- Джашынгы кесинг юретмесенг, джашау юретир.
- Адам туугъан джеринде, ит тойгъан джеринде.
- Къарнынг бла ёч алма.
- Мураты болгъанны джюрек тебюую башхады.
- Айтылгъан сёз ызына къайтмаз.
- Байлыкъ тауусулур, билим тауусулмаз.
- Адебни адебсизден юрен.
- Кесине гебен этелмеген, биреуге черен эте эди.
- Ойнай-ойнай кёз чыгъар.
- Эм уллу байлыкъ – джан саулукъ.
- Адамны аманы адамны бети бла ойнар.
- Бал ашаргъа сюе эсенг, чибин ургъаннга тёз.
- Ариу сёз аурууунгу алыр.
- Джашда акъыл джокъ, къартда къарыу джокъ.
- Адебсиз адам – джюгенсиз ат.
- Акъыллы айтыр эди, акъылсыз къоймайды.
- Баргъанынга кёре болур келгенинг.
- Аманны эки битли тону болур, бирин сеннге кийдирир, бирин кеси киер.
- Айранын берсенг, челегин да къызгъанма.
- Тойгъан антын унутур.
- Гугук кесини атын айтыб къычыргъанча, мен, мен деб нек тураса?
- Айыбны суу бла джууалмазса.
- Илму – джашауну джолу.
- Дуния мал дунияда къалады.
- Сёз – кюмюш, джыр – алтын.
- Къарнынг тойгъунчу аша да, белинг талгъынчы ишле.
- Къолу уллу – асыу, аягъы уллу – джарсыу.
- Таукелге нюр джауар.
- Чакъырылмай келген къонакъ сыйланмай кетер.
- Сыфатында болмагъаны, суратында болмаз.
- Танг атмайма десе да, кюн къоярыкъ тюйюлдю.
- Ана кёлю – балада, бала кёлю – талада.
- Сабыр джетер муратха, сабырсыз къалыр уятха.
- Къаллай салам берсенг, аллай джууаб алырса.
- Тюз сёз баргъан сууну тыяр.
- Аман къатын сабий табса, бий болур…
- Ариу сёз – джаннга азыкъ, аман сёз – башха къазыкъ.
- Къонагъы джокъну – шоху джокъ.
- Келгинчи, къонакъ уялыр, келгенден сора, къонакъбай уялыр.
- Хунаны тюбюн къазсанг, юсюнге ауар.
- Адам сёзюнден белгили.
- От кюйдюрген, сау болса да, тот кюйдюрген, сау болмаз.
- Ётюрюк хапар аякъ тюбю бла джюрюйдю.
- Эринчекни аурууу – кёб.
- Къонакъ кёб келюучю юйню, къазаны отдан тюшмез.
- Ёгюзню мюйюзлери ауурлукъ этмейдиле.
- Эл ауузу – элия.
- Билгенни къолу къарны джандырыр.
- Дженгил джетерикме деб, узун джолну къоюб, къысхасын барма.
- Босагъа таш юйге кирмей эди, тыбыр таш эшикге чыкъмай эди.
Чуюютлю дауат этеди!
Читают тему (гостей: 1)