- Чабакъгъа акъыл, табагъа тюшсе келеди.
- Таукел къуру къалмаз.
- Уллу къашыкъ эрин джыртар.
- Къонакъны къачан кетерин сорма, къачан келлигин сор.
- Насыблы элин сюер, насыбсыз кесин сюер.
- Джюрекге ариу – кёзге да ариу.
- Телиге от эт десенг, юйюнге от салыр.
- Ариуну – ауруу кёб.
- Тик ёргени, тик энгишгеси да болады.
- Чакъырылгъанны аты, чакъырылмагъанны багъасы болур.
- Джиби бир къат джетмей эди да, эки къат тарта эди.
- Хар адамгъа кеси миннген тау кибик.
- Тёрде – темир таякълы, къаяда – чыпчыкъ аякълы.
- Джыланны къуйругъундан басарынг келсе, аны башы болгъанын унутма.
- Тамырсыз терекге таянма – джыгъылырса.
- Тойгъан антын унутур.
- Айтхан – тынч, этген – къыйын.
- Баш – акъыл ючюн, акъылман – халкъ ючюн.
- Берекет берсин деген джерде, берекет болур.
- Тёрени джагъы джокъ.
- Джырчы ёлсе, джыры къалыр.
- Акъыл бла адеб эгизледиле.
- «Ёгюз, джаргъа джууукъ барма, меннге джюк боллукъса», - дегенди эшек.
- Ёксюзню къалачы уллу кёрюнюр.
- Ач, тоймам, дейди, тойгъан, ач болмам, дейди.
- Ёлмесенг да, къарт дамы болмазса?
- Къан бла кирген, джан бла чыгъар.
- Ауругъан – джашаудан умутчу.
- Адам туугъан джеринде, ит тойгъан джеринде.
- Адамгъа аман кюн соруб келмейди.
- Тёзген – тёш ашар!
- Къошда джокъгъа – юлюш джокъ.
- Уллу суу бла уллу ауруудан башынгы сакъла.
- Айран ичген – къутулду, джугъусун джалагъан – тутулду.
- Къанны къан бла джуума, аманны аман бла къуума.
- Кесинг сынамагъан затны, адамгъа буюрма.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кёбню кёрген – кёб билир.
- Ана кёлю – балада, бала кёлю – талада.
- Ата Джуртча джер болмаз, туугъан элча эл болмаз.
- Адам сёзюнден белгили.
- Хар сёзню орну барды.
- Аджалсыз ёлюм болмаз.
- Иесиз малны бёрю ашар.
- Кёб джашагъан – кёб билир.
- Азыгъы аз, алгъа къабар, аты аман, алгъа чабар.
- Эте билген, этген этеди, эте билмеген, юретген этеди!
- Къарт болгъан джерде, берекет болур, сабий болгъан джерде, оюн болур.
- Джюрек кёзден алгъа кёрюр.
- Ачны эсинде – аш.
Чуюютлю дауат этеди!
Читают тему (гостей: 1)