- Ата Джуртча джер болмаз, туугъан элча эл болмаз.
- Къыз тиширыу кеси юйюнде да къонакъды.
- Айран тёгюлсе, джугъусу къалыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Сибиртки да сыйлы болду, кюрек да кюнлю болду.
- Къартха ушагъан джаш – акъыллы, джашха ушагъан къарт – тели.
- Орну джокъну – сыйы джокъ.
- Игиге айтсанг – билир, аманнга айтсанг – кюлюр.
- Сагъышы джокъ – джукъучу, акъылы джокъ – къаугъачы.
- Къанны къан бла джуума, аманны аман бла къуума.
- Аман киши кеси юйюнде – къонакъ.
- Байлыкъ болгъан джерде, тынчлыкъ джокъду.
- Аллахха ийнаннган кишини, Аллах онгдурур ишин.
- Адам сёзюнден белгили.
- Малны кют, джерни тюрт.
- Ашхы атаны – джашы ашхы, ашхы ананы – къызы ашхы.
- Къызын тута билмеген, тул этер, джашын тута билмеген, къул этер.
- Нёгерсизни джолу узун.
- Эки элинги тыйсанг, джети элде махталырса.
- Ат да турмайды бир териде.
- Дуния аламаты сен эсенг да, игиме деб айтма.
- Джылар джаш, атасыны сакъалы бла ойнар.
- Тилчиден кери бол.
- Башда акъыл болмаса, эки аякъгъа кюч джетер.
- Билими азны – ауузунда кирит.
- Тилде сюек болмаса да, сюек сындырыр.
- Къозулугъунда тоймагъан, къойлугъунда тоймаз.
- Дуния малгъа сатылма, кесингден телиге къатылма.
- Азыгъы аз, алгъа къабар, аты аман, алгъа чабар.
- Борчунг бар эсе, хурджунунга ойлаб узал.
- Мухардан ач ычхынмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Кёзню ачылгъаны – иги, ауузну джабылгъаны – иги.
- Къызбайны юйюне дери сюрсенг, батыр болур.
- Ариу сёз аурууунгу алыр.
- Тау башында, тау болмаз, джангыз терек, бау болмаз.
- Аманнга алтын чыдамаз.
- Эри аманны, къатыны – аман.
- Джарлыны эшигин махтагъан джабар.
- Айырылгъанланы айю ашар, бёлюннгенлени бёрю ашар.
- Джангыз терек къынгыр ёсер.
- Уллу сёлешме да, уллу къаб.
- Башы джабылгъан челекге, кир тюшмез.
- «Ма», - дегенни билмесенг, «бер», - дегенни билмезсе.
- Ишни ахырын ойламай, аллын башлама.
- Акъыллы – эл иеси, тели – эл баласы.
- Гыдай эчки суугъа къараб, мюйюзле кёрмесе, джашма алкъын, дегенди.
- Кёрмегеннге кебек – танг, битмегеннге сакъал – танг.
- Бичгенде ашыкъма, тикгенде ашыкъ.
- Элиб деген, элге болушур.
[ Закрыто ] Проверка хадисов на достоверность
Читают тему (гостей: 1)