- Ачыкъ джюрекге джол – ачыкъ.
- Кёб ант этген, кёб ётюрюк айтыр.
- Зар адам ашынгы ашар, кесинги сатар.
- Тюз сёз баргъан сууну тыяр.
- Хар зат кесини орнуна иги.
- Джангыз торгъай джырламаз.
- Ашыкъгъанны этеги бутуна чырмалыр.
- Байлыкъ тауусулур, билим тауусулмаз.
- Уллу сёлешме да, уллу къаб.
- Ачлыкъда тары гырджын халыуадан татлы.
- Эрине къаргъыш этген къатын, эрнин къабар.
- Къызгъанчдан ычхыныр, мухардан ычхынмаз.
- Ишлегенден, къарагъан уста.
- Аш кетер да бет къалыр.
- Ач къарынны, токъ билмез
- Таукел къуру къалмаз.
- Уллу къашыкъ эрин джыртар.
- Джарашыу сюйген – джалынчакъ.
- Арыгъан къош чамчы болур.
- Чакъырылгъанны аты, чакъырылмагъанны багъасы болур.
- Мал кёб болса, джууукъ кёб болур.
- Аманнга алтын чыдамаз.
- Аман адамны тепсинге олтуртсанг, къызынгы тилер.
- Ач – эснер, ат – кишнер.
- Татлы сёз – балдан татлы.
- Накъырда – кертини келечиси.
- Эки итни арасына сюек атма, эки адамны арасында сёз чыгъарма.
- Джиби бир къат джетмей эди да, эки къат тарта эди.
- Къартны бурнун сюрт да, оноугъа тут.
- Урама да – ёледи, сатама да – келеди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ата – баланы уясы.
- Къан бла кирген, джан бла чыгъар.
- Зарда марда джокъ.
- Акъыллы – эл иеси, тели – эл баласы.
- Ат да турмайды бир териде.
- Хунаны тюбюн къазсанг, юсюнге ауар.
- Эки ойлашыб, бир сёлешген.
- Джылыгъа джылан илешир.
- Къатын байлыкъны сюер, эр саулукъну сюер.
- Айраннга суу къош, телиге джол бош.
- Татлы тилде – сёз ариу, чемер къолда – иш ариу.
- Уллу атлама – абынырса, уллу къабма – къарылырса.
- Ётюрюкню башын керти кесер.
- Биреуню тёрюнден, кесинги эшик артынг игиди.
- Ашхылыкъ джерде джатмайды, аманлыкъ суугъа батмайды.
- Сабий болмагъан джерде, мёлек болмаз.
- Бети – къучакълар, джюреги – бычакълар.
- Харам къарнашдан, халал тенг ашхы.
- Бермеген къол, алмайды.
Кто знает?)))
Читают тему (гостей: 1)