- Ашарыкъда сайлагъаннга – чий гырджын.
- Билимсиз иш бармаз.
- Арбаз сайлама да, хоншу сайла.
- Билимли ёлмез, билимсиз кёрмез.
- Билмегенинги, билгеннге сор.
- Къаллай салам берсенг, аллай джууаб алырса.
- Билими азны – ауузунда кирит.
- Ойнай билмеген, уруб къачар.
- Джырчы ёлсе, джыры къалыр.
- Керек ташны ауурлугъу джокъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Экеу тутушса, биреу джыгъылыр.
- Джерни букъусу кёкге къонмаз.
- Сакъалы текени да бар, мыйыгъы киштикни да бар.
- Къазанда болса, чолпугъа чыгъар.
- Билмезни кёзю кёрмез, этмезни къулагъы эшитмез.
- Ашлыкъ – бюртюкден, джюн – тюкден.
- Эки элинги тыйсанг, джети элде махталырса.
- Ишлегенде эринме, ишде чолакъ кёрюнме.
- Аллахха ийнаннган кишини, Аллах онгдурур ишин.
- Бозанг болмагъан джерге, къалагъынгы сукъма.
- Джумушакъ сёз къаты таякъны сындырыр.
- Ата Джуртуму башы болмасам да, босагъасында ташы болайым.
- Эшекге миннген – биринчи айыб, андан джыгъылгъан – экинчи айыб.
- Тик ёргени, тик энгишгеси да болады.
- Ауузу бла къуш тута айланады.
- Нарт сёз – тилни бети.
- Намысы болмагъанны, сыйы болмаз.
- Биреуге кёлтюрген таягъынг, кесинги башынга урур.
- Кёзюнде тереги болгъан, чёбю болгъаннга кюле эди.
- Нафысынгы айтханын этме, намысынгы айтханын эт.
- Айырылгъанланы айю ашар, бёлюннгенлени бёрю ашар.
- Байлыкъ келсе, акъыл кетер.
- Ашыкъгъанны этеги бутуна чырмалыр.
- Орну джокъну – сыйы джокъ.
- Къалгъан ишге къар джауар.
- Тойгъа алгъа да барма, тойда артха да къалма.
- Хансыз джомакъ болмаз.
- Хата – гитчеден.
- Эл бла кёргенинг эрелей.
- Джумушакъ терекни къурт ашар.
- Къарнынг ауруса, ауузунгу тый
- Эрни эр этерик да, къара джер этерик да, тиширыуду.
- Эски джаугъа ышанма.
- Ачны эсинде – аш.
- Ётюрюкню башын керти кесер.
- Кесинг сынамагъан затны, адамгъа буюрма.
- Къолу уллу – асыу, аягъы уллу – джарсыу.
- Джаш къарыу бла кючлю, къарт акъыл бла кючлю.
- Эки къатын алгъанны къулагъы тынгнгаймаз.
Чуюютлю дауат этеди!
Читают тему (гостей: 1)