям джокъ.
- Чомарт къолда мал къалмаз.
- Ишлегенден, къарагъан уста.
- Ач, тоймам, дейди, тойгъан, ач болмам, дейди.
- Тойгъанлыкъ къойгъа джарашады.
- Башланнган иш битер, къымылдагъан тиш тюшер.
- Сёлеш деб шай берген, тохта деб, сом берген.
- Огъурлуну сёзю – суу, огъурсузну сёзю – уу.
- Окъумагъан сокъурду, сокъур ташха абыныр!
- Джукъу тёшек сайламайды.
- Айырылгъанланы айю ашар, бёлюннгенлени бёрю ашар.
- Сабыр джетер муратха, сабырсыз къалыр уятха.
- Арбаз сайлама да, хоншу сайла.
- Адебни адебсизден юрен.
- Къая джолда джортма, ачыкъ сёзден къоркъма.
- Чакъырылмагъан къонакъ тёрге атламаз.
- Къулакъдан эсе, кёзге ышан.
- Келинни – келгинчи, бёркню кийгинчи кёр.
- Джаш болсун, къыз болсун, акъылы, саны тюз болсун.
БАЛКАРЦЫ И КАБАРДИНЦЫ:ЧТО ОБЪЕДИНЯЕТ, ЧТО РАЗЪЕДИНЯЕТ...
02.04.2009 20:56:18
Era01
С контакта стырили на сайт http://circassia.forumieren.de/forum.htm, а я уже у них стырил. |
|
|
|
15.04.2009 17:42:17
Тему почистил я!!!
|
|
|
|
Читают тему (гостей: 1)