- Тынгылагъан тынгы бузар.
- Нарт сёз къарт болмаз.
- Ургъан суудан башынгы сакъла.
- Гугурук къычырмаса да, тангны атары къалмаз.
- Иги адам абынса да, джангылмаз.
- Ариу сёз – къылычдан джити.
- Таш ата билмеген, башына урур.
- Берекет берсин деген джерде, берекет болур.
- Сангырау къулакъ эл бузар.
- Атлыны кёрсе, джаяуну буту талыр.
- Бюгюн дуния кибик, тамбла ахыратды.
- Къартны бурнун сюрт да, оноугъа тут.
- Тай асырагъан, атха минер.
- Окъуусуз билим – джокъ, билимсиз кюнюнг – джокъ.
- Кечеси – аяз, кюню – къыш, джарлы къаргъагъа бир аш тюш!
- Мал ёлсе, сюек къалыр, адам ёлсе, иши къалыр.
- Келинин тута билмеген, къул этер, къызын тута билмеген, тул этер.
- Джахил болса анасы, не билликди баласы?
- Билим – акъылны чырагъы.
- Азыгъы аз, алгъа къабар, аты аман, алгъа чабар.
- Игиге айтсанг – билир, аманнга айтсанг – кюлюр.
- Экеулен сёлеше тура эселе, орталарына барыб кирме.
- Эл бла кёргенинг эрелей.
- Билмегенинги, билгеннге сор.
- Хата – гитчеден.
- Окъ къызбайны джокълайды.
- Ёлюр джаннга, ёкюл джокъ.
- Тил – миллетни джаны.
- Шайтан алдады, тюзлюк къаргъады.
- Ач бёрюге мекям джокъ.
- Адамны артындан къара сабан сюрме.
- Бичгенде ашыкъма, тикгенде ашыкъ.
- Джарлы джети элни сёзюн этер.
- Джогъун бар этген, барын бал этген.
- Акъыллы башны – тили къысха.
- Айтылгъан буйрукъ, сёгюлмез
- Чабар ат – джетген къыз.
- Кёл – къызбай, къол – батыр.
- Ач къарынны, токъ билмез
- Къарнынг тойгъунчу аша да, белинг талгъынчы ишле.
- Джарлыны эшигин махтагъан джабар.
- Къонагъы джокъну – шоху джокъ.
- Кютгени беш эчки, сызгъыргъаны уа, джерни джарады.
- Адебни адебсизден юрен.
- Орундукъ тюбюнде атылсам да, орта джиликме, де да айлан.
- Чарсда алчыны эл кёреди.
- Къарын къуру болса, джюрек уру болур.
- Этим кетсе да, сюегим къалыр.
- Ким бла джюрюсенг, аны кёзю бла кёрюнюрсе.
- Юреннген ауруу къалмаз.
[ Закрыто ] Притча о двух младенцах
|
эта притча и отрывок уже есть на форуме, поэтому тему закрываю, после же удалю, иншааЛлах
|
||||
|
|
|
|||
Читают тему (гостей: 1)