Войти на сайт
29 Марта  2024 года

 

  • Ауурну тюбю бла, дженгилни башы бла джюрюген.
  • Тойгъанлыкъ къойгъа джарашады.
  • Башланнган иш битер, къымылдагъан тиш тюшер.
  • Кёбге таш атма.
  • Ашха уста, юйюнде болсун
  • Хазыр ашха – терен къашыкъ.
  • Аман адам этегингден тутса, кес да къач.
  • Уллу къашыкъ эрин джыртар.
  • Бир абыннган – минг сюрюнюр.
  • Аман къатын сабий табса, бий болур…
  • Къазанны башы ачыкъ болса, итге уят керекди.
  • Джукъу тёшек сайламайды.
  • Айырылмаз джууугъунга, унутмаз сёзню айтма.
  • Босагъа таш юйге кирмей эди, тыбыр таш эшикге чыкъмай эди.
  • Билеги кючлю, бирни джыгъар, билими кючлю, мингни джыгъар.
  • Сыфатында болмагъаны, суратында болмаз.
  • Таукел тауну аудурур.
  • Джаным-тиним – окъуу, билим.
  • Кёл – къызбай, къол – батыр.
  • Чёбню кёлтюрсенг, тюбюнден сёз чыгъар.
  • Олтуруб кёрюнмей эди да, ёрге туруб кёрюне эди.
  • Атынг аманнга чыкъгъандан эсе, джанынг тамагъынгдан чыкъсын.
  • Этни да ашады, бетни да ашады.
  • Тин – байлыгъынг, терен саулугъунг.
  • Чомартха хар кюн да байрамды.
  • Келинин тута билмеген, къул этер, къызын тута билмеген, тул этер.
  • Атлыны ашхысы, ат тизгининден билинир
  • Аз айтсам, кёб ангылагъыз.
  • Таукел къуру къалмаз.
  • Къарт айтханны этмеген, къартаймаз.
  • Ашхы сёз таш тешер.
  • Ёксюзню тилеги къабыл болур.
  • Дууулдаса – бал чибин, къонса – къара чибин.
  • Тюкюрюк баш джармаз, налат кёз чыгъармаз!
  • Аман хансны – урлугъу кёб.
  • Джюрек кёзден алгъа кёрюр.
  • Джерни букъусу кёкге къонмаз.
  • Окъуусуз билим – джокъ, билимсиз кюнюнг – джокъ.
  • Ётген ёмюр – акъгъан суу.
  • Кесине гебен этелмеген, биреуге черен эте эди.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Хар ишни да аллы къыйынды.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Ишлерге уял да, ашаргъа табма.
  • Тил бла келеди джыр да.
  • Къайгъы тюбю – тенгиз.
  • Ашхылыкъ джерде джатмайды, аманлыкъ суугъа батмайды.
  • Сууда джау джокъ, кёб сёзде магъана джокъ.
  • Ёлген ийнек сютлю болур.
  • Абынмазлыкъ аякъ джокъ, джангылмазлыкъ джаякъ джокъ.

 

Страницы: 1 2 3 4 След.
RSS
Хызенле ..)!
 
ХЫЗЕНЛЕ.
1
Гитчеликден джашаууму
Партия бла байладым,
Алтмыш джылымдан сора
Маулудланы сайладым.
2
Маулудланы бек сюеме
Терен синнгенди къаныма,
Хызенлеге джукъ айтмагъыз
Тиериксиз джаныма.
3
Кече сайын тюшюмде
Кеб хызенле кёреме,
Кеч юрендим алагъа
Анга къыйналыб ёлеме.
4
Джарлы ёксюз берсе да
Садакъады ашауум,
Маулудлагъа тюзелгенли
Аман тюлдю джашауум.
5
Ауруб тургъанлай, сау болуб къалама
Маулудха чакъыра келселе,
Столда гырджынлагъа тиерик тюл эдим
Хызенлени толтуруб берселе.
6
Меничала кёбдюле
Бек ашыгъыб джетебиз,
Артда киши джуумазча
Столну сибириб кетебиз.
7
Аны ючюн тизилиб
Ауушладан ётебиз,
Ол юйню юч джылдан да
От тамызмазлыкъ этебиз.
8
Маулуд бард деб шыкъырт эшитгенлей
Мыллыкчы къушлача джетебиз,
Столда гырджынланы юлеше тебресек
Ууакъ дауурчукъла этебиз.
9
Афендиге берилед
Хызенлени аууру,
Къулагъыма кирмейди
Къарасакъалланы даууру.
10
Таша джолну барайыкъ ансы
Къарасакъалла кёрлюкле,
Хызенлени бизден сыйырыб
Элтиб, джарлылагъа берликле.
11
Бусагъатда, мен айланнган джерледе
Маулудладан хайырлы кёрмейме
Бюгюн келтирген хызеними
Орта къойгъа да бермейме.
12
Маулуд да этмейле, хызен да бермейле
Арабияда ёлгеннге,
Эки хызенден азны къалай берликсе
Кябадан хаджи болуб келгеннге.
13
Дарман орнуна джюрютедиле
Арабияны кёгетин,
Къур анда, хадисде джокъду деб
Къалай къояйыкъ ата-бабабызны адетин.
14
Аллай компанияла къуралгъандыла
Таймай маулудха джюрюучю,
Афендилерин этиб къойгъандыла
Ала хызенлеге сюрюучю.
15
Афендини къанатлары барды
Маулудха бир чынгагъанлай джетеди,
Мени юйбийчем хызен алыб келсем
Ой бир къууаныу этеди.
16
Минги Тау джанбаш болуб тебреди да
Хызеними салдым тиреуге,
Лимонад шышаны менден артыкъ алды
Разы тюлме биреуге.
17
Маулудха барсакъ алай олтурабыз
Мелекле кибик сюзюлюб,
Къарасакъалланы басыб къойгъаед
Тауладан кюртле юзюлюб.
18
Джыртхычла дейле, тоноучула дейле
Бизни орамда кёрселе
Сауларына да маулуд этиб къояр эдик
Энтда бирер хызен берселе.
19
Таууш эшитгенлей чартлаб чыгъыб
Ашыгъыб орамгъа къарайма,
Мен хызенлени къояллыкъ тюлме
Аланы огъургъа санайма.
20
Хызеними толтуруб алдым
Столгъа ычхыныб къалдым да,
Къабханымы кёлтюралмай ауруб турама
Эки маулудха да бардым да.
21
Садакъа джарлылагъа неге керекди
Бизге байлагъа берелле,
33
Бизге насыбха хызенчи апендиле
Джангы динле чыгъарыб келелле.
22
Сыйлы Аллахны къудрети бла
Коммунистле динни бошлалла,
Тар къабырда не джууаб берликле
Адетни диннге къошханла?!
23
Садакъа алмасакъ, ачдан ёллюк эсек
Кесибизни сынаб кёрейик,
Кёб ёксюзню хакъын ашагъанбыз,
Таубагъа къайтыб ёлейик.

Хубийланы Далхат.
 

полужосска
 
Афендиге берилед
Хызенлени аууру,
Къулагъыма кирмейди
Къарасакъалланы даууру.

Таша джолну барайыкъ ансы
Къарасакъалла кёрлюкле,
Хызенлени бизден сыйырыб
Элтиб, джарлылагъа берликле.

 

мне тоже понравилось))) особенно про карасакъалов
 
От души
 
кюле-кюле барабыз,Бизге насыбха хызенчи апендиле
Джангы динле чыгъарыб келелле.
дегенида айтыб.адамны бушуу кюнюнде тюрлю-тюрлю затла къураб(ючюнчю кюн,ийс этдирген кюн,джик дуа кюн,кемик дуа,кечелери,полгода,год)деб сора Ол юйню юч джылдан да
От тамызмазлыкъ этебиз.
миллетда борчдан,кредитден башын алалмай джылла бла эс джиялмай турады
 
 
Сыйлы Аллахны къудрети бла
Коммунистле динни бошлалла,
Тар къабырда не джууаб берликле
Адетни диннге къошханла?!
23
Садакъа алмасакъ, ачдан ёллюк эсек
Кесибизни сынаб кёрейик,
Кёб ёксюзню хакъын ашагъанбыз,
Таубагъа къайтыб ёлейик.

Happy end!!!)))
 
Айда Тима... бери салмаин тёзалмадынг...))) Юйге келгенимде энтда бир кере окъугъанмада...)))
 

Машаллах)
 
бу джумушха кюлмейин, олтуруб джыларча аллай бир джумушду бу хызен чот(
 
Джылай джылай джыламукъларыбыз таусулуб... энди сарнагъандан да ётюб къутура турабыз...)))
 
А мне, не нравиться, бу тизгинле
 
8
Маулуд бард деб шыкъырт
эшитгенлей
Мыллыкчы къушлача
джетебиз

катастрофа:-)
 
 
машаЛЛАХ!!! кимди бу фахмулу адам Хубийлени Далхат? мени анам да Хубийледенди! алай махтаныб турама хар-кимге аны ючюн!!!
 
Блай къарасанг, бу керексиз адет болгъанын битеу халкъ англайды. Ол эфендилеге да аман айтып, масхара этгенден бошамайла. Аны ючюн а киши тохтатыргъа унамайды. Юсюне къошхандан къошуп барадыла ансы.
Хар бирибизге да осуят жазаогъа керекди, мен ёлсем, Щариатдача асырагъыз, деп
 
АбуАхмад


Тюзюн айтыргъа осият этгенден хаир боолугъуна уллу ышаналмайма. Дуниялыкъа бегирек къарайдыла миллет бюгюнлюкде. Адамланы айтырыкъларына бегирек эс беледиле , АЛЛАhНЫ аллында не джууаб берликлеринден эсе. Сора аллай адамлагъа осият эт этме болмаз магъана деб келеди келюме. Бюгюнлюкде эки къарнаш бир бирлерин ангыламайдыла сора бютеу миллетни къалай тюзюне айландырлыкъса. АЛЛАh кеси тюзетсин, иман берсин, АЛЛАh кеси сакъласын муслиман миллетни.
 
а нельзя этот стих опубликовать в къарачай газетде??? нет ни у кого там знакомых???
 
Аман таб келтиргенди, Аллах саулукъ берлик)

Сауларына да маулуд этиб къояр эдик
Энтда бирер хызен берселе.
 
Лигамент,
газетге уа керекмиди ол?
ДУМ КБР ненча жыл мындан алгъа чыгъаргъанды указ, бу ишле Исламдан тюйюлдюле, этмегиз, деп. Ол указны юсюнден а хазна адам билмейди. Эфендилеге бергендиле копияларын, ала да тас этгендиле кёпге созмай. ДУМ да артыкъ жарсымагъанды. Бу иш бек биринчи ДУМ бла эллени имамларыны жумушуду. Ала уа, жашла бла тюйюшебиз энди къартла бла да тюйюшмейик, деп тынгылауну басып турадыла. Сора биягъы къарасакъалла терс


Пилигрим,
жууукъларыбызгъа да жаздыртыргъа керекди. Сёз ючюн, бир адам ёлед. Ёлюкню арбазгъа чыгъаргъандан сора, осуятны чыгъарадыла- ма, кесини буйругъу, анга бойсунама, дейди да жашы ол движенияланы этмей къояд. Ансы "Атасына- анасына сый бере билмегенд!"- дерле. А былай можно отмазаться
 
а нельзя этот стих опубликовать в къарачай газетде??? нет ни у кого там знакомых??? эу, керти айтаса!!!! бир айтыб керюрге керекди!!!
 
Тюзюн айтыргъа осият этгенден хаир боолугъуна уллу ышаналмайма мен да эшитгенме аллай бир хапар, бир жалры кишини осиятын толтурмайын къойгъанларын(((((((( Аллах сен сакъла!!!!!!!!
 
СЕКТАНТЫ .......................
 
Страницы: 1 2 3 4 След.
Читают тему (гостей: 1)

 

Написать нам