- Къатын къылыкъсыз, эр тынчлыкъсыз.
- Хар зат кесини орнуна иги.
- Адам сёзюнден белгили.
- Кимни – тили, тиши онглу, кимни – къолу, иши онглу.
- Кёбге таш атма.
- Чакъырылмагъан джерге барма, чакъырылгъан джерден къалма.
- Кёлсюзден сёзсюз тууар.
- Аманнга алтын чыдамаз.
- Адамны артындан къара сабан сюрме.
- Сакъалы текени да бар, мыйыгъы киштикни да бар.
- Кёзден кетген, кёлден да кетеди.
- Чабакъгъа акъыл, табагъа тюшсе келеди.
- Къолу уллу – асыу, аягъы уллу – джарсыу.
- Юйлю уругъа ит чабмаз.
- Джырына кёре эжиую.
- Адам боллукъ, атламындан белгили болур.
- Азыгъы аз, алгъа къабар, аты аман, алгъа чабар.
- Чомарт къолда мал къалмаз.
- Байдан умут эте, джарлыдан ёгюз багъасы къорады.
- Насыблы элин сюер, насыбсыз кесин сюер.
- Тенги кёбню джау алмаз, акъылы кёбню дау алмаз.
- Аманны къуугъан, аманлыкъ табар.
- От этилмеген джерден тютюн чыкъмайды.
- Хунаны тюбюн къазсанг, юсюнге ауар.
- Бастасын ашагъан, хантусун да ичер.
- Кюл тюбюндеги от кёрюнмейди.
- Кёл – къызбай, къол – батыр.
- Сагъышы джокъ – джукъучу, акъылы джокъ – къаугъачы.
- Сютден ауузу кюйген, суугъа юфгюре эди.
- Босагъа таш юйге кирмей эди, тыбыр таш эшикге чыкъмай эди.
- Эки итни арасына сюек атма, эки адамны арасында сёз чыгъарма.
- Къарнынг ауруса, ауузунгу тый
- Иги болса, тамадама – махтау, аман болса, меннге – айыб.
- Джюрекге ариу – кёзге да ариу.
- Кёб къычыргъандан – къоркъма, тынч олтургъандан – къоркъ.
- Джангыз торгъай джырламаз.
- Чомарт джарлы болмаз.
- Къралынгы – душмандан, башынгы от бла суудан сакъла.
- Аджал соруб келмез, келсе, къайтыб кетмез.
- Ишлегенде эринме, ишде чолакъ кёрюнме.
- Чабар ат – джетген къыз.
- Кёпюр салгъан кеси ётер, уру къазгъан кеси кетер.
- Къайгъыны сюйген, къайгъы табар.
- Джаралыны джастыгъында сау ёлюр.
- Тойгъан антын унутур.
- Телини эшигин, махтау джабар.
- Ата джурт – алтын бешик.
- Огъурлуну сёзю – суу, огъурсузну сёзю – уу.
- Адамны бетине къарама, адетине къара.
- Ишни аллы бла къууанма да, арты бла къууан.