- Бети – къучакълар, джюреги – бычакълар.
- Хансыз джомакъ болмаз.
- Аджал соруб келмез, келсе, къайтыб кетмез.
- Мал ёлсе, сюек къалыр, адам ёлсе, иши къалыр.
- Къайтырыкъ эшигинги, къаты уруб чыкъма.
- Мадар болса, къадар болур.
- Атлыны ашхысы, ат тизгининден билинир
- Чабакъсыз кёлге къармакъ салгъанлыкъгъа, чабакъ тутмазса.
- Къуру гыбыт бек дыгъырдар.
- Рысхы – насыбха къор.
- Бермеген къол, алмайды.
- Аманнга алтын чыдамаз.
- Ёзденликни кёбю ётюрюк.
- Онгсузну – джакъла, тенгликни – сакъла.
- Зар адамны насыбы болмаз.
- Соргъан айыб тюлдю, билмеген айыбды.
- Эри аманны, къатыны – аман.
- Ишге юренсин къоллары, халкъ бла болсун джоллары.
- Тил бла келеди джыр да.
- Ашхы болсанг, атынг чыгъар, аман болсанг, джанынг чыгъар.
- Тойгъан джерден туугъан джер игиди.
- Ашхылыкъ джерде джатмайды, аманлыкъ суугъа батмайды.
- Тынгылагъан тынгы бузар.
- Айран тёгюлсе, джугъусу къалыр.
- Ойнай-ойнай кёз чыгъар.
- Тиширыусуз юй – отсуз от джагъа.
- Адеби болмагъан къыз – тузсуз хант.
- Тюз сёз баргъан сууну тыяр.
- Эки элинги тыйсанг, джети элде махталырса.
- Дженгил джетерикме деб, узун джолну къоюб, къысхасын барма.
- Гугурук къычырмаса да, тангны атары къалмаз.
- Телиге от эт десенг, юйюнге от салыр.
- Чабакъгъа акъыл, табагъа тюшсе келеди.
- Хатерли къул болур.
- Хар сёзню орну барды.
- Ана – юйню кюн джарыгъы.
- Чакъырылмагъан джерге барма, чакъырылгъан джерден къалма.
- Таякъ этден ётер, тил сюекден ётер.
- Халкъны джырын джырласанг, халкъ санга эжиу этер.
- Иги адам абынса да, джангылмаз.
- Арбаз сайлама да, хоншу сайла.
- Аууздан келген, къолдан келсе, ким да патчах болур эди.
- Ёлмесенг да, къарт дамы болмазса?
- Аман киши кеси юйюнде – къонакъ.
- Алим болгъандан эсе, адам болгъан къыйынды.
- Игиге айтсанг – билир, аманнга айтсанг – кюлюр.
- Къызбайны юйюне дери сюрсенг, батыр болур.
- Ишлегенден, къарагъан уста.
- Джылкъыдан – ат чыгъар, тукъумдан – джаш чыгъар.
- Узун джолну барсанг, бюгюн келирсе, къысха джолну барсанг, тамбла келирсе.
Кюуле (Х.Магомет)
 |
||||
|
|
|
|||
Читают тему (гостей: 1)