- Бозанг болмагъан джерге, къалагъынгы сукъма.
- Экеулен сёлеше тура эселе, орталарына барыб кирме.
- Чыбыкълыкъда бюгюлмеген, къазыкълыкъда бюгюлмей эди.
- Ёнгкюч къууана барыр, джылай келир.
- Адамны адамлыгъы къыйынлыкъда айгъакъланады.
- Тешигини къатында, чычхан да батыр болур.
- Окъ къызбайны джокълайды.
- Кёз – сюйген джерде, къол – ауругъан джерде.
- Джеринден айырылгъан – джети джылар, джуртундан айырылгъан – ёлгюнчю джылар.
- Джюрекге ариу – кёзге да ариу.
- Гыдай эчки суугъа къараб, мюйюзле кёрмесе, джашма алкъын, дегенди.
- Ашхы атаны – джашы ашхы, ашхы ананы – къызы ашхы.
- Кёл ашады да, кеси ашады.
- Тиширыусуз юй – отсуз от джагъа.
- Ашда уялгъан – мухар, ишде уялгъан – хомух.
- Аууз сакълагъан – джан сакълар.
- Ишлегенде эринме, ишде чолакъ кёрюнме.
- Къоркъакъны кёзю экили кёрюр.
- Алтыннга тот къонмаз.
- Нарт сёз – тилни бети.
- Ётюрюк хапар аякъ тюбю бла джюрюйдю.
- Сёз сёзню айтдырыр.
- Тил – кесген бычакъ, сёз – атылгъан окъ.
- Башы джабылгъан челекге, кир тюшмез.
- Тамбла алтындан бюгюн багъыр ашхы.
- Кечеси – аяз, кюню – къыш, джарлы къаргъагъа бир аш тюш!
- Билим насыб берир, билим джолну керир.
- Рысхы джалгъанды: келген да этер, кетген да этер.
- Мал кёб болса, джууукъ кёб болур.
- Эл ауузу – элия.
- Башланнган иш битер, къымылдагъан тиш тюшер.
- Сууда джау джокъ, кёб сёзде магъана джокъ.
- Кёбге таш атма.
- Мухарны эси – ашарыкъда.
- Уллу сёлешме да, уллу къаб.
- Бёрю да ач къалмасын, эчки да ашалмасын.
- Мухар, кеси тойса да, кёзю тоймаз.
- Артына баргъанны, къатына барма.
- Халкъны джырын джырласанг, халкъ санга эжиу этер.
- Къуру гыбыт бек дыгъырдар.
- Баш – акъыл ючюн, акъылман – халкъ ючюн.
- Эки ойлашыб, бир сёлешген.
- Чомарт къонакъ юй иесин сыйлар.
- Эл бла кёргенинг эрелей.
- Атынг аманнга чыкъгъандан эсе, джанынг тамагъынгдан чыкъсын.
- Эки къатын алгъан – эки ташны ортасына башын салгъан.
- Иги сеники эсе да, сюйген кесимикин этеме.
- Ишни ахырын ойламай, аллын башлама.
- Билимсиз иш бармаз.
- Ёлмесенг да, къарт дамы болмазса?
АЛИЙ ЭРДЖАН. ЭЛИЯГЪА ДЖЕР САЛГЪАН. ( папин южакга )
|
Алийге ЭРДЖАН атны мен атамагъанма.
Кечени ауазы айтхан эди алай.  |
|
|
|
|
|
Хауаны ичинде кёб СЁЗ барды...
ХАР СЁЗНЮ ДА МАГЪАНАСЫ БАРДЫ.  |
||||
|
|
|
|||
Читают тему (гостей: 1)