- Аз сёлеш, кёб ишле.
- Окъугъан озар, окъумагъан тозар.
- Акъыллы эркиши атын махтар, акъылсыз эркиши къатынын махтар.
- Тамчы таш тешер.
- Бир абыннган – минг сюрюнюр.
- Джангызны оту джарыкъ джанмаз!
- Кечеси – аяз, кюню – къыш, джарлы къаргъагъа бир аш тюш!
- Ариу сёзде ауруу джокъ.
- Къошда джокъгъа – юлюш джокъ.
- Биреу къой излей, биреу той излей.
- Ашын ашагъанынгы, башын да сыйла.
- Ат да турмайды бир териде.
- Билмейме деген – бир сёз
- Сёз къанатсыз учар.
- Къарт болгъан джерде, берекет болур, сабий болгъан джерде, оюн болур.
- Дууулдаса – бал чибин, къонса – къара чибин.
- Ана кёлю – балада, бала кёлю – талада.
- Ойнай билмеген, оюн бузар.
- Сыфатында болмагъаны, суратында болмаз.
- Тенгни тенглиги джашай барсанг билинир.
- Тойгъа алгъа да барма, тойда артха да къалма.
- Уллу сёзде уят джокъ.
- Билимсиз иш бармаз.
- Окъдан джара эртде-кеч болса да бителир, сёз джара, ёмюрге къалыр.
- Экиндини кеч къылсанг, чабыб джетер ашхам.
- Джогъун бар этген, барын бал этген.
- Джарлыны тону джаз битер.
- Акъдан къара болмаз.
- Тюз сёз баргъан сууну тыяр.
- Къууут – джелге, берне – бошха.
- Кесинг сынамагъан затны, адамгъа буюрма.
- Кёб джат да, бек чаб.
- Нарт сёз – тилни бети.
- Эте билген, этген этеди, эте билмеген, юретген этеди!
- Эр сокъур болсун, къатын тилсиз болсун.
- Терслик кетер, тюзлюк джетер.
- Ашлыкъ – бюртюкден, джюн – тюкден.
- Чоюнну башы ачыкъ болса, итге уят керекди.
- Ашхы атаны – джашы ашхы, ашхы ананы – къызы ашхы.
- Кюлме джашха – келир башха.
- Иесиз малны бёрю ашар.
- Аууздан келген, къолдан келсе, ким да патчах болур эди.
- Азыкълы ат арымаз, къатыны аман джарымаз.
- Уруну арты – къуру.
- Ёнгкюч къууана барыр, джылай келир.
- Ач къарынны, токъ билмез
- Тулпарлыкъ, билекден тюл – джюрекден.
- Тешигини къатында, чычхан да батыр болур.
- Къызгъанчдан ычхыныр, мухардан ычхынмаз.
- Суу кетер, таш къалыр.