- Чыбыкълыкъда бюгюлмеген, къазыкълыкъда бюгюлмей эди.
- Къолунгдан къуймакъ ашатсанг да, атаны борчундан къутулмазса.
- Къазанны башы ачыкъ болса, итге уят керекди.
- Магъанасыз сёз – тауушсуз сыбызгъы.
- Малны кют, джерни тюрт.
- Тюзлюк тас болмайды.
- Джаралыны джастыгъында сау ёлюр.
- Миллетни бойну – базыкъ, аны бла кюрешген – джазыкъ.
- Бюгюн дуния кибик, тамбла ахыратды.
- Бет бетге къараса, бет да джерге къарар.
- Ашын ашагъанынгы, башын да сыйла.
- Билим къая тешер.
- Мухарны эси – ашарыкъда.
- Ариу – кёзге, акъыл – джюрекге.
- Туз, гырджын аша, тюзлюк бла джаша.
- Ёзденликни джайгъан – джокълукъ.
- Чомартха Тейри да борчлуду.
- Тас болгъан бычакъны сабы – алтын.
- Аманнга игилик этсенг, юйюнге сау бармазса.
- Билмегенинги, билгеннге сор.
- Къыйынлы джети элни къайгъысын этер.
- Хансыз джомакъ болмаз.
- Къарт айтханны этмеген, къартаймаз.
- Ачлыкъда тары гырджын халыуадан татлы.
- Ишлегенде эринме, ишде чолакъ кёрюнме.
- Биреуню къыйынлыгъы бла кесинге джол ишлеме.
- Ышармагъан – кюлмез, кюлмеген – къууанчны билмез.
- Зар адам ашынгы ашар, кесинги сатар.
- Ёлген ийнек сютлю болур.
- Ишни аллы бла къууанма да, арты бла къууан.
- Аякъларынгы джууургъанынга кёре узат.
- Эркишини аманы тиширыуну джылатыр.
- Эшекге миннген – биринчи айыб, андан джыгъылгъан – экинчи айыб.
- Сакъламагъан затынга джолукъсанг, не бек къууанаса, не бек ачыйса.
- Эркишиге тары кебек танг кёрюнюр.
- Ач къарынны, токъ билмез
- Ат да турмайды бир териде.
- Аджашхан тёгерек айланыр.
- Ачыкъ джюрекге джол – ачыкъ.
- Адамны джюреги нени кёрюрге сюйсе, кёзю да аны кёрюрге ёч болады.
- Ётген ёмюр – акъгъан суу.
- Башда акъыл болмаса, эки аякъгъа кюч джетер.
- Ким бла джюрюсенг, аны кёзю бла кёрюнюрсе.
- Аш хазыр болса, иш харам болур.
- Айтхан сёзюне табылгъан.
- Алим болгъандан эсе, адам болгъан къыйынды.
- Хата – гитчеден.
- Узун джолну барсанг, бюгюн келирсе, къысха джолну барсанг, тамбла келирсе.
- От этилмеген джерден тютюн чыкъмайды.
- Сабийни джумушха джибер да, ызындан бар.
АЛИЙ ЭРДЖАН. ЭЛИЯГЪА ДЖЕР САЛГЪАН. ( папин южакга )
14.11.2011 16:02:31
Алийге ЭРДЖАН атны мен атамагъанма.
Кечени ауазы айтхан эди алай. |
|
|
|
14.11.2011 22:13:02
Хауаны ичинде кёб СЁЗ барды...
ХАР СЁЗНЮ ДА МАГЪАНАСЫ БАРДЫ. |
||||
|
|
|||
Читают тему (гостей: 1)