- Джаш къарыу бла кючлю, къарт акъыл бла кючлю.
- Суу да къайтады чыкъгъан джерине.
- Биреу ашаб къутулур, биреу джалаб тутулур.
- Тили узунну, намысы – къысха.
- Кёб джат да, бек чаб.
- Ариу сёзде ауруу джокъ.
- Сангырау къулакъ эл бузар.
- Чомарт къолда мал къалмаз.
- Тулпарлыкъ, билекден тюл – джюрекден.
- Сёз – кюмюш, джыр – алтын.
- Сакъламагъан затынга джолукъсанг, не бек къууанаса, не бек ачыйса.
- Чарсда алчыны эл кёреди.
- Адамны сабийин сюйген джюреги, бычакъча, джитиди.
- Алма терегинден кери кетмез.
- Атынг аманнга чыкъгъандан эсе, джанынг тамагъынгдан чыкъсын.
- «Ма», - дегенни билмесенг, «бер», - дегенни билмезсе.
- Хар адамгъа кеси миннген тау кибик.
- Кёзден кетген, кёлден да кетеди.
- Билим – акъылны чырагъы.
- Минг тенг да азды, бир джау да кёбдю.
- Дууулдаса – бал чибин, къонса – къара чибин.
- Джарлы тюеге минсе да, ит къабар.
- Тюкюрюк баш джармаз, налат кёз чыгъармаз!
- Сёз къанатсыз учар.
- Артына баргъанны, къатына барма.
- Татлы сёз – балдан татлы.
- Ашарыкъда сайлагъаннга – чий гырджын.
- Танг атмайма десе да, кюн къоярыкъ тюйюлдю.
- Чомартха хар кюн да байрамды.
- Эли джокъну – кёлю джокъ.
- Аууздан келген, къолдан келсе, ким да патчах болур эди.
- Илму – джашауну джолу.
- Ашда уялгъан – мухар, ишде уялгъан – хомух.
- Харам къарнашдан, халал тенг ашхы.
- Тойну къарнашы – харс, джырны къарнашы – эжиу.
- Джырчы ёлсе, джыры къалыр.
- Арба аугъандан сора, джол кёргюзтюучю кёб болур.
- Тенги кёбню джау алмаз, акъылы кёбню дау алмаз.
- Хансыз джомакъ болмаз.
- Джашда акъыл джокъ, къартда къарыу джокъ.
- Сабийликде юретмесенг, уллу болса – тюзелмез.
- Экеу тутушса, биреу джыгъылыр.
- Аз айтсам, кёб ангылагъыз.
- Тилсиз миллет джокъ болур.
- Ачыу алгъа келсе, акъыл артха къалады.
- Мен да «сен», дейме, сен да «кесим», дейсе.
- Адеби болмагъан къыз – тузсуз хант.
- Суугъа – чабакъ, къаягъа – ыргъакъ.
- Тешигини къатында, чычхан да батыр болур.
- Ач бёрюге мекям джокъ.
Кто знает?)))
Читают тему (гостей: 1)