- Шайтан алдады, тюзлюк къаргъады.
- Адеб джокъда, намыс джокъ.
- Ичимден чыкъды хата, къайры барайым сата?
- Тил бла келеди джыр да.
- Кийимни бир кюнню аясанг, минг кюннге джарар.
- Джумушакъ сёз къаты таякъны сындырыр.
- Аууз сакълагъан – джан сакълар.
- Тиширыусуз юй – отсуз от джагъа.
- Алим болгъандан эсе, адам болгъан къыйынды.
- Аман къатын сабий табса, бий болур…
- Къонакъ хазыр болгъанлыкъгъа, къонакъбай хазыр тюлдю.
- Къанны къан бла джуума, аманны аман бла къуума.
- Эри аманны, къатыны – аман.
- Къумурсхала джыйылсала, пилни да джыгъадыла.
- Акъыл къартда, джашда тюйюлдю – башдады.
- Джарлы джети элни сёзюн этер.
- Кёлсюзден сёзсюз тууар.
- Мураты болгъанны джюрек тебюую башхады.
- Сагъышы джокъ – джукъучу, акъылы джокъ – къаугъачы.
- Ханы къызы буюгъа-буюгъа киштик болду.
- Ашарыкъда сайлагъаннга – чий гырджын.
- Мухарны эси – ашарыкъда.
- Таукелге нюр джауар.
- Тюз сёз баргъан сууну тыяр.
- Джюз элде джюз ёгюзюм болгъандан эсе, джюз джууугъум болсун.
- Тин – байлыгъынг, терен саулугъунг.
- Сыфатында болмагъаны, суратында болмаз.
- Аманнга алтын чыдамаз.
- Ашхы тенг джолгъа салыр, аман тенг джолдан тайдырыр.
- Хаухну атма, ёнгкючню сатма.
- Кенгеш болса, уруш болмаз.
- Къазанны башы ачыкъ болса, итге уят керекди.
- Ашхы сёз таш тешер.
- Аурууну келиую тынч, кетиую – къыйын.
- Сормай – алма, чакъырылмай – барма.
- Акъыллы башны – тили къысха.
- Чомарт къонакъ юй иесин сыйлар.
- Билмейме деген – бир сёз
- Эм уллу байлыкъ – джан саулукъ.
- Акъыллы эркиши атын махтар, акъылсыз эркиши къатынын махтар.
- Бичгенде ашыкъма, тикгенде ашыкъ.
- Джыланны къуйругъундан басарынг келсе, аны башы болгъанын унутма.
- Ана къойну – балагъа джандет.
- Рысхы – насыбха къор.
- Хансыз джомакъ болмаз.
- Юй ишлеген балта эшикде къалыр.
- Акъыллы айтыр эди, акъылсыз къоймайды.
- Дуния малгъа сатылма, кесингден телиге къатылма.
- Ашхылыкъ джерде джатмайды, аманлыкъ суугъа батмайды.
- Кёзю сокъурдан – къоркъма, кёлю сокъурдан – къоркъ.