- Тешик этген тынчды, аны джамагъан къыйынды.
- Тили узунну, намысы – къысха.
- Этим кетсе да, сюегим къалыр.
- Къонакъ болсанг, ийнакъ бол.
- Кёрмегеннге кебек – танг, битмегеннге сакъал – танг.
- Байлыкъ адамны сокъур этер.
- Сёлеш деб шай берген, тохта деб, сом берген.
- Кийимни бир кюнню аясанг, минг кюннге джарар.
- Сакъалы текени да бар, мыйыгъы киштикни да бар.
- Джахил болса анасы, не билликди баласы?
- Джаханимни кёрмей, джандетге кёл салмазса.
- Кесине оноу эте билмеген, халкъына да эте билмез.
- Джаш болсун, къыз болсун, акъылы, саны тюз болсун.
- Ашарыкъда сайлагъаннга – чий гырджын.
- Акъыл бла адеб эгизледиле.
- Билим насыб берир, билим джолну керир.
- Тенгни тенглиги джашай барсанг билинир.
- Аджалсыз ёлюм болмаз.
- Гугук кесини атын айтыб къычыргъанча, мен, мен деб нек тураса?
- Къатын байлыкъны сюер, эр саулукъну сюер.
- Адебни адебсизден юрен.
- Термилгенинги табмазса, кюлгенинге тюберсе.
- Джашлыкъ этмеген, башлыкъ этмез.
- Юй ишлеген балта эшикде къалыр.
- Дуния малгъа сатылма, кесингден телиге къатылма.
- Кюн кёрмеген, кюн кёрсе, кюндюз чыракъ джандырыр.
- Ашын ашагъанынгы, башын да сыйла.
- Арыгъан къош чамчы болур.
- Алтыннга тот къонмаз.
- Ач къалгъандан, кеч къалгъан къолай.
- Иги бла джюрюсенг, джетерсе муратынга, аман бла джюрюсенг, къалырса уятха.
- Аманны къуугъан, аманлыкъ табар.
- Билмезни кёзю кёрмез, этмезни къулагъы эшитмез.
- Ана къойну – балагъа джандет.
- Тамырсыз терекге таянма – джыгъылырса.
- Билимден уллу байлыкъ джокъду.
- Сёз къанатсыз учар.
- Эшекге миннген – биринчи айыб, андан джыгъылгъан – экинчи айыб.
- Тюзлюк шохлукъну бегитир.
- Мухардан ач ычхынмаз.
- Тойчу джашха къарама, къойчу джашха къара.
- Адамны артындан къара сабан сюрме.
- Айырылгъанланы айю ашар, бёлюннгенлени бёрю ашар.
- Насыб бютеу халкъны юлюшюдю.
- Азыгъы аз, алгъа къабар, аты аман, алгъа чабар.
- Байлыкъ болгъан джерде, тынчлыкъ джокъду.
- Чабакъсыз кёлге къармакъ салгъанлыкъгъа, чабакъ тутмазса.
- Байлыкъ тауусулур, билим тауусулмаз.
- Кёлю джокъну – джолу джокъ.
- Ариу сёз – джаннга азыкъ, аман сёз – башха къазыкъ.
Кто знает?)))
Читают тему (гостей: 1)