Войти на сайт
27 Апреля 2024 года

 

  • Джолунга кёре – джюрюшюнг, джагъанга кёре – юлюшюнг.
  • Чабар ат – джетген къыз.
  • Джаш болсун, къыз болсун, акъылы, саны тюз болсун.
  • Эшекге миннген – биринчи айыб, андан джыгъылгъан – экинчи айыб.
  • Телиге от эт десенг, юйюнге от салыр.
  • Таукел адам тау тешер.
  • Ана – юйню кюн джарыгъы.
  • Аман адам элни бир-бирине джау этер.
  • Биреуге аманлыкъ этиб, кесинге игилик табмазса.
  • Намыс болмагъан джерде, насыб болмаз.
  • Тас болгъан бычакъны сабы – алтын.
  • Рысхы – сют юсюнде кёмюк кибикди.
  • Кесине гебен этелмеген, биреуге черен эте эди.
  • Ана къолу ачытмаз.
  • Джарлы тюеге минсе да, ит къабар.
  • Ариу – кёзге, акъыл – джюрекге.
  • Шапа кёб болса, аш татымсыз болур.
  • Сабийни джумушха джибер да, ызындан бар.
  • Ишлегенде эринме, ишде чолакъ кёрюнме.
  • Дженгил джетерикме деб, узун джолну къоюб, къысхасын барма.
  • Айныгъанлы алты кюн, тогъайгъанлы тогъуз кюн.
  • Тойгъа алгъа да барма, тойда артха да къалма.
  • Къонагъынгы артмагъын алма да, алгъышын ал.
  • Чыкълы кюнде чыкъмагъан, чыкъса къуру кирмеген.
  • Тойну къарнашы – харс, джырны къарнашы – эжиу.
  • Ишлерге уял да, ашаргъа табма.
  • Ариу сёзде ауруу джокъ.
  • Кечеси – аяз, кюню – къыш, джарлы къаргъагъа бир аш тюш!
  • Хантына кёре тузу, юйюне кёре къызы.
  • Джиби бир къат джетмей эди да, эки къат тарта эди.
  • Чомарт бергенин айтмаз.
  • Айыбны суу бла джууалмазса.
  • Джетген къыз джерли эшекни танымаз.
  • Миллетни бойну – базыкъ, аны бла кюрешген – джазыкъ.
  • Эл ауузу – элек, анга ийнаннган – халек.
  • Азыкъ аз болса, эртде орун сал.
  • Кёл ашады да, кеси ашады.
  • Чабакъсыз кёлге къармакъ салгъанлыкъгъа, чабакъ тутмазса.
  • Къайгъы тюбю – тенгиз.
  • Ач уят къоймаз.
  • Ашаса, ашамаса да, бёрюню ауузу – къан.
  • Уллу суу бла уллу ауруудан башынгы сакъла.
  • Башда акъыл болмаса, эки аякъгъа кюч джетер.
  • Тилчи бир сагъатха айлыкъ хата этер.
  • Адебсиз адам – джюгенсиз ат.
  • Билгенни къолу къарны джандырыр.
  • Къоркъакъны кёзю экили кёрюр.
  • Аманны эки битли тону болур, бирин сеннге кийдирир, бирин кеси киер.
  • Кёл – къызбай, къол – батыр.
  • Танг атмайма десе да, кюн къоярыкъ тюйюлдю.

 

Архив Форума » Зеленый Форум [архив] » - ЗФ - Общий раздел
Страницы: 1 2 3 4 След.
RSS
Хызенле ..)!
 
#1
Джаратама0
21.03.2011 16:57:51
ХЫЗЕНЛЕ.
1
Гитчеликден джашаууму
Партия бла байладым,
Алтмыш джылымдан сора
Маулудланы сайладым.
2
Маулудланы бек сюеме
Терен синнгенди къаныма,
Хызенлеге джукъ айтмагъыз
Тиериксиз джаныма.
3
Кече сайын тюшюмде
Кеб хызенле кёреме,
Кеч юрендим алагъа
Анга къыйналыб ёлеме.
4
Джарлы ёксюз берсе да
Садакъады ашауум,
Маулудлагъа тюзелгенли
Аман тюлдю джашауум.
5
Ауруб тургъанлай, сау болуб къалама
Маулудха чакъыра келселе,
Столда гырджынлагъа тиерик тюл эдим
Хызенлени толтуруб берселе.
6
Меничала кёбдюле
Бек ашыгъыб джетебиз,
Артда киши джуумазча
Столну сибириб кетебиз.
7
Аны ючюн тизилиб
Ауушладан ётебиз,
Ол юйню юч джылдан да
От тамызмазлыкъ этебиз.
8
Маулуд бард деб шыкъырт эшитгенлей
Мыллыкчы къушлача джетебиз,
Столда гырджынланы юлеше тебресек
Ууакъ дауурчукъла этебиз.
9
Афендиге берилед
Хызенлени аууру,
Къулагъыма кирмейди
Къарасакъалланы даууру.
10
Таша джолну барайыкъ ансы
Къарасакъалла кёрлюкле,
Хызенлени бизден сыйырыб
Элтиб, джарлылагъа берликле.
11
Бусагъатда, мен айланнган джерледе
Маулудладан хайырлы кёрмейме
Бюгюн келтирген хызеними
Орта къойгъа да бермейме.
12
Маулуд да этмейле, хызен да бермейле
Арабияда ёлгеннге,
Эки хызенден азны къалай берликсе
Кябадан хаджи болуб келгеннге.
13
Дарман орнуна джюрютедиле
Арабияны кёгетин,
Къур анда, хадисде джокъду деб
Къалай къояйыкъ ата-бабабызны адетин.
14
Аллай компанияла къуралгъандыла
Таймай маулудха джюрюучю,
Афендилерин этиб къойгъандыла
Ала хызенлеге сюрюучю.
15
Афендини къанатлары барды
Маулудха бир чынгагъанлай джетеди,
Мени юйбийчем хызен алыб келсем
Ой бир къууаныу этеди.
16
Минги Тау джанбаш болуб тебреди да
Хызеними салдым тиреуге,
Лимонад шышаны менден артыкъ алды
Разы тюлме биреуге.
17
Маулудха барсакъ алай олтурабыз
Мелекле кибик сюзюлюб,
Къарасакъалланы басыб къойгъаед
Тауладан кюртле юзюлюб.
18
Джыртхычла дейле, тоноучула дейле
Бизни орамда кёрселе
Сауларына да маулуд этиб къояр эдик
Энтда бирер хызен берселе.
19
Таууш эшитгенлей чартлаб чыгъыб
Ашыгъыб орамгъа къарайма,
Мен хызенлени къояллыкъ тюлме
Аланы огъургъа санайма.
20
Хызеними толтуруб алдым
Столгъа ычхыныб къалдым да,
Къабханымы кёлтюралмай ауруб турама
Эки маулудха да бардым да.
21
Садакъа джарлылагъа неге керекди
Бизге байлагъа берелле,
33
Бизге насыбха хызенчи апендиле
Джангы динле чыгъарыб келелле.
22
Сыйлы Аллахны къудрети бла
Коммунистле динни бошлалла,
Тар къабырда не джууаб берликле
Адетни диннге къошханла?!
23
Садакъа алмасакъ, ачдан ёллюк эсек
Кесибизни сынаб кёрейик,
Кёб ёксюзню хакъын ашагъанбыз,
Таубагъа къайтыб ёлейик.

Хубийланы Далхат.
 
 
 
#2
Джаратама0
21.03.2011 17:08:03

полужосска
 
 
 
#3
Джаратама0
21.03.2011 17:22:13
Афендиге берилед
Хызенлени аууру,
Къулагъыма кирмейди
Къарасакъалланы даууру.

Таша джолну барайыкъ ансы
Къарасакъалла кёрлюкле,
Хызенлени бизден сыйырыб
Элтиб, джарлылагъа берликле.
 
 
 
#4
Джаратама0
21.03.2011 17:48:04

мне тоже понравилось))) особенно про карасакъалов
 
 
 
#5
Джаратама0
21.03.2011 18:14:32
От души
 
 
 
#6
Джаратама0
21.03.2011 19:55:24
кюле-кюле барабыз,Бизге насыбха хызенчи апендиле
Джангы динле чыгъарыб келелле. дегенида айтыб.адамны бушуу кюнюнде тюрлю-тюрлю затла къураб(ючюнчю кюн,ийс этдирген кюн,джик дуа кюн,кемик дуа,кечелери,полгода,год)деб сора Ол юйню юч джылдан да
От тамызмазлыкъ этебиз. миллетда борчдан,кредитден башын алалмай джылла бла эс джиялмай турады
 
 
 
#7
Джаратама0
21.03.2011 20:03:21
 
 
 
#8
Джаратама0
21.03.2011 20:34:10
Сыйлы Аллахны къудрети бла
Коммунистле динни бошлалла,
Тар къабырда не джууаб берликле
Адетни диннге къошханла?!
23
Садакъа алмасакъ, ачдан ёллюк эсек
Кесибизни сынаб кёрейик,
Кёб ёксюзню хакъын ашагъанбыз,
Таубагъа къайтыб ёлейик.

Happy end!!!)))
 
 
 
#9
Джаратама0
21.03.2011 20:35:12
Айда Тима... бери салмаин тёзалмадынг...))) Юйге келгенимде энтда бир кере окъугъанмада...)))
 
 
 
#10
Джаратама0
21.03.2011 20:48:32

Машаллах)
 
 
 
#11
Джаратама0
21.03.2011 21:01:48
бу джумушха кюлмейин, олтуруб джыларча аллай бир джумушду бу хызен чот(
 
 
 
#12
Джаратама0
21.03.2011 21:12:49
Джылай джылай джыламукъларыбыз таусулуб... энди сарнагъандан да ётюб къутура турабыз...)))
 
 
 
#13
Джаратама0
21.03.2011 21:31:33
А мне, не нравиться, бу тизгинле
 
 
 
#14
Джаратама0
21.03.2011 21:41:44
8
Маулуд бард деб шыкъырт
эшитгенлей
Мыллыкчы къушлача
джетебиз

катастрофа:-)
 
 
 
#15
Джаратама0
22.03.2011 00:57:26
 
 
 
#16
Джаратама0
22.03.2011 13:15:33
машаЛЛАХ!!! кимди бу фахмулу адам Хубийлени Далхат? мени анам да Хубийледенди! алай махтаныб турама хар-кимге аны ючюн!!!
 
 
 
#17
Джаратама0
22.03.2011 13:55:17
Блай къарасанг, бу керексиз адет болгъанын битеу халкъ англайды. Ол эфендилеге да аман айтып, масхара этгенден бошамайла. Аны ючюн а киши тохтатыргъа унамайды. Юсюне къошхандан къошуп барадыла ансы.
Хар бирибизге да осуят жазаогъа керекди, мен ёлсем, Щариатдача асырагъыз, деп
 
 
 
#18
Джаратама0
22.03.2011 14:06:43
АбуАхмад


Тюзюн айтыргъа осият этгенден хаир боолугъуна уллу ышаналмайма. Дуниялыкъа бегирек къарайдыла миллет бюгюнлюкде. Адамланы айтырыкъларына бегирек эс беледиле , АЛЛАhНЫ аллында не джууаб берликлеринден эсе. Сора аллай адамлагъа осият эт этме болмаз магъана деб келеди келюме. Бюгюнлюкде эки къарнаш бир бирлерин ангыламайдыла сора бютеу миллетни къалай тюзюне айландырлыкъса. АЛЛАh кеси тюзетсин, иман берсин, АЛЛАh кеси сакъласын муслиман миллетни.
 
 
 
#19
Джаратама0
22.03.2011 14:11:39
а нельзя этот стих опубликовать в къарачай газетде??? нет ни у кого там знакомых???
 
 
 
#20
Джаратама0
22.03.2011 14:26:05
Аман таб келтиргенди, Аллах саулукъ берлик)

Сауларына да маулуд этиб къояр эдик
Энтда бирер хызен берселе.
 
 
 
#21
Джаратама0
22.03.2011 15:27:54
Лигамент,
газетге уа керекмиди ол?
ДУМ КБР ненча жыл мындан алгъа чыгъаргъанды указ, бу ишле Исламдан тюйюлдюле, этмегиз, деп. Ол указны юсюнден а хазна адам билмейди. Эфендилеге бергендиле копияларын, ала да тас этгендиле кёпге созмай. ДУМ да артыкъ жарсымагъанды. Бу иш бек биринчи ДУМ бла эллени имамларыны жумушуду. Ала уа, жашла бла тюйюшебиз энди къартла бла да тюйюшмейик, деп тынгылауну басып турадыла. Сора биягъы къарасакъалла терс


Пилигрим,
жууукъларыбызгъа да жаздыртыргъа керекди. Сёз ючюн, бир адам ёлед. Ёлюкню арбазгъа чыгъаргъандан сора, осуятны чыгъарадыла- ма, кесини буйругъу, анга бойсунама, дейди да жашы ол движенияланы этмей къояд. Ансы "Атасына- анасына сый бере билмегенд!"- дерле. А былай можно отмазаться
 
 
 
#22
Джаратама0
22.03.2011 15:40:58
а нельзя этот стих опубликовать в къарачай газетде??? нет ни у кого там знакомых??? эу, керти айтаса!!!! бир айтыб керюрге керекди!!!
 
 
 
#23
Джаратама0
22.03.2011 15:44:54
Тюзюн айтыргъа осият этгенден хаир боолугъуна уллу ышаналмайма мен да эшитгенме аллай бир хапар, бир жалры кишини осиятын толтурмайын къойгъанларын(((((((( Аллах сен сакъла!!!!!!!!
 
 
 
#24
Джаратама0
22.03.2011 16:20:27
СЕКТАНТЫ .......................
 
 
 
#25
Джаратама0
22.03.2011 16:55:51
 
 
 
Страницы: 1 2 3 4 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.