- Тилде сюек болмаса да, сюек сындырыр.
- Джюрек кёзден алгъа кёрюр.
- Къолу уллу – асыу, аягъы уллу – джарсыу.
- Кёзден кетген, кёлден да кетеди.
- Шапа кёб болса, аш татымсыз болур.
- Киштикге къанат битсе, чыпчыкъ къалмаз эди.
- Ёлген эшек бёрюден къоркъмайды.
- «Ёгюз, джаргъа джууукъ барма, меннге джюк боллукъса», - дегенди эшек.
- Аман адам элни бир-бирине джау этер.
- Биреу ашаб къутулур, биреу джалаб тутулур.
- Эте билген, этген этеди, эте билмеген, юретген этеди!
- Ётюрюк хапар аякъ тюбю бла джюрюйдю.
- Эр абынмай, эл танымаз.
- Ёзденликни кёбю ётюрюк.
- Ата Джуртун танымагъан, атасын да танымаз.
- Айырылмаз джууугъунга, унутмаз сёзню айтма.
- Чакъырылгъанны аты, чакъырылмагъанны багъасы болур.
- Мухарны эси – ашарыкъда.
- Босагъагъа джууукъ орун болса, ашыгъыб тёрге озма.
- Аман киши кеси юйюнде – къонакъ.
- Бал ашаргъа сюе эсенг, чибин ургъаннга тёз.
- Дуния аламаты сен эсенг да, игиме деб айтма.
- Джашда акъыл джокъ, къартда къарыу джокъ.
- Ойнай-ойнай кёз чыгъар.
- Аманны къуугъан, аманлыкъ табар.
- Эринчекге кюн узун.
- Чыбыкълыкъда бюгюлмеген, къазыкълыкъда бюгюлмей эди.
- Джырчы ёлсе, джыры къалыр.
- Билимсиз иш бармаз.
- Байлыкъ келсе, акъыл кетер.
- Къатыны харакетли болса, эри къымсыз болур.
- Сибиртки да сыйлы болду, кюрек да кюнлю болду.
- Къуру гыбыт бек дыгъырдар.
- Байлыкъдан саулукъ ашхыды.
- Кёкдеги болмаса, джердегин кёрмейди.
- Окъугъан – асыу, окъумагъан – джарсыу.
- Джолунга кёре – джюрюшюнг, джагъанга кёре – юлюшюнг.
- Адебсиз адам – джюгенсиз ат.
- Адамны джюреги нени кёрюрге сюйсе, кёзю да аны кёрюрге ёч болады.
- Орну джокъну – сыйы джокъ.
- Окъуусуз билим – джокъ, билимсиз кюнюнг – джокъ.
- Тёрде – темир таякълы, къаяда – чыпчыкъ аякълы.
- Къазанчы аман болса, къазаны къайнамаз.
- Кийимни бичсенг, кенг бич, тар этген къыйын тюлдю.
- Билими азны – ауузунда кирит.
- Аллахдан тилесенг, кёб тиле.
- Джаралыны джастыгъында сау ёлюр.
- Дууулдаса – бал чибин, къонса – къара чибин.
- Уллу къазанда бишген эт, чий къалмаз.
- Ишге юренсин къоллары, халкъ бла болсун джоллары.
[ Закрыто ] Притча о двух младенцах
11.11.2010 10:52:06
эта притча и отрывок уже есть на форуме, поэтому тему закрываю, после же удалю, иншааЛлах
|
||||
|
|
|||
Читают тему (гостей: 1)