- Ач келгенни – тойдур, кеч келгенни – къондур.
- Юре билмеген ит, къонакъ келтирир.
- Чомарт къолда мал къалмаз.
- Уллу къашыкъ эрин джыртар.
- Этим кетсе да, сюегим къалыр.
- Игиге айтсанг – билир, аманнга айтсанг – кюлюр.
- Кеси юйюмде мен да ханма.
- Дуния мал дунияда къалады.
- Бермеген къол, алмайды.
- Ёгюзню мюйюзлери ауурлукъ этмейдиле.
- Къатын къылыкъсыз, эр тынчлыкъсыз.
- Татлы сёз – балдан татлы.
- Кёлсюзден сёзсюз тууар.
- Юйлю уругъа ит чабмаз.
- Ёзденликни кёбю ётюрюк.
- Джыланны къуйругъундан басарынг келсе, аны башы болгъанын унутма.
- Сескекли кесин билдирир.
- Нёгер болсанг, тенг бол, тенг болмасанг, кенг бол.
- Атадан ёксюз – бир ёксюз, анадан ёксюз – эки ёксюз.
- Кечеси – аяз, кюню – къыш, джарлы къаргъагъа бир аш тюш!
- Аджашхан тёгерек айланыр.
- Джумушакъ терекни къурт ашар.
- Кесине оноу эте билмеген, халкъына да эте билмез.
- Игилик игилик бла сингдирилиучю затды.
- Рысхы джалгъанды: келген да этер, кетген да этер.
- Тенгинг джокъ эсе – изле, бар эсе – сакъла!
- Окъугъан – асыу, окъумагъан – джарсыу.
- Ашхы тенг джолгъа салыр, аман тенг джолдан тайдырыр.
- Шайтан алдады, тюзлюк къаргъады.
- Ашда – бёрю, ишде – ёлю.
- Хунаны тюбюн къазсанг, юсюнге ауар.
- Адебни адебсизден юрен.
- Ариу – кёзге, акъыл – джюрекге.
- Кийим тукъум сордурур.
- Башсыз урчукъ тюзюне айланмаз.
- Азыкълы ат арымаз, къатыны аман джарымаз.
- Ач уят къоймаз.
- Таш бла ургъанны, аш бла ур.
- Агъач халкъгъа алтынды, иссиликге салкъынды.
- Босагъа таш юйге кирмей эди, тыбыр таш эшикге чыкъмай эди.
- Ач къалгъандан, кеч къалгъан къолай.
- Къолу уллу – асыу, аягъы уллу – джарсыу.
- Къартны сыйын кёрмеген, къартлыгъында сыйлы болмаз.
- Къарнынг бла ёч алма.
- Адам сёзге тынгыла, акъыл сёзню ангыла.
- Нёгерсизни джолу узун.
- Булут кёкге джарашыу, уят бетге джарашыу.
- Таш ата билмеген, башына урур.
- Керти сёзге тёре джокъ.
- Айыбны суу бла джууалмазса.
Малкъар уя
12.10.2011 19:04:55
|
|
|
|
14.10.2011 12:27:23
toni
Бек аламат ! Мундан ары да Аллах онг берсин ! Халкъыны сый берген адамгъа - МАХТАУ !!! |
||||
|
|
|||
Читают тему (гостей: 1)