- Къолу уллу – асыу, аягъы уллу – джарсыу.
- Чыкълы кюнде чыкъмагъан, чыкъса къуру кирмеген.
- Айтхан сёзюне табылгъан.
- Туз, гырджын аша, тюзлюк бла джаша.
- Хунаны тюбюн къазсанг, юсюнге ауар.
- Бек ашыкъгъан меннге джетсин, дегенди аракъы.
- Уллу суу бла уллу ауруудан башынгы сакъла.
- Байлыкъ тауусулур, билим тауусулмаз.
- Уруну арты – къуру.
- Хар ишни да аллы къыйынды.
- Эки элинги тыйсанг, джети элде махталырса.
- Адебсиз адам – джюгенсиз ат.
- Тиширыусуз юй – отсуз от джагъа.
- Таула не мийик болсала да, аууш табылыр.
- Кёзден кетген, кёлден да кетеди.
- Уллу атлама – абынырса, уллу къабма – къарылырса.
- Аллахха ийнаннган кишини, Аллах онгдурур ишин.
- Орну джокъну – сыйы джокъ.
- Тас болгъан бычакъны сабы – алтын.
- Ач къалгъандан, кеч къалгъан къолай.
- Иесиз малны бёрю ашар.
- Ишге юренсин къоллары, халкъ бла болсун джоллары.
- Киштикге къанат битсе, чыпчыкъ къалмаз эди.
- Гугук кесини атын айтыб къычыргъанча, мен, мен деб нек тураса?
- Эм ашхы къайын ана мамукъ бла башынгы тешер.
- Ана къолу ачытмаз.
- Кёб къычыргъандан – къоркъма, тынч олтургъандан – къоркъ.
- Келинин тута билмеген, къул этер, къызын тута билмеген, тул этер.
- Адамны адамлыгъы къыйынлыкъда айгъакъланады.
- Джарлы джети элни сёзюн этер.
- Къыз тиширыу кеси юйюнде да къонакъды.
- Татлы сёз – балдан татлы.
- Ачны эсинде – аш.
- Суугъа – чабакъ, къаягъа – ыргъакъ.
- Аман къатын сабий табса, бий болур…
- Азыкълы ат арымаз, къатыны аман джарымаз.
- Чомарт джарлы болмаз.
- Насыб бютеу халкъны юлюшюдю.
- Халкъны юйю – туугъан джери.
- Аман хансны – урлугъу кёб.
- Зар адам ашынгы ашар, кесинги сатар.
- Ана кёлю – балада, бала кёлю – талада.
- Эл элде бирер малынг болгъандан эсе, бирер тенгинг болсун.
- Эки итни арасына сюек атма, эки адамны арасында сёз чыгъарма.
- Джылар джаш, атасыны сакъалы бла ойнар.
- Тойгъан джерге джети къайт.
- Джети тилни билген джети кишиди.
- Билген билмегенни юретген адетди.
- Сёлеш деб шай берген, тохта деб, сом берген.
- Бал – татлы, балдан да бала – татлы.
