- Ач къарным, тынч къулагъым.
- Арба аугъандан сора, джол кёргюзтюучю кёб болур.
- Джылар джаш, атасыны сакъалы бла ойнар.
- Эр абынмай, эл танымаз.
- Ёлген ийнек сютлю болур.
- Джюрек кёзден алгъа кёрюр.
- Башда акъыл болмаса, эки аякъгъа кюч джетер.
- Юй кюйдю да, кюйюз чыкъды, ортасындан тюйюш чыкъды.
- Уллу айтханны этмеген – уллаймаз.
- Сабийни джумушха джибер да, ызындан бар.
- Окъуусуз билим – джокъ, билимсиз кюнюнг – джокъ.
- Джети тилни билген джети кишиди.
- Бозаны арты дауур болур.
- Таукел адам тау тешер.
- Билим – акъылны чырагъы.
- Айыбны суу бла джууалмазса.
- Зар адам ашынгы ашар, кесинги сатар.
- Алма терегинден кери кетмез.
- Джаным-тиним – окъуу, билим.
- Айраннга суу къош, телиге джол бош.
- Къарнынг ауруса, ауузунгу тый
- Джырчы джырчыгъа – къарнаш.
- Аман киши кеси юйюнде – къонакъ.
- Чомартха хар кюн да байрамды.
- Аууздан келген, къолдан келсе, ким да патчах болур эди.
- Эки элинги тыйсанг, джети элде махталырса.
- Биреуню къыйынлыгъы бла кесинге джол ишлеме.
- Эшекни не къадар тюйсенг да, ат болмаз.
- Къуру гыбыт бек дыгъырдар.
- Садакъачыны джаны – къапчыгъында.
- Бет бетге къараса, бет да джерге къарар.
- Кесине гебен этелмеген, биреуге черен эте эди.
- Ёмюрлюк шохлукъну джел элтмез.
- Билим къая тешер.
- Намыс болмагъан джерде, насыб болмаз.
- Къайтырыкъ эшигинги, къаты уруб чыкъма.
- Ауузу бла къуш тута айланады.
- Мухардан ач ычхынмаз.
- Ёзденликни джайгъан – джокълукъ.
- Чомартха Тейри да борчлуду.
- Тыш элде солтан болгъандан эсе, кесинги элде олтан болгъан игиди!
- Къызбайны юйюне дери сюрсенг, батыр болур.
- Адамгъа аман кюн соруб келмейди.
- Кёзню ачылгъаны – иги, ауузну джабылгъаны – иги.
- Чабакъ башындан чирийди.
- Джаханимни кёрмей, джандетге кёл салмазса.
- Къарт айтханны этмеген, къартаймаз.
- Адебсиз адам – джюгенсиз ат.
- Сёлеш деб шай берген, тохта деб, сом берген.
- «Ёгюз, джаргъа джууукъ барма, меннге джюк боллукъса», - дегенди эшек.
Кто знает?)))
Читают тему (гостей: 1)