- Баргъанынга кёре болур келгенинг.
- Билмегенинги, билгеннге сор.
- Ашхы сёз таш тешер.
- Кеси юйюмде мен да ханма.
- Къайтырыкъ эшигинги, къаты уруб чыкъма.
- Рысхысына кёре, джаш ёсер, къышлыгъына кёре, мал ёсер.
- Онгсузну – джакъла, тенгликни – сакъла.
- Къартха ушагъан джаш – акъыллы, джашха ушагъан къарт – тели.
- Акъыллы айтыр эди, акъылсыз къоймайды.
- Билимсиз иш бармаз.
- Уллу айтханны этмеген – уллаймаз.
- Мал кёб болса, джууукъ кёб болур.
- Джашны джигитлиги сорулур, къызны джигерлиги сорулур.
- Аджашхан тёгерек айланыр.
- Ата Джуртуму башы болмасам да, босагъасында ташы болайым.
- Чомарт бергенин айтмаз.
- Кёзден кетген, кёлден да кетеди.
- Урама да – ёледи, сатама да – келеди.
- Тик ёргени, тик энгишгеси да болады.
- Къартны сыйын кёрмеген, къартлыгъында сыйлы болмаз.
- Ашарыкъда сайлагъаннга – чий гырджын.
- Ишин билген, аны сыйын чыгъарады.
- Тыш элде солтан болгъандан эсе, кесинги элде олтан болгъан игиди!
- Джылкъыдан – ат чыгъар, тукъумдан – джаш чыгъар.
- Ичимден чыкъды хата, къайры барайым сата?
- Уллу атлама – абынырса, уллу къабма – къарылырса.
- Таукелге нюр джауар.
- Джарлы джети элни сёзюн этер.
- Сабийликде юретмесенг, уллу болса – тюзелмез.
- Накъырда – кертини келечиси.
- Билим ат болуб да чабар, къуш болуб да учар.
- Кёбге таш атма.
- Берекет берсин деген джерде, берекет болур.
- Огъурлуну сёзю – суу, огъурсузну сёзю – уу.
- Махтаннган къыз, тойда джукълар.
- Эл ауузу – элек, анга ийнаннган – халек.
- Суугъа – чабакъ, къаягъа – ыргъакъ.
- Мени джылытмагъан кюн, меннге тиймесин!
- Ёлген ийнек сютлю болур.
- Окъугъанны бети джарыкъ.
- Кюлме джашха – келир башха.
- Бастасын ашагъан, хантусун да ичер.
- Тынгылагъан тынгы бузар.
- Орну джокъну – сыйы джокъ.
- Азыкъ аз болса, эртде орун сал.
- Джюрек кёзден алгъа кёрюр.
- Ханы къызы буюгъа-буюгъа киштик болду.
- Бир абыннган – минг сюрюнюр.
- Мухарны эси – ашарыкъда.
- Ашда уялгъан – мухар, ишде уялгъан – хомух.
Чуюютлю дауат этеди!
Читают тему (гостей: 1)