- Чабакъгъа акъыл, табагъа тюшсе келеди.
- Акъыллы – эл иеси, тели – эл баласы.
- Кесинг сынамагъан затны, адамгъа буюрма.
- Сагъышы джокъ – джукъучу, акъылы джокъ – къаугъачы.
- Онгсузну – джакъла, тенгликни – сакъла.
- Бастасын ашагъан, хантусун да ичер.
- Зар адам ашынгы ашар, кесинги сатар.
- Тойгъандан сора, ашны сёкме.
- Джукъу тёшек сайламайды.
- Этни бети бла шорпасы.
- Тура эдим джата, къайдан чыкъды хата?
- Ата – билек, ана – джюрек!
- Ётюрюкню къуйругъу – бир тутум.
- Эл тойса, тоймагъан, эл къойса, къоймагъан.
- Зарда марда джокъ.
- Къатын къылыкъсыз, эр тынчлыкъсыз.
- Огъурлуну сёзю – суу, огъурсузну сёзю – уу.
- Атлыны ашхысы, ат тизгининден билинир
- Арбаз сайлама да, хоншу сайла.
- Аджашханны ызындагъы кёреди, джангылгъанны джанындагъы биледи.
- Агъач – джерни чырайы, кийим – эрни чырайы.
- Хар зат кесини орнуна иги.
- Ачны эсинде – аш.
- Джарашыу сюйген – джалынчакъ.
- Эм уллу байлыкъ – джан саулукъ.
- Чакъырылмай келген къонакъ сыйланмай кетер.
- Адам къаллай бир ишленмесе, аллай бир кесин уллу кёреди.
- Кютгени беш эчки, сызгъыргъаны уа, джерни джарады.
- Джумушакъ терекни къурт ашар.
- Ачылгъан эт джабылыр, кёрген кёз унутмаз.
- Экеу тутушса, биреу джыгъылыр.
- Босагъа таш юйге кирмей эди, тыбыр таш эшикге чыкъмай эди.
- Окъуусуз билим – джокъ, билимсиз кюнюнг – джокъ.
- Айранын берсенг, челегин да къызгъанма.
- Джахил болса анасы, не билликди баласы?
- Бир онгсуз адам адет чыгъарды, деб эштирик тюлсе.
- Чабакъсыз кёлге къармакъ салгъанлыкъгъа, чабакъ тутмазса.
- Адеби болмагъан къыз – тузсуз хант.
- Ач – эснер, ат – кишнер.
- Аджалсыз ёлюм болмаз.
- Сёз – кюмюш, джыр – алтын.
- Джашда акъыл джокъ, къартда къарыу джокъ.
- Ауурну тюбю бла, дженгилни башы бла джюрюген.
- Байма, деб да, къууанма, джарлыма, деб да, джылама.
- Чарсда алчыны эл кёреди.
- Къазанны башы ачыкъ болса, итге уят керекди.
- Телини эшигин, махтау джабар.
- Этек чакъмакълары баш джаргъан, сёлешген сёзлери таш джаргъан.
- Арпа, будай – ащды, алтын, кюмюш а – ташды.
- Къайгъы тюбю – тенгиз.
АЛИЙ ЭРДЖАН. ЭЛИЯГЪА ДЖЕР САЛГЪАН. ( папин южакга )
14.11.2011 16:02:31
Алийге ЭРДЖАН атны мен атамагъанма.
Кечени ауазы айтхан эди алай. |
|
|
|
14.11.2011 22:13:02
Хауаны ичинде кёб СЁЗ барды...
ХАР СЁЗНЮ ДА МАГЪАНАСЫ БАРДЫ. |
||||
|
|
|||
Читают тему (гостей: 1)