- Сакъламагъан затынга джолукъсанг, не бек къууанаса, не бек ачыйса.
- «Ма», - дегенни билмесенг, «бер», - дегенни билмезсе.
- Тилсиз миллет джокъ болур.
- Биреуге кёлтюрген таягъынг, кесинги башынга урур.
- Ойнай билмеген, уруб къачар.
- Кёбге таш атма.
- Эки ойлашыб, бир сёлешген.
- Юре билмеген ит, къонакъ келтирир.
- Байма, деб да, къууанма, джарлыма, деб да, джылама.
- Джукъу тёшек сайламайды.
- Тилчиден кери бол.
- Чёбню кёлтюрсенг, тюбюнден сёз чыгъар.
- Къулакъдан эсе, кёзге ышан.
- Чомарт джарлы болмаз.
- Тюзлюк шохлукъну бегитир.
- Бозанг болмагъан джерге, къалагъынгы сукъма.
- Ариу сёз джыланны орнундан чыгъарыр.
- Бал ашаргъа сюе эсенг, чибин ургъаннга тёз.
- Кютгени беш эчки, сызгъыргъаны уа, джерни джарады.
- Иги сеники эсе да, сюйген кесимикин этеме.
- Ашатыргъа иш – ашхы, ишлетирге аш – ашхы.
- Джигер – джаннга къыйынлыкъ.
- Билимден уллу байлыкъ джокъду.
- Телиге от эт десенг, юйюнге от салыр.
- Суу кетер, таш къалыр.
- Кёкдеги болмаса, джердегин кёрмейди.
- Сёз – кюмюш, джыр – алтын.
- Ашлыкъ – бюртюкден, джюн – тюкден.
- Чыбыкълыкъда бюгюлмеген, къазыкълыкъда бюгюлмей эди.
- Айырылгъанланы айю ашар, бёлюннгенлени бёрю ашар.
- Атынг аманнга чыкъгъандан эсе, джанынг тамагъынгдан чыкъсын.
- Адебсиз адам – джюгенсиз ат.
- Ана кёлю – балада, бала кёлю – талада.
- Ач отунчуну ачыуу – бурнунда.
- Къонакъны къачан кетерин сорма, къачан келлигин сор.
- Сыфатында болмагъаны, суратында болмаз.
- Миллетни бойну – базыкъ, аны бла кюрешген – джазыкъ.
- Адеб базарда сатылмаз.
- Татлы сёз – балдан татлы.
- Кёл – къызбай, къол – батыр.
- Агъач халкъгъа алтынды, иссиликге салкъынды.
- Тойгъандан сора, ашны сёкме.
- Бозаны арты дауур болур.
- Баш – акъыл ючюн, акъылман – халкъ ючюн.
- Итли къонакъ джарашмаз.
- Баш болса, бёрк табылыр.
- Уллу къашыкъ эрин джыртар.
- Ашхы адам – халкъ байлыгъы, ашхы джер – джашау байлыгъы.
- Элге къуллукъ этмеген, элге ие болмаз.
- Тёрдеги кюлсе, эшикдеги ышарыр.
Малкъар уя
      |
|
|
|
|
|
toni
Бек аламат ! Мундан ары да Аллах онг берсин ! Халкъыны сый берген адамгъа - МАХТАУ !!!   |
||||
|
|
|
|||
Читают тему (гостей: 1)