- Ёлмесенг да, къарт дамы болмазса?
- Ата – билек, ана – джюрек!
- Эр абынмай, эл танымаз.
- Сакъалы текени да бар, мыйыгъы киштикни да бар.
- Кюлме джашха – келир башха.
- Эрни эр этерик да, къара джер этерик да, тиширыуду.
- Айыбны суу бла джууалмазса.
- Бек ашыкъгъан меннге джетсин, дегенди аракъы.
- Чабакъ башындан чирийди.
- Джиби бир къат джетмей эди да, эки къат тарта эди.
- Босагъагъа джууукъ орун болса, ашыгъыб тёрге озма.
- Кёб джашагъан – кёб билир.
- Билгенни къолу къарны джандырыр.
- Иги адам абынса да, джангылмаз.
- Къобан да къуру да къобханлай турмайды, адам да къуру да патчахлай турмайды.
- Джашны джигитлиги сорулур, къызны джигерлиги сорулур.
- Огъурлуну сёзю – суу, огъурсузну сёзю – уу.
- Таукел къуру къалмаз.
- Аллахдан тилесенг, кёб тиле.
- Зарда марда джокъ.
- Аш хазыр болса, иш харам болур.
- Мен да «сен», дейме, сен да «кесим», дейсе.
- Асхат ашлыкъ сата, юйдегиси ачдан къата.
- Гугук кесини атын айтыб къычыргъанча, мен, мен деб нек тураса?
- Байлыкъ келсе, акъыл кетер.
- Джангызны оту джарыкъ джанмаз!
- Хантына кёре тузу, юйюне кёре къызы.
- Дууулдаса – бал чибин, къонса – къара чибин.
- Хар зат кесини орнуна иги.
- Намысы болмагъанны, сыйы болмаз.
- Тилчи бир сагъатха айлыкъ хата этер.
- Элге къуллукъ этмеген, элге ие болмаз.
- Къая джолда джортма, ачыкъ сёзден къоркъма.
- Сыфатында болмагъаны, суратында болмаз.
- Чомарт джарлы болмаз.
- Сагъышы джокъ – джукъучу, акъылы джокъ – къаугъачы.
- Джарлы тюеге минсе да, ит къабар.
- Бал – татлы, балдан да бала – татлы.
- Тил – миллетни джаны.
- Этни да ашады, бетни да ашады.
- Тойгъан антын унутур.
- Ётюрюкню къуйругъу – бир тутум.
- Билим ат болуб да чабар, къуш болуб да учар.
- Ишленмеклик адамлыкъды.
- Къатыны харакетли болса, эри къымсыз болур.
- Сакъ юйюне сау барыр.
- Суугъа – таянма, джаугъа – ийнанма.
- Аман адамны тепсинге олтуртсанг, къызынгы тилер.
- Татлы тилде – сёз ариу, чемер къолда – иш ариу.
- Ауузу аманнга «иги», деме.
[ Закрыто ] Притча о двух младенцах
|
эта притча и отрывок уже есть на форуме, поэтому тему закрываю, после же удалю, иншааЛлах
|
||||
|
|
|
|||
Читают тему (гостей: 1)