- Эр абынмай, эл танымаз.
- Аууз сакълагъан – джан сакълар.
- Кийимни бир кюнню аясанг, минг кюннге джарар.
- Акъыл аздырмаз, билим тоздурмаз.
- Тамбла алтындан бюгюн багъыр ашхы.
- Акъдан къара болмаз.
- Юй кюйдю да, кюйюз чыкъды, ортасындан тюйюш чыкъды.
- Танг атмайма десе да, кюн къоярыкъ тюйюлдю.
- Акъыл бла адеб эгизледиле.
- Акъыллы башны – тили къысха.
- Бал ашаргъа сюе эсенг, чибин ургъаннга тёз.
- Кечеси – аяз, кюню – къыш, джарлы къаргъагъа бир аш тюш!
- Мухарны эси – ашарыкъда.
- Чыбыкълыкъда бюгюлмеген, къазыкълыкъда бюгюлмей эди.
- Ханы къызы буюгъа-буюгъа киштик болду.
- Джашны джигитлиги сорулур, къызны джигерлиги сорулур.
- Тил бла келеди джыр да.
- Чабакъгъа акъыл, табагъа тюшсе келеди.
- Иги – алгъыш этер, аман – къаргъыш этер.
- Кёлю джокъну – джолу джокъ.
- Нёгер болсанг, тенг бол, тенг болмасанг, кенг бол.
- Этек чакъмакълары баш джаргъан, сёлешген сёзлери таш джаргъан.
- Къатын байлыкъны сюер, эр саулукъну сюер.
- Аман къатын сабий табса, бий болур…
- Акъыл къартда, джашда тюйюлдю – башдады.
- Туз, гырджын аша, тюзлюк бла джаша.
- Билим ат болуб да чабар, къуш болуб да учар.
- Акъыллы эркиши атын махтар, акъылсыз эркиши къатынын махтар.
- Аман эсирсе, юйюн ояр.
- Арба аугъандан сора, джол кёргюзтюучю кёб болур.
- Хантына кёре тузу, юйюне кёре къызы.
- Эри аманны, къатыны – аман.
- Дуния мал дунияда къалады.
- Тойгъа алгъа да барма, тойда артха да къалма.
- Экеулен сёлеше тура эселе, орталарына барыб кирме.
- Ёксюзню тилеги къабыл болур.
- Аман адамны тепсинге олтуртсанг, къызынгы тилер.
- Харам къарнашдан, халал тенг ашхы.
- Мал ёлсе, сюек къалыр, адам ёлсе, иши къалыр.
- Ата Джуртун танымагъан, атасын да танымаз.
- Кёл ашады да, кеси ашады.
- Айтханы чапыракъдан ётмеген.
- Накъырданы арты керти болур.
- Адам туугъан джеринде, ит тойгъан джеринде.
- Садакъачыны джаны – къапчыгъында.
- Джол бла сёзню къыйыры джокъ.
- Иги джашны ышаны – аз сёлешиб, кёб тынгылар.
- Баланы адам этген анады.
- Тёгюлген тюгел джыйылмайды.
- Ана кёлю – балада, бала кёлю – талада.
Узденов Султан Азнорович, погиб в Афганистане
Читают тему (гостей: 1)