Войти на сайт
25 Апреля 2024 года

 

  • Борчунг бар эсе, хурджунунга ойлаб узал.
  • Джангыз торгъай джырламаз.
  • Къарт болгъан джерде, берекет болур, сабий болгъан джерде, оюн болур.
  • Къралынгы – душмандан, башынгы от бла суудан сакъла.
  • Окъуусуз билим – джокъ, билимсиз кюнюнг – джокъ.
  • Кеси юйюмде мен да ханма.
  • «Ма», - дегенни билмесенг, «бер», - дегенни билмезсе.
  • Окъ къызбайны джокълайды.
  • Кёзю сокъурдан – къоркъма, кёлю сокъурдан – къоркъ.
  • Гитче джилтин уллу элни джандырыр.
  • Чомартха хар кюн да байрамды.
  • Адам къаллай бир ишленмесе, аллай бир кесин уллу кёреди.
  • Кёкдеги болмаса, джердегин кёрмейди.
  • Ишлегенде эринме, ишде чолакъ кёрюнме.
  • Арба аугъандан сора, джол кёргюзтюучю кёб болур.
  • Къыз чыгъаргъан – къызыл къымжа.
  • Нафысынгы айтханын этме, намысынгы айтханын эт.
  • Кесине оноу эте билмеген, халкъына да эте билмез.
  • Ашлыкъны арба юйге келтирир, чана базаргъа элтир.
  • Билмейме деген – бир сёз
  • Кесинг сынамагъан затны, адамгъа буюрма.
  • Тёрени джагъы джокъ.
  • Таула не мийик болсала да, аууш табылыр.
  • Сёлеш деб шай берген, тохта деб, сом берген.
  • Телиге акъыл салгъандан эсе, ёлгеннге джан салырса.
  • Чыкълы кюнде чыкъмагъан, чыкъса къуру кирмеген.
  • Ана кёлю – балада, бала кёлю – талада.
  • Атлыны ашхысы, ат тизгининден билинир
  • Къуру гыбыт бек дыгъырдар.
  • Тёзген – тёш ашар!
  • Башда акъыл болмаса, эки аякъгъа кюч джетер.
  • Джаханимни кёрмей, джандетге кёл салмазса.
  • Ёмюрлюк шохлукъну джел элтмез.
  • Ашыкъгъанны этеги бутуна чырмалыр.
  • Окъугъан озар, окъумагъан тозар.
  • Джыланны къуйругъундан басарынг келсе, аны башы болгъанын унутма.
  • Ачылгъан эт джабылыр, кёрген кёз унутмаз.
  • Миллетни бойну – базыкъ, аны бла кюрешген – джазыкъ.
  • Ашаса, ашамаса да, бёрюню ауузу – къан.
  • Келинин тута билмеген, къул этер, къызын тута билмеген, тул этер.
  • Чомартха Тейри да борчлуду.
  • Дуния мал дунияда къалады.
  • Сагъышы джокъ – джукъучу, акъылы джокъ – къаугъачы.
  • Ата Джуртун танымагъан, атасын да танымаз.
  • Билим къая тешер.
  • Бермеген къол, алмайды.
  • Ат да турмайды бир териде.
  • Эринчекни аурууу – кёб.
  • Бек анасы джыламаз.
  • Ариу сёз – джаннга азыкъ, аман сёз – башха къазыкъ.

 

Архив Форума » Зеленый Форум [архив] » - ЗФ - Общий раздел
Страницы: 1 2 3 4 След.
RSS
Хызенле ..)!
 
#1
Джаратама0
21.03.2011 16:57:51
ХЫЗЕНЛЕ.
1
Гитчеликден джашаууму
Партия бла байладым,
Алтмыш джылымдан сора
Маулудланы сайладым.
2
Маулудланы бек сюеме
Терен синнгенди къаныма,
Хызенлеге джукъ айтмагъыз
Тиериксиз джаныма.
3
Кече сайын тюшюмде
Кеб хызенле кёреме,
Кеч юрендим алагъа
Анга къыйналыб ёлеме.
4
Джарлы ёксюз берсе да
Садакъады ашауум,
Маулудлагъа тюзелгенли
Аман тюлдю джашауум.
5
Ауруб тургъанлай, сау болуб къалама
Маулудха чакъыра келселе,
Столда гырджынлагъа тиерик тюл эдим
Хызенлени толтуруб берселе.
6
Меничала кёбдюле
Бек ашыгъыб джетебиз,
Артда киши джуумазча
Столну сибириб кетебиз.
7
Аны ючюн тизилиб
Ауушладан ётебиз,
Ол юйню юч джылдан да
От тамызмазлыкъ этебиз.
8
Маулуд бард деб шыкъырт эшитгенлей
Мыллыкчы къушлача джетебиз,
Столда гырджынланы юлеше тебресек
Ууакъ дауурчукъла этебиз.
9
Афендиге берилед
Хызенлени аууру,
Къулагъыма кирмейди
Къарасакъалланы даууру.
10
Таша джолну барайыкъ ансы
Къарасакъалла кёрлюкле,
Хызенлени бизден сыйырыб
Элтиб, джарлылагъа берликле.
11
Бусагъатда, мен айланнган джерледе
Маулудладан хайырлы кёрмейме
Бюгюн келтирген хызеними
Орта къойгъа да бермейме.
12
Маулуд да этмейле, хызен да бермейле
Арабияда ёлгеннге,
Эки хызенден азны къалай берликсе
Кябадан хаджи болуб келгеннге.
13
Дарман орнуна джюрютедиле
Арабияны кёгетин,
Къур анда, хадисде джокъду деб
Къалай къояйыкъ ата-бабабызны адетин.
14
Аллай компанияла къуралгъандыла
Таймай маулудха джюрюучю,
Афендилерин этиб къойгъандыла
Ала хызенлеге сюрюучю.
15
Афендини къанатлары барды
Маулудха бир чынгагъанлай джетеди,
Мени юйбийчем хызен алыб келсем
Ой бир къууаныу этеди.
16
Минги Тау джанбаш болуб тебреди да
Хызеними салдым тиреуге,
Лимонад шышаны менден артыкъ алды
Разы тюлме биреуге.
17
Маулудха барсакъ алай олтурабыз
Мелекле кибик сюзюлюб,
Къарасакъалланы басыб къойгъаед
Тауладан кюртле юзюлюб.
18
Джыртхычла дейле, тоноучула дейле
Бизни орамда кёрселе
Сауларына да маулуд этиб къояр эдик
Энтда бирер хызен берселе.
19
Таууш эшитгенлей чартлаб чыгъыб
Ашыгъыб орамгъа къарайма,
Мен хызенлени къояллыкъ тюлме
Аланы огъургъа санайма.
20
Хызеними толтуруб алдым
Столгъа ычхыныб къалдым да,
Къабханымы кёлтюралмай ауруб турама
Эки маулудха да бардым да.
21
Садакъа джарлылагъа неге керекди
Бизге байлагъа берелле,
33
Бизге насыбха хызенчи апендиле
Джангы динле чыгъарыб келелле.
22
Сыйлы Аллахны къудрети бла
Коммунистле динни бошлалла,
Тар къабырда не джууаб берликле
Адетни диннге къошханла?!
23
Садакъа алмасакъ, ачдан ёллюк эсек
Кесибизни сынаб кёрейик,
Кёб ёксюзню хакъын ашагъанбыз,
Таубагъа къайтыб ёлейик.

Хубийланы Далхат.
 
 
 
#2
Джаратама0
21.03.2011 17:08:03

полужосска
 
 
 
#3
Джаратама0
21.03.2011 17:22:13
Афендиге берилед
Хызенлени аууру,
Къулагъыма кирмейди
Къарасакъалланы даууру.

Таша джолну барайыкъ ансы
Къарасакъалла кёрлюкле,
Хызенлени бизден сыйырыб
Элтиб, джарлылагъа берликле.
 
 
 
#4
Джаратама0
21.03.2011 17:48:04

мне тоже понравилось))) особенно про карасакъалов
 
 
 
#5
Джаратама0
21.03.2011 18:14:32
От души
 
 
 
#6
Джаратама0
21.03.2011 19:55:24
кюле-кюле барабыз,Бизге насыбха хызенчи апендиле
Джангы динле чыгъарыб келелле. дегенида айтыб.адамны бушуу кюнюнде тюрлю-тюрлю затла къураб(ючюнчю кюн,ийс этдирген кюн,джик дуа кюн,кемик дуа,кечелери,полгода,год)деб сора Ол юйню юч джылдан да
От тамызмазлыкъ этебиз. миллетда борчдан,кредитден башын алалмай джылла бла эс джиялмай турады
 
 
 
#7
Джаратама0
21.03.2011 20:03:21
 
 
 
#8
Джаратама0
21.03.2011 20:34:10
Сыйлы Аллахны къудрети бла
Коммунистле динни бошлалла,
Тар къабырда не джууаб берликле
Адетни диннге къошханла?!
23
Садакъа алмасакъ, ачдан ёллюк эсек
Кесибизни сынаб кёрейик,
Кёб ёксюзню хакъын ашагъанбыз,
Таубагъа къайтыб ёлейик.

Happy end!!!)))
 
 
 
#9
Джаратама0
21.03.2011 20:35:12
Айда Тима... бери салмаин тёзалмадынг...))) Юйге келгенимде энтда бир кере окъугъанмада...)))
 
 
 
#10
Джаратама0
21.03.2011 20:48:32

Машаллах)
 
 
 
#11
Джаратама0
21.03.2011 21:01:48
бу джумушха кюлмейин, олтуруб джыларча аллай бир джумушду бу хызен чот(
 
 
 
#12
Джаратама0
21.03.2011 21:12:49
Джылай джылай джыламукъларыбыз таусулуб... энди сарнагъандан да ётюб къутура турабыз...)))
 
 
 
#13
Джаратама0
21.03.2011 21:31:33
А мне, не нравиться, бу тизгинле
 
 
 
#14
Джаратама0
21.03.2011 21:41:44
8
Маулуд бард деб шыкъырт
эшитгенлей
Мыллыкчы къушлача
джетебиз

катастрофа:-)
 
 
 
#15
Джаратама0
22.03.2011 00:57:26
 
 
 
#16
Джаратама0
22.03.2011 13:15:33
машаЛЛАХ!!! кимди бу фахмулу адам Хубийлени Далхат? мени анам да Хубийледенди! алай махтаныб турама хар-кимге аны ючюн!!!
 
 
 
#17
Джаратама0
22.03.2011 13:55:17
Блай къарасанг, бу керексиз адет болгъанын битеу халкъ англайды. Ол эфендилеге да аман айтып, масхара этгенден бошамайла. Аны ючюн а киши тохтатыргъа унамайды. Юсюне къошхандан къошуп барадыла ансы.
Хар бирибизге да осуят жазаогъа керекди, мен ёлсем, Щариатдача асырагъыз, деп
 
 
 
#18
Джаратама0
22.03.2011 14:06:43
АбуАхмад


Тюзюн айтыргъа осият этгенден хаир боолугъуна уллу ышаналмайма. Дуниялыкъа бегирек къарайдыла миллет бюгюнлюкде. Адамланы айтырыкъларына бегирек эс беледиле , АЛЛАhНЫ аллында не джууаб берликлеринден эсе. Сора аллай адамлагъа осият эт этме болмаз магъана деб келеди келюме. Бюгюнлюкде эки къарнаш бир бирлерин ангыламайдыла сора бютеу миллетни къалай тюзюне айландырлыкъса. АЛЛАh кеси тюзетсин, иман берсин, АЛЛАh кеси сакъласын муслиман миллетни.
 
 
 
#19
Джаратама0
22.03.2011 14:11:39
а нельзя этот стих опубликовать в къарачай газетде??? нет ни у кого там знакомых???
 
 
 
#20
Джаратама0
22.03.2011 14:26:05
Аман таб келтиргенди, Аллах саулукъ берлик)

Сауларына да маулуд этиб къояр эдик
Энтда бирер хызен берселе.
 
 
 
#21
Джаратама0
22.03.2011 15:27:54
Лигамент,
газетге уа керекмиди ол?
ДУМ КБР ненча жыл мындан алгъа чыгъаргъанды указ, бу ишле Исламдан тюйюлдюле, этмегиз, деп. Ол указны юсюнден а хазна адам билмейди. Эфендилеге бергендиле копияларын, ала да тас этгендиле кёпге созмай. ДУМ да артыкъ жарсымагъанды. Бу иш бек биринчи ДУМ бла эллени имамларыны жумушуду. Ала уа, жашла бла тюйюшебиз энди къартла бла да тюйюшмейик, деп тынгылауну басып турадыла. Сора биягъы къарасакъалла терс


Пилигрим,
жууукъларыбызгъа да жаздыртыргъа керекди. Сёз ючюн, бир адам ёлед. Ёлюкню арбазгъа чыгъаргъандан сора, осуятны чыгъарадыла- ма, кесини буйругъу, анга бойсунама, дейди да жашы ол движенияланы этмей къояд. Ансы "Атасына- анасына сый бере билмегенд!"- дерле. А былай можно отмазаться
 
 
 
#22
Джаратама0
22.03.2011 15:40:58
а нельзя этот стих опубликовать в къарачай газетде??? нет ни у кого там знакомых??? эу, керти айтаса!!!! бир айтыб керюрге керекди!!!
 
 
 
#23
Джаратама0
22.03.2011 15:44:54
Тюзюн айтыргъа осият этгенден хаир боолугъуна уллу ышаналмайма мен да эшитгенме аллай бир хапар, бир жалры кишини осиятын толтурмайын къойгъанларын(((((((( Аллах сен сакъла!!!!!!!!
 
 
 
#24
Джаратама0
22.03.2011 16:20:27
СЕКТАНТЫ .......................
 
 
 
#25
Джаратама0
22.03.2011 16:55:51
 
 
 
Страницы: 1 2 3 4 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.