- Тюз сёз баргъан сууну тыяр.
- Кёб джат да, бек чаб.
- Эки къатын алгъан – эки ташны ортасына башын салгъан.
- Билим къая тешер.
- Къарт айтханны этмеген, къартаймаз.
- Джогъун бар этген, барын бал этген.
- Джарлы тюеге минсе да, ит къабар.
- Бети бедерден, намыс сакълама.
- Иесиз малны бёрю ашар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кийим тукъум сордурур.
- Къоркъакъны кёзю экили кёрюр.
- Танг атмайма десе да, кюн къоярыкъ тюйюлдю.
- Биреуге аманлыкъ этиб, кесинге игилик табмазса.
- Ёнгкюч къууана барыр, джылай келир.
- Келинин тута билмеген, къул этер, къызын тута билмеген, тул этер.
- «Ма», - дегенни билмесенг, «бер», - дегенни билмезсе.
- Къая джолда джортма, ачыкъ сёзден къоркъма.
- Къазанда болса, чолпугъа чыгъар.
- Джашда акъыл джокъ, къартда къарыу джокъ.
- Мухардан ач ычхынмаз.
- Тил – миллетни джаны.
- Нёгерсизни джолу узун.
- Кёбню кёрген – кёб билир.
- Тин – байлыгъынг, терен саулугъунг.
- Байлыкъ тауусулур, билим тауусулмаз.
- Телиге от эт десенг, юйюнге от салыр.
- Джигер – джаннга къыйынлыкъ.
- Атынг аманнга чыкъгъандан эсе, джанынг тамагъынгдан чыкъсын.
- Эркишиге тары кебек танг кёрюнюр.
- Ата Джуртча джер болмаз, туугъан элча эл болмаз.
- Aдам боллукъ, сыфатындан белгили.
- Башынга джетмегенни сорма.
- Ач къарным, тынч къулагъым.
- «Ёгюз, джаргъа джууукъ барма, меннге джюк боллукъса», - дегенди эшек.
- Аманнга да, игиге да оноусуз къатышма.
- Ишни аллы бла къууанма да, арты бла къууан.
- Къалгъан ишге къар джауар.
- Кёкдеги болмаса, джердегин кёрмейди.
- Урунуу – насыбны анасы.
- Бек анасы джыламаз.
- Акъыл сабырлыкъ берир.
- Билген билмегенни юретген адетди.
- Къартны бурнун сюрт да, оноугъа тут.
- Чоюнну башы ачыкъ болса, итге уят керекди.
- Кёб джашагъан – кёб билир.
- Уллу сёлешме да, уллу къаб.
- Кёлю джокъну – джолу джокъ.
- Аман киши кеси юйюнде – къонакъ.
- Халкъны джырын джырласанг, халкъ санга эжиу этер.
БИЛАЛ ЛАЙПАН. ЁМЮРЛЮКНЮ КЪЫБЫЛА ДЖАНЫНДА
08.09.2011 19:16:57
ШАТ! Саубол!
Форум / Поздравлялки / С днем рождения, БИЛЯЛ! http://www.elbrusoid.org/phorum/index.php?action=v thread&forum=4&topic=9836&page=0#msg943824 Бейбарс Эльбрусоид # Дата: 13 Апр 2009 20:05 [GIS] Ответить Цитата [Translit] [Кириллица] Билал, сен Къарачай-Малкъарны Закий поэтисе, керти уланы! Назмучугъа халкъына къуллукъ этгенден уллу насыб а бармыды?! Угъай! Болур амалы да жокъду.Сен кесинги таныгъанлы бери кюрешесе халкъынгы жалгъан дауладан бла сатхычладан азат этер ючюн. Аллах айтса, тутхан ишинг къаран къалмаз. Азат, бирлешген Къарачай-Малкъарны намысына этген къушкъанат назмуларынгы да окъурбуз алыкъа!Аллах санга тюгенмезлик саулукъ берсин. Къалгъаны уа кесингде артыгъы бла да барды. Туугъан кюнюнг халкъ байрамы болур кюн да келир шам тауларыбызгъа! Инша-Аллах! ------------------------------------ ЛАЙПАНЛАНЫ БИЛАЛ ... Бу назмучукъ да, 1970-чи джыллада мен школну таууса, джазылгъанды. Ол заманда элибизге кёб хайырым тиерикди деб тура эдим. Элни чачылыб кетерин, школгъа джюрюрге да хазна сабий табылмай къаллыгъын билмей эдим... КЪЫЗЫЛ-КЪАЛА Кюнбетни ташлары ушайла нечик Шыпан къойлагьа, джайылыб тургьан. Къаялары да ? къонгур ёгюзлеге, "Пуф" деб джатыб, кюушене тургьан. Былайда къарт-джаш да таныйды мени, Хансха-ташха да къууанады джюрек. Кесими Сосуркъача кёреме мында, Балакъ тюбюм бла ёталмаса да джюджек. Терсими, тюзюмю да кёргюзтген кюзгю, Тау элим турады мени къучакълай. Къара ханслай джагъылады аппаны сёзю, Амманы сёзю да ? ит тил чапыракълай. Эсимдеди: къаягьа ёрлей, джыгъылыб, Мен аягъымы сындыргьанымда, Аппа сылаб, къара ханс джагьыб Байлагьан эди, сора къатымда Эски джырланы джырлай эди ол: Джукъласанг, илгенмезге амал джокъ, Илгенсенг а ? сыланнгандан хайыр джокъ, Дей, сыннганымы тюз къайнатхан эди ол. Джюреги ачыгьаннга, кёлю сыннганнга Мени назмум да джараса алай, Андан уллу насыб керек тюл эди манга, Не этсенг да эт, джоралаб алай... ...Хар зат да турады мени эсимде, Гошаях къала къаяда тургьанча. Къарайма къууанч берген элиме, Бола, дуниягъа джангыдан туугьанча. Маллагъа суу иче турургьа тегене Джарашдыргьан чакълы бир затха ? Не бла джарадынг туугьан элинге?? Деб, меннге тюбеб соргьан къартха, Не джууаб къайтаралайым мен? Бери келишмейле ууакъ сылтаула... Мында туурады ишинг, иннетинг, Къаяла тургьанча кёзге туура. Хоу, мени айтырча этгеним джокъ, Мени ишимден заман хапар айтыр. Кёлде сюймеклигим туугьан элиме Эртде кеч болса да туура къайтыр. Булут болгьан суу джауум болуб Къайтхан кибик туугьан джерине. ... Къызгьан бетими турама тутуб, Кесмезни салкъын ургьан джелине. |
|
|
|
08.09.2011 19:50:20
Браво, Билял!
Одним словом, Къызыл Къалачы!!!!!!!!!!!!!!!!!!!!!!! |
|
|
|
10.09.2011 23:07:24
Кергелен
Аллах разы болсун, Сау бол ! |
|
|
|
11.09.2011 01:05:34
ШАТ
Sabr |
|
|
|
11.09.2011 01:45:24
Sabr
Тема джангы башлана турады, не джабхан хапар айтаса. Былайда махтау да, башхасы да, творчествону юсюнден барады. Былайда джазылгъан, сеннге деб, джазылмайды, халкъгъады, Билал. |
|
|
|
Читают тему (гостей: 1)