- Арба аугъандан сора, джол кёргюзтюучю кёб болур.
- Хансыз джомакъ болмаз.
- Аман адам этегингден тутса, кес да къач.
- Душманны тышы – акъ, ичи – къара.
- Айырылмаз джууугъунга, унутмаз сёзню айтма.
- Тилчи тилден къаныкъмаз.
- Ётюрюкню башын керти кесер.
- Акъыл бла адеб эгизледиле.
- Окъугъан озар, окъумагъан тозар.
- Тилде сюек болмаса да, сюек сындырыр.
- Ёксюзню къалачы уллу кёрюнюр.
- Орундукъ тюбюнде атылсам да, орта джиликме, де да айлан.
- Къазанны башы ачыкъ болса, итге уят керекди.
- Адамны адамлыгъы къыйынлыкъда айгъакъланады.
- Билим ат болуб да чабар, къуш болуб да учар.
- Джолунга кёре – джюрюшюнг, джагъанга кёре – юлюшюнг.
- Ашарыкъда сайлагъаннга – чий гырджын.
- Нёгер болсанг, тенг бол, тенг болмасанг, кенг бол.
- Адеб базарда сатылмаз.
- Иги джашны ышаны – аз сёлешиб, кёб тынгылар.
- Элиб деген, элге болушур.
- Джырына кёре эжиую.
- Ханы къызы буюгъа-буюгъа киштик болду.
- Ётюрюкчюню шагъаты – къатында.
- Таукел тауну аудурур.
- Соргъан айыб тюлдю, билмеген айыбды.
- Эр абынмай, эл танымаз.
- Арпа, будай – ащды, алтын, кюмюш а – ташды.
- Тюкюрюк баш джармаз, налат кёз чыгъармаз!
- Агъач – джерни чырайы, кийим – эрни чырайы.
- Къыз чыгъаргъан – къызыл къымжа.
- Джырчы джырчыгъа – къарнаш.
- Керти сёзге тёре джокъ.
- Кийимни бичсенг, кенг бич, тар этген къыйын тюлдю.
- Аманнга игилик этсенг, юйюнге сау бармазса.
- Мадар болса, къадар болур.
- Эркишиге тары кебек танг кёрюнюр.
- Джеринден айырылгъан – джети джылар, джуртундан айырылгъан – ёлгюнчю джылар.
- Гугук кесини атын айтыб къычыргъанча, мен, мен деб нек тураса?
- Къозулугъунда тоймагъан, къойлугъунда тоймаз.
- Байлыкъдан саулукъ ашхыды.
- Ойнай билмеген, оюн бузар.
- Окъдан джара эртде-кеч болса да бителир, сёз джара, ёмюрге къалыр.
- Чомартха Тейри да борчлуду.
- Этни да ашады, бетни да ашады.
- Аш хазыр болса, иш харам болур.
- Суугъа – чабакъ, къаягъа – ыргъакъ.
- Аман къатын алгъан, арыр, иги къатын алгъан джарыр.
- Билген билмегенни юретген адетди.
- Уллу къазанда бишген эт, чий къалмаз.
БАЛКАРЦЫ И КАБАРДИНЦЫ:ЧТО ОБЪЕДИНЯЕТ, ЧТО РАЗЪЕДИНЯЕТ...
02.04.2009 20:56:18
Era01
С контакта стырили на сайт http://circassia.forumieren.de/forum.htm, а я уже у них стырил. |
|
|
|
15.04.2009 17:42:17
Тему почистил я!!!
|
|
|
|
Читают тему (гостей: 1)