- Бетинги сатма, малынгы сат.
- Урама да – ёледи, сатама да – келеди.
- Атадан ёксюз – бир ёксюз, анадан ёксюз – эки ёксюз.
- Ашхы болсанг, атынг чыгъар, аман болсанг, джанынг чыгъар.
- Оюмсуз атлагъан, аджалсыз ёлюр.
- Аз сёлеш, кёб ишле.
- Джангыз терек къынгыр ёсер.
- Тили узунну, намысы – къысха.
- Кёзю сокъурдан – къоркъма, кёлю сокъурдан – къоркъ.
- Джол бла сёзню къыйыры джокъ.
- Чакъырылмагъан джерге барма, чакъырылгъан джерден къалма.
- Эм уллу байлыкъ – джан саулукъ.
- Биреуге аманлыкъ этиб, кесинге игилик табмазса.
- Нафысынгы айтханын этме, намысынгы айтханын эт.
- Эринчекге кюн узун.
- Иесиз малны бёрю ашар.
- Билимли ёлмез, билимсиз кёрмез.
- Ат басханны джер билед.
- Джеринден айырылгъан – джети джылар, джуртундан айырылгъан – ёлгюнчю джылар.
- Аякъларынгы джууургъанынга кёре узат.
- Уллу айтханны этмеген – уллаймаз.
- Адам сёзюнден белгили.
- Айтхан сёзюне табылгъан.
- Тюкюрюк баш джармаз, налат кёз чыгъармаз!
- Чыбыкълыкъда бюгюлмеген, къазыкълыкъда бюгюлмей эди.
- Къызын тута билмеген, тул этер, джашын тута билмеген, къул этер.
- Тенгинг джокъ эсе – изле, бар эсе – сакъла!
- Джаш болсун, къыз болсун, акъылы, саны тюз болсун.
- Тёрени джагъы джокъ.
- Гитче джилтин уллу элни джандырыр.
- Къартны бурнун сюрт да, оноугъа тут.
- Джарашыу сюйген – джалынчакъ.
- Ач, тоймам, дейди, тойгъан, ач болмам, дейди.
- Ана къойну – балагъа джандет.
- Тилсиз миллет джокъ болур.
- Танг атмайма десе да, кюн къоярыкъ тюйюлдю.
- Рысхысына кёре, джаш ёсер, къышлыгъына кёре, мал ёсер.
- Джырчы ёлсе, джыры къалыр.
- Садакъачыны джаны – къапчыгъында.
- Итли къонакъ джарашмаз.
- Джюрекге ариу – кёзге да ариу.
- Къуру гыбыт бек дыгъырдар.
- Адебни адебсизден юрен.
- Тенги кёбню джау алмаз, акъылы кёбню дау алмаз.
- Сакъ юйюне сау барыр.
- Къонагъынгы артмагъын алма да, алгъышын ал.
- Ашда – бёрю, ишде – ёлю.
- Аманны тукъумуна къарама, игини тукъумун сорма.
- Намыс сатылыб алынмайды.
- Соргъан айыб тюлдю, билмеген айыбды.
Малкъар уя
      |
|
|
|
|
|
toni
Бек аламат ! Мундан ары да Аллах онг берсин ! Халкъыны сый берген адамгъа - МАХТАУ !!!   |
||||
|
|
|
|||
Читают тему (гостей: 1)