- Эшекге миннген – биринчи айыб, андан джыгъылгъан – экинчи айыб.
- Джаханимни кёрмей, джандетге кёл салмазса.
- Нафысынгы айтханын этме, намысынгы айтханын эт.
- Уллу атлама – абынырса, уллу къабма – къарылырса.
- Ат да турмайды бир териде.
- Киштикге къанат битсе, чыпчыкъ къалмаз эди.
- Ата Джуртуму башы болмасам да, босагъасында ташы болайым.
- Джырчы джырчыгъа – къарнаш.
- Ёлген аслан – сау чычхан.
- Байны къызы баймакъ болса да, юйде къалмаз!
- Аман адам этегингден тутса, кес да къач.
- Кютгени беш эчки, сызгъыргъаны уа, джерни джарады.
- Башы джабылгъан челекге, кир тюшмез.
- Ариуну – ауруу кёб.
- Джашынгы кесинг юретмесенг, джашау юретир.
- Джангызны оту джарыкъ джанмаз!
- Акъыл сабырлыкъ берир.
- Кёб джат да, бек чаб.
- Кёзден кетген, кёлден да кетеди.
- Эм ашхы къайын ана мамукъ бла башынгы тешер.
- Аманны къуугъан, аманлыкъ табар.
- Ургъан суудан башынгы сакъла.
- Тенгни тенглиги джашай барсанг билинир.
- Атынг аманнга чыкъгъандан эсе, джанынг тамагъынгдан чыкъсын.
- Аш берме да, къаш бер.
- Тёгюлген тюгел джыйылмайды.
- Босагъагъа джууукъ орун болса, ашыгъыб тёрге озма.
- Аллахха ийнаннган кишини, Аллах онгдурур ишин.
- Эки ойлашыб, бир сёлешген.
- Тёзгеннге, джабылгъан эшик ачылыр.
- Ашхы адам – халкъ байлыгъы, ашхы джер – джашау байлыгъы.
- Уллу суу бла уллу ауруудан башынгы сакъла.
- Адамны сыфатына къарама, сёзюне къара.
- Биреуню тёрюнден, кесинги эшик артынг игиди.
- Тас болгъан бычакъны сабы – алтын.
- Нарт сёз – тилни бети.
- Къарыусузгъа кюлме, онгсузгъа тийме.
- Ачыкъ джюрекге джол – ачыкъ.
- Кёзню ачылгъаны – иги, ауузну джабылгъаны – иги.
- Къатын байлыкъны сюер, эр саулукъну сюер.
- Ариу – кёзге, акъыл – джюрекге.
- Бал – татлы, балдан да бала – татлы.
- Тил – кесген бычакъ, сёз – атылгъан окъ.
- Ёнгкюч къууана барыр, джылай келир.
- Ичимден чыкъды хата, къайры барайым сата?
- Узун джолну барсанг, бюгюн келирсе, къысха джолну барсанг, тамбла келирсе.
- Джол бла сёзню къыйыры джокъ.
- Чакъырылгъанны аты, чакъырылмагъанны багъасы болур.
- Чакъырылмагъан джерге барма, чакъырылгъан джерден къалма.
- Элде адам къалмаса, ит тахтагъа минер.
[ Закрыто ] Притча о двух младенцах
|
эта притча и отрывок уже есть на форуме, поэтому тему закрываю, после же удалю, иншааЛлах
|
||||
|
|
|
|||
Читают тему (гостей: 1)