- Эринчекге кюн узун.
- Къазанны башы ачыкъ болса, итге уят керекди.
- Тойгъан джерден туугъан джер игиди.
- Сибиртки да сыйлы болду, кюрек да кюнлю болду.
- Ойнай билмеген, оюн бузар.
- Ашлыкъ – бюртюкден, джюн – тюкден.
- Башда акъыл болмаса, эки аякъгъа кюч джетер.
- Билимли ёлмез, билимсиз кёрмез.
- Джаным-тиним – окъуу, билим.
- Ичимден чыкъды хата, къайры барайым сата?
- Алтыда кюлмеген, алтмышда кюлмез.
- Адамгъа аман кюн соруб келмейди.
- Сютню башын джалагъан къутулур, тюбюн ичген тутулур.
- Уллу сёлешме да, уллу къаб.
- Ёлюр джаннга, ёкюл джокъ.
- Тюкюрюк баш джармаз, налат кёз чыгъармаз!
- Ёлмесенг да, къарт дамы болмазса?
- Ушамагъан – джукъмаз.
- Къызын тута билмеген, тул этер, джашын тута билмеген, къул этер.
- Къартны сыйын кёрмеген, къартлыгъында сыйлы болмаз.
- Эл тойса, тоймагъан, эл къойса, къоймагъан.
- Чомартха хар кюн да байрамды.
- Суу да къайтады чыкъгъан джерине.
- Аш кетер да бет къалыр.
- Чомартны къолу берекет.
- Ханы къызы буюгъа-буюгъа киштик болду.
- Билими азны – ауузунда кирит.
- Эртде тургъан джылкъычыны эркек аты тай табар.
- Илму – джашауну джолу.
- Бет бетге къараса, бет да джерге къарар.
- Ётюрюк хапар аякъ тюбю бла джюрюйдю.
- Ата Джуртун танымагъан, атасын да танымаз.
- Акъыл къартда, джашда тюйюлдю – башдады.
- Дууулдаса – бал чибин, къонса – къара чибин.
- Ойнай-ойнай кёз чыгъар.
- Джашынгы кесинг юретмесенг, джашау юретир.
- Борчунг бар эсе, хурджунунга ойлаб узал.
- Хар зат кесини орнуна иги.
- Эли джокъну – кёлю джокъ.
- Джол бла сёзню къыйыры джокъ.
- Кёб джат да, бек чаб.
- Адамны сабийин сюйген джюреги, бычакъча, джитиди.
- Къууут – джелге, берне – бошха.
- Атлыны ашхысы, ат тизгининден билинир
- Тели турса – той бузар.
- Аллахдан тилесенг, кёб тиле.
- Байлыкъ адамны сокъур этер.
- Окъуу – билимни ачхычы, окъуу – дунияны бачхычы.
- Этим кетсе да, сюегим къалыр.
- Ариу сёз – джаннга азыкъ, аман сёз – башха къазыкъ.