- Нарт сёз – тилни бети.
- Джогъун бар этген, барын бал этген.
- Ат басханны джер билед.
- Акъдан къара болмаз.
- Урама да – ёледи, сатама да – келеди.
- Иги адамны бир сёзю эки болмаз.
- Адам сёзюнден белгили.
- Иги сеники эсе да, сюйген кесимикин этеме.
- Ичимден чыкъды хата, къайры барайым сата?
- Чомартны къолун джокълукъ байлар.
- Ачыу алгъа келсе, акъыл артха къалады.
- Бал – татлы, балдан да бала – татлы.
- Эр абынмай, эл танымаз.
- Дженгил джетерикме деб, узун джолну къоюб, къысхасын барма.
- Агъач халкъгъа алтынды, иссиликге салкъынды.
- Тойгъанлыкъ къойгъа джарашады.
- Юйюнг бла джау болгъандан эсе, элинг бла джау бол.
- Къазанны башы ачыкъ болса, итге уят керекди.
- Сёлеш деб шай берген, тохта деб, сом берген.
- Айырылмаз джууугъунга, унутмаз сёзню айтма.
- Ата Джуртун танымагъан, атасын да танымаз.
- Ачлыкъ отха секиртир.
- Ойнай-ойнай кёз чыгъар.
- Башланнган иш битер, къымылдагъан тиш тюшер.
- Мал кёб болса, джууукъ кёб болур.
- Борчунг бар эсе, хурджунунга ойлаб узал.
- Къыйынлы джети элге оноу этер.
- Элде адам къалмаса, ит тахтагъа минер.
- Ашхы атаны – джашы ашхы, ашхы ананы – къызы ашхы.
- Терек ауса, отунчу – кёб.
- Ишлегенден, къарагъан уста.
- Гырджын – тепсини тамадасы.
- Хоншуну тауугъу къаз кёрюнюр, келини къыз кёрюнюр.
- Джаз бир кюнню джатсанг, къыш талай кюнню абынырса.
- Ач бёрюге мекям джокъ.
- Джаш къарыу бла кючлю, къарт акъыл бла кючлю.
- Акъылсызны джууукъгъа алма, акъыллыны кенгнге салма.
- Кёзю сокъурдан – къоркъма, кёлю сокъурдан – къоркъ.
- Кийим тукъум сордурур.
- Къарнынг тойгъунчу аша да, белинг талгъынчы ишле.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къыз чыгъаргъан – къызыл къымжа.
- Къая джолда джортма, ачыкъ сёзден къоркъма.
- Ёлюк кебинсиз къалмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Накъырданы арты керти болур.
- Чёбню кёлтюрсенг, тюбюнден сёз чыгъар.
- Тёзгеннге, джабылгъан эшик ачылыр.
- Ёлмесенг да, къарт дамы болмазса?
- Къазанда болса, чолпугъа чыгъар.
Кюуле (Х.Магомет)
13.07.2011 17:41:35
|
||||
|
|
|||
Читают тему (гостей: 1)