- Ачны эсинде – аш.
- Атадан ёксюз – бир ёксюз, анадан ёксюз – эки ёксюз.
- Накъырданы арты керти болур.
- Кёб къычыргъандан – къоркъма, тынч олтургъандан – къоркъ.
- Джырына кёре эжиую.
- Тамбла алтындан бюгюн багъыр ашхы.
- Тойчу джашха къарама, къойчу джашха къара.
- Ачлыкъда тары гырджын халыуадан татлы.
- Джарлы эскисин джамаса, къууаныр.
- Адеб этмеген, адеб кёрмез.
- Кесине гебен этелмеген, биреуге черен эте эди.
- Кёзню ачылгъаны – иги, ауузну джабылгъаны – иги.
- Ачлыкъ отха секиртир.
- Чакъырылгъанны аты, чакъырылмагъанны багъасы болур.
- Аз сёлеш, кёб ишле.
- Ат басханны джер билед.
- Мухардан ач ычхынмаз.
- Сууда джау джокъ, кёб сёзде магъана джокъ.
- Къралынгы – душмандан, башынгы от бла суудан сакъла.
- Этни да ашады, бетни да ашады.
- Аман къатын алгъан, арыр, иги къатын алгъан джарыр.
- Сёз садакъдан кючлюдю.
- Этек чакъмакълары баш джаргъан, сёлешген сёзлери таш джаргъан.
- Чыкълы кюнде чыкъмагъан, чыкъса къуру кирмеген.
- Таукел адам тау тешер.
- Къарт болгъан джерде, берекет болур, сабий болгъан джерде, оюн болур.
- Сакъалы текени да бар, мыйыгъы киштикни да бар.
- Къонакъ аз олтурур, кёб сынар.
- Джаханимни кёрмей, джандетге кёл салмазса.
- Ишленмеген джаш – джюгенсиз ат, ишленмеген къыз – тузсуз хант.
- Эллинг бла джау болсанг да, юйюнг бла джау болма.
- Джюрек кёзден алгъа кёрюр.
- Атынг аманнга чыкъгъандан эсе, джанынг тамагъынгдан чыкъсын.
- Ариу сёз – джаннга азыкъ, аман сёз – башха къазыкъ.
- Келлик заман – къартлыкъ келтирир, кетген заман – джашлыкъ ёлтюрюр.
- Тил – кесген бычакъ, сёз – атылгъан окъ.
- Окъумагъан сокъурду, сокъур ташха абыныр!
- Эм уллу байлыкъ – джан саулукъ.
- Келинни – келгинчи, бёркню кийгинчи кёр.
- Эл элде бирер малынг болгъандан эсе, бирер тенгинг болсун.
- Таш бла ургъанны, аш бла ур.
- Айран тёгюлсе, джугъусу къалыр.
- Кёзюнде тереги болгъан, чёбю болгъаннга кюле эди.
- Иши джокъну, сыйы джокъ.
- Ариу сёз – къылычдан джити.
- Сагъышы джокъ – джукъучу, акъылы джокъ – къаугъачы.
- Башланнган иш битер, къымылдагъан тиш тюшер.
- Этни бети бла шорпасы.
- Эри аманны, къатыны – аман.
- Къайтырыкъ эшигинги, къаты уруб чыкъма.
[ Закрыто ] Притча о двух младенцах
|
эта притча и отрывок уже есть на форуме, поэтому тему закрываю, после же удалю, иншааЛлах
|
||||
|
|
|
|||
Читают тему (гостей: 1)