- Кёб джашагъан – кёб билир.
- Адамны адамлыгъы къыйынлыкъда айгъакъланады.
- Ёлген аслан – сау чычхан.
- Къатыны харакетли болса, эри къымсыз болур.
- Ана къойну – балагъа джандет.
- Гырджын – тепсини тамадасы.
- Джюрекден джюрекге джол барды.
- «Ёгюз, джаргъа джууукъ барма, меннге джюк боллукъса», - дегенди эшек.
- Аууз сакълагъан – джан сакълар.
- Тамчы таш тешер.
- Джумушакъ сёз къаты таякъны сындырыр.
- Мал тутхан – май джалар.
- Ариу сёз – джаннга азыкъ, аман сёз – башха къазыкъ.
- Адам къаллай бир ишленмесе, аллай бир кесин уллу кёреди.
- Къазанчы аман болса, къазаны къайнамаз.
- Хар сёзню орну барды.
- Ётюрюкчюню шагъаты – къатында.
- Аш кетер да бет къалыр.
- Тилсиз миллет джокъ болур.
- Тили узунну, намысы – къысха.
- Таш бла ургъанны, аш бла ур.
- Ата Джуртча джер болмаз, туугъан элча эл болмаз.
- Кёбге таш атма.
- Ач уят къоймаз.
- Айтылгъан сёз ызына къайтмаз.
- Джылар джаш, атасыны сакъалы бла ойнар.
- Адамны аманы адамны бети бла ойнар.
- Тил – миллетни джаны.
- Тешик этген тынчды, аны джамагъан къыйынды.
- Сютден ауузу кюйген, суугъа юфгюре эди.
- Уллу атлама – абынырса, уллу къабма – къарылырса.
- Хар адамгъа кеси миннген тау кибик.
- Чыкълы кюнде чыкъмагъан, чыкъса къуру кирмеген.
- Кеси юйюмде мен да ханма.
- Башынга джетмегенни сорма.
- Билим ат болуб да чабар, къуш болуб да учар.
- Бичгенде ашыкъма, тикгенде ашыкъ.
- Тилчи бир сагъатха айлыкъ хата этер.
- Махтаннган къыз, тойда джукълар.
- Термилгенинги табмазса, кюлгенинге тюберсе.
- Къонакъны къачан кетерин сорма, къачан келлигин сор.
- Биреуге кёлтюрген таягъынг, кесинги башынга урур.
- Акъыл сабырлыкъ берир.
- Бюгюн дуния кибик, тамбла ахыратды.
- Ишни аллы бла къууанма да, арты бла къууан.
- Накъырда – кертини келечиси.
- Сёз къанатсыз учар.
- Биреуню эскиси биреуге джангы болмайды.
- Къоркъакъны кёзю экили кёрюр.
- Босагъа таш юйге кирмей эди, тыбыр таш эшикге чыкъмай эди.
