- Акъыллы башны – тили къысха.
- Кийим тукъум сордурур.
- Итли къонакъ джарашмаз.
- Айранын берсенг, челегин да къызгъанма.
- Аджал соруб келмез, келсе, къайтыб кетмез.
- Юре билмеген ит, къонакъ келтирир.
- Къууут – джелге, берне – бошха.
- Акъдан къара болмаз.
- Уллу сёлешме да, уллу къаб.
- Ойнай билмеген, уруб къачар.
- Бичгенде ашыкъма, тикгенде ашыкъ.
- Ауурну тюбю бла, дженгилни башы бла джюрюген.
- Сагъышы джокъ – джукъучу, акъылы джокъ – къаугъачы.
- Таукел адам тау тешер.
- От этилмеген джерден тютюн чыкъмайды.
- Адеб базарда сатылмаз.
- Аман хансны – урлугъу кёб.
- Этек чакъмакълары баш джаргъан, сёлешген сёзлери таш джаргъан.
- Аууз сакълагъан – джан сакълар.
- Ата – билек, ана – джюрек!
- Татлы тилде – сёз ариу, чемер къолда – иш ариу.
- Кютгени беш эчки, сызгъыргъаны уа, джерни джарады.
- Эркишиге тары кебек танг кёрюнюр.
- Билмегенинги, билгеннге сор.
- Окъуусуз билим – джокъ, билимсиз кюнюнг – джокъ.
- Арбаз сайлама да, хоншу сайла.
- Адам къаллай бир ишленмесе, аллай бир кесин уллу кёреди.
- Ачны эсинде – аш.
- Ашхы – джыяр, аман – джояр.
- Намысы джокъну – дуниясы джокъ.
- Сютню башын джалагъан къутулур, тюбюн ичген тутулур.
- Джюз элде джюз ёгюзюм болгъандан эсе, джюз джууугъум болсун.
- Иги болса, тамадама – махтау, аман болса, меннге – айыб.
- Тенгинг джокъ эсе – изле, бар эсе – сакъла!
- Таугъа чыгъаллыкъ эсенг, тюзде къалма.
- Алтыда кюлмеген, алтмышда кюлмез.
- Айтхан – тынч, этген – къыйын.
- Чыбыкълыкъда бюгюлмеген, къазыкълыкъда бюгюлмей эди.
- Ёлген ийнек сютлю болур.
- Къанны къан бла джуума, аманны аман бла къуума.
- Ойнай билмеген, оюн бузар.
- Бозаны арты дауур болур.
- Акъыллы – эл иеси, тели – эл баласы.
- Бек ашыкъгъан меннге джетсин, дегенди аракъы.
- Байны оноуу, джарлыгъа джарамаз.
- Акъыл аздырмаз, билим тоздурмаз.
- Эринчекге кюн узун.
- Джаш болсун, къыз болсун, акъылы, саны тюз болсун.
- Тамырсыз терекге таянма – джыгъылырса.
- Ана – юйню кюн джарыгъы.