- Эте билген, этген этеди, эте билмеген, юретген этеди!
- Билмегенинги, билгеннге сор.
- Онгсузну – джакъла, тенгликни – сакъла.
- Аманнга да, игиге да оноусуз къатышма.
- Уллу сёзде уят джокъ.
- Керти сёзге тёре джокъ.
- Биреуню тёрюнден, кесинги эшик артынг игиди.
- Кийиминг бла танылма, адамлыкъ бла таныл.
- Окъдан джара эртде-кеч болса да бителир, сёз джара, ёмюрге къалыр.
- Махтаннган къыз, тойда джукълар.
- Билимсиз иш бармаз.
- Мен да «сен», дейме, сен да «кесим», дейсе.
- Эллинг бла джау болсанг да, юйюнг бла джау болма.
- Къарын къуру болса, джюрек уру болур.
- Мухардан ач ычхынмаз.
- Тели турса – той бузар.
- Ашыкъгъанны этеги бутуна чырмалыр.
- Суугъа – чабакъ, къаягъа – ыргъакъ.
- Сакъалы текени да бар, мыйыгъы киштикни да бар.
- Джарлы эскисин джамаса, къууаныр.
- Джюрекден джюрекге джол барды.
- Татлы сёз – балдан татлы.
- Кюн – узун, ёмюр – къысха.
- Ата – билек, ана – джюрек!
- Ышармагъан – кюлмез, кюлмеген – къууанчны билмез.
- Ач къалгъандан, кеч къалгъан къолай.
- Экиндини кеч къылсанг, чабыб джетер ашхам.
- Урунуу – насыбны анасы.
- Мени джылытмагъан кюн, меннге тиймесин!
- Эшекге миннген – биринчи айыб, андан джыгъылгъан – экинчи айыб.
- Джашлыкъ этмеген, башлыкъ этмез.
- Шайтан алдады, тюзлюк къаргъады.
- Ишлегенден, къарагъан уста.
- Чомарт къолда мал къалмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Ёлген ийнек сютлю болур.
- Тёрдеги кюлсе, эшикдеги ышарыр.
- Алгъанда – джууукъ, бергенде – джау.
- Джылыгъа джылан илешир.
- Гитче джилтин уллу элни джандырыр.
- Кюл тюбюндеги от кёрюнмейди.
- Ишленмеклик адамлыкъды.
- Ауурну тюбю бла, дженгилни башы бла джюрюген.
- Ач отунчуну ачыуу – бурнунда.
- Экеулен сёлеше тура эселе, орталарына барыб кирме.
- Кёб джашагъан – кёб билир.
- Къуллукъчума, деб махтанма, къуллукъ – хаух джамчыды!
- Кечеси – аяз, кюню – къыш, джарлы къаргъагъа бир аш тюш!
- Кёпюр салгъан кеси ётер, уру къазгъан кеси кетер.
- Аман адам этегингден тутса, кес да къач.
АЛИЙ ЭРДЖАН. ЭЛИЯГЪА ДЖЕР САЛГЪАН. ( папин южакга )
14.11.2011 16:02:31
Алийге ЭРДЖАН атны мен атамагъанма.
Кечени ауазы айтхан эди алай. |
|
|
|
14.11.2011 22:13:02
Хауаны ичинде кёб СЁЗ барды...
ХАР СЁЗНЮ ДА МАГЪАНАСЫ БАРДЫ. |
||||
|
|
|||
Читают тему (гостей: 1)