- Сабийликде юретмесенг, уллу болса – тюзелмез.
- Джюрекден джюрекге джол барды.
- Ашда уялгъан – мухар, ишде уялгъан – хомух.
- Джыгъылгъанны сырты джерден тоймаз.
- Эски джаугъа ышанма.
- Мухарны эси – ашарыкъда.
- Тюзлюк шохлукъну бегитир.
- Кёл – къызбай, къол – батыр.
- Ашхы – джыяр, аман – джояр.
- Джангызны оту джарыкъ джанмаз!
- Сакъламагъан затынга джолукъсанг, не бек къууанаса, не бек ачыйса.
- Кюлме джашха – келир башха.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эр сокъур болсун, къатын тилсиз болсун.
- Гыдай эчки суугъа къараб, мюйюзле кёрмесе, джашма алкъын, дегенди.
- Иги сеники эсе да, сюйген кесимикин этеме.
- Ауузу аманнга «иги», деме.
- Бойнуму джети джерден кессенг да, мен ол ишни этеллик тюлме.
- Ашыкъгъан cуу, тенгизге джетмез.
- Сабий болмагъан джерде, мёлек болмаз.
- Джумушакъ сёз къаты таякъны сындырыр.
- Билеги кючлю, бирни джыгъар, билими кючлю, мингни джыгъар.
- Ашыкъгъанны этеги бутуна чырмалыр.
- Хантына кёре тузу, юйюне кёре къызы.
- Тойгъа алгъа да барма, тойда артха да къалма.
- Къонакъ кёб келюучю юйню, къазаны отдан тюшмез.
- Уллу къазанда бишген эт, чий къалмаз.
- Къартха ушагъан джаш – акъыллы, джашха ушагъан къарт – тели.
- Джерни букъусу кёкге къонмаз.
- Атадан ёксюз – бир ёксюз, анадан ёксюз – эки ёксюз.
- Къарны аманнга къазан такъдырма, къолу аманнга от джакъдырма.
- Къарнынг ауруса, ауузунгу тый
- Джюрек кёзден алгъа кёрюр.
- Баш болса, бёрк табылыр.
- Телини эшигин, махтау джабар.
- Чыбыкълыкъда бюгюлмеген, къазыкълыкъда бюгюлмей эди.
- Джарлыны эшигин махтагъан джабар.
- Чабакъгъа акъыл, табагъа тюшсе келеди.
- Айтхан – тынч, этген – къыйын.
- Ишлерге уял да, ашаргъа табма.
- Джумушакъ терекни къурт ашар.
- Суугъа – таянма, джаугъа – ийнанма.
- Къайгъы тюбю – тенгиз.
- Чёбню кёлтюрсенг, тюбюнден сёз чыгъар.
- Кёрмегеннге кебек – танг, битмегеннге сакъал – танг.
- Баш – акъыл ючюн, акъылман – халкъ ючюн.
- Къулакъдан эсе, кёзге ышан.
- Тёрени джагъы джокъ.
- Къумурсхала джыйылсала, пилни да джыгъадыла.
- Ёлюр джаннга, ёкюл джокъ.
Кюуле (Х.Магомет)
13.07.2011 17:41:35
|
||||
|
|
|||
Читают тему (гостей: 1)