- Ёлюк кебинсиз къалмаз.
- Кесинге джетмегенни, кёб сёлешме.
- Татлы тилде – сёз ариу, чемер къолда – иш ариу.
- Насыблы элин сюер, насыбсыз кесин сюер.
- Билеги кючлю, бирни джыгъар, билими кючлю, мингни джыгъар.
- Окъ къызбайны джокълайды.
- Баш – акъыл ючюн, акъылман – халкъ ючюн.
- Махтаннган къыз, тойда джукълар.
- Ётюрюкчюню шагъаты – къатында.
- Къызны минг тилер, бир алыр.
- От этилмеген джерден тютюн чыкъмайды.
- Ёлюр джаннга, ёкюл джокъ.
- Аш кетер да бет къалыр.
- Бастасын ашагъан, хантусун да ичер.
- Къазанчы аман болса, къазаны къайнамаз.
- Аман къатын сабий табса, бий болур…
- Хар сёзню орну барды.
- Иги адам абынса да, джангылмаз.
- Намысы джокъну – дуниясы джокъ.
- Элге къуллукъ этмеген, элге ие болмаз.
- Аш берме да, къаш бер.
- Къыйынлы джети элни къайгъысын этер.
- Ишлегенден, къарагъан уста.
- Итли къонакъ джарашмаз.
- Джигер – джаннга къыйынлыкъ.
- Тенгни тенглиги джашай барсанг билинир.
- Сабийликде юретмесенг, уллу болса – тюзелмез.
- Ач бёрюге мекям джокъ.
- Ойнай билмеген, уруб къачар.
- Аман эсирсе, юйюн ояр.
- Узун джолну барсанг, бюгюн келирсе, къысха джолну барсанг, тамбла келирсе.
- Ашарыкъда сайлагъаннга – чий гырджын.
- Ашлыкъны арба юйге келтирир, чана базаргъа элтир.
- Чоюнну башы ачыкъ болса, итге уят керекди.
- Эр абынмай, эл танымаз.
- Чакъырылгъанны аты, чакъырылмагъанны багъасы болур.
- Бек ашыкъгъан меннге джетсин, дегенди аракъы.
- Къар – келтирди, суу – элтди.
- Терек ауса, отунчу – кёб.
- Накъырданы арты керти болур.
- Айыбны суу бла джууалмазса.
- Артына баргъанны, къатына барма.
- Бир абыннган – минг сюрюнюр.
- Ургъан суудан башынгы сакъла.
- Тойгъа барсанг, тоюб бар, эски тонунгу къоюб бар.
- Аууз сакълагъан – джан сакълар.
- Рысхы – сют юсюнде кёмюк кибикди.
- Мадар болса, къадар болур.
- Башы джабылгъан челекге, кир тюшмез.
- Илму – джашауну джолу.
