- Къая джолда джортма, ачыкъ сёзден къоркъма.
- Шекер бла туз – бир болмаз, ушамагъан – юй болмаз.
- Аманнга игилик этсенг, юйюнге сау бармазса.
- Бек анасы джыламаз.
- Ашда – бёрю, ишде – ёлю.
- Къыз чыгъаргъан – къызыл къымжа.
- Юй кюйдю да, кюйюз чыкъды, ортасындан тюйюш чыкъды.
- «Ёгюз, джаргъа джууукъ барма, меннге джюк боллукъса», - дегенди эшек.
- Джюз элде джюз ёгюзюм болгъандан эсе, джюз джууугъум болсун.
- Экеу тутушса, биреу джыгъылыр.
- Сютню башын джалагъан къутулур, тюбюн ичген тутулур.
- Биреуге кёлтюрген таягъынг, кесинги башынга урур.
- Айранны сюйген, ийнек тутар.
- Келинни – келгинчи, бёркню кийгинчи кёр.
- Чыкълы кюнде чыкъмагъан, чыкъса къуру кирмеген.
- Таукел тауну аудурур.
- Кечеси – аяз, кюню – къыш, джарлы къаргъагъа бир аш тюш!
- Тёгюлген тюгел джыйылмайды.
- Эки элинги тыйсанг, джети элде махталырса.
- Эртде тургъан бла эртде юйленнген сокъуранмаз.
- Урунуу – насыбны анасы.
- Чомартны къолу берекет.
- Тынгылагъан тынгы бузар.
- Битмегеннге сакъал – танг.
- Керти сёзге тёре джокъ.
- Дуния аламаты сен эсенг да, игиме деб айтма.
- Намысы болмагъанны, сыйы болмаз.
- Джырчы ёлсе, джыры къалыр.
- Ашхы сёз таш тешер.
- Аман адамны тепсинге олтуртсанг, къызынгы тилер.
- Хантына кёре тузу, юйюне кёре къызы.
- Чомартха хар кюн да байрамды.
- Таш бла ургъанны, аш бла ур.
- Соргъан айыб тюлдю, билмеген айыбды.
- Кёрмегеннге кебек – танг, битмегеннге сакъал – танг.
- Башынга джетмегенни сорма.
- Ариу сёз – джаннга азыкъ, аман сёз – башха къазыкъ.
- Аман къатын алгъан, арыр, иги къатын алгъан джарыр.
- Кеси юйюмде мен да ханма.
- Байлыкъ болгъан джерде, тынчлыкъ джокъду.
- Ойнаб айтсанг да, эслеб айт.
- От этилмеген джерден тютюн чыкъмайды.
- Суу кетер, таш къалыр.
- Аджалсыз ёлюм болмаз.
- Ишин билген, аны сыйын чыгъарады.
- Узун джолну барсанг, бюгюн келирсе, къысха джолну барсанг, тамбла келирсе.
- Аууз сакълагъан – джан сакълар.
- Байлыкъдан саулукъ ашхыды.
- Агъач – джерни чырайы, кийим – эрни чырайы.
- Ишленмеклик адамлыкъды.
