- Нёгер болсанг, тенг бол, тенг болмасанг, кенг бол.
- Байлыкъ болгъан джерде, тынчлыкъ джокъду.
- Зар адам ашынгы ашар, кесинги сатар.
- Бир онгсуз адам адет чыгъарды, деб эштирик тюлсе.
- Миллетни бойну – базыкъ, аны бла кюрешген – джазыкъ.
- Сёлеш деб шай берген, тохта деб, сом берген.
- Джумушакъ терекни къурт ашар.
- Билими азны – ауузунда кирит.
- Битмегеннге сакъал – танг.
- Агъач – джерни чырайы, кийим – эрни чырайы.
- Ачлыкъда тары гырджын халыуадан татлы.
- Аман киши кеси юйюнде – къонакъ.
- Къалгъан ишге къар джауар.
- Ишни ахырын ойламай, аллын башлама.
- Джан саулукъ бермей, сан саулукъ бермезсе.
- Джырына кёре эжиую.
- Адамны сабийин сюйген джюреги, бычакъча, джитиди.
- Эр сокъур болсун, къатын тилсиз болсун.
- Таула не мийик болсала да, аууш табылыр.
- Тёрдеги кюлсе, эшикдеги ышарыр.
- Шекер бла туз – бир болмаз, ушамагъан – юй болмаз.
- Уллу сёзде уят джокъ.
- Эки къатын алгъанны къулагъы тынгнгаймаз.
- Бетинги сатма, малынгы сат.
- Таякъ этден ётер, тил сюекден ётер.
- Адебсиз адам – джюгенсиз ат.
- Сууда джау джокъ, кёб сёзде магъана джокъ.
- От этилмеген джерден тютюн чыкъмайды.
- Экиндини кеч къылсанг, чабыб джетер ашхам.
- Ёзденликни джайгъан – джокълукъ.
- Алгъанда – джууукъ, бергенде – джау.
- Кеси юйюмде мен да ханма.
- Баш болса, бёрк табылыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Рысхы джалгъанды: келген да этер, кетген да этер.
- Джарлы джети элни сёзюн этер.
- Юйюнг бла джау болгъандан эсе, элинг бла джау бол.
- Къыз чыгъаргъан – къызыл къымжа.
- Къонакъ аман болса, къонакъбай джунчур
- Къарнынг тойгъунчу аша да, белинг талгъынчы ишле.
- Башсыз урчукъ тюзюне айланмаз.
- Ашхы – джыяр, аман – джояр.
- Юреннген ауруу къалмаз.
- Атынг аманнга чыкъгъандан эсе, джанынг тамагъынгдан чыкъсын.
- Кёб ант этген, кёб ётюрюк айтыр.
- Тойгъа алгъа да барма, тойда артха да къалма.
- Ётюрюкню къуйругъу – бир тутум.
- Ашыкъгъанны этеги бутуна чырмалыр.
- Кёзюнде тереги болгъан, чёбю болгъаннга кюле эди.
- Акъыл неден да кючлюдю.
Кюуле (Х.Магомет)
13.07.2011 17:41:35
|
||||
|
|
|||
Читают тему (гостей: 1)