Расширенный поиск
2 Декабря  2020 года
Логин: Регистрация
Пароль: Забыли пароль?
  • Уясында не кёрсе, учханында аны этер.
  • Бермеген къол, алмайды.
  • Ачлыкъ отха секиртир.
  • Къызбайны юйюне дери сюрсенг, батыр болур.
  • Джаралыны джастыгъында сау ёлюр.
  • Джукъу тёшек сайламайды.
  • Адамны аманы адамны бети бла ойнар.
  • Айтханы чапыракъдан ётмеген.
  • Ётюрюкню башын керти кесер.
  • Сангырау къулакъ эл бузар.
  • Телиге от эт десенг, юйюнге от салыр.
  • Айтхан – тынч, этген – къыйын.
  • Эринчекни аурууу – кёб.
  • Ашхы адам – халкъ байлыгъы, ашхы джер – джашау байлыгъы.
  • Эски джаугъа ышанма.
  • Башы джабылгъан челекге, кир тюшмез.
  • Бети къызарыучу адамны, джюреги харам болмаз.
  • Джаш болсун, къыз болсун, акъылы, саны тюз болсун.
  • Аууз сакълагъан – джан сакълар.
  • Юйюнгден чыкъдынг – кюнюнгден чыкъдынг.
  • Акъыл къартда, джашда тюйюлдю – башдады.
  • Аз сёлеш, кёб ишле.
  • Къарнынг бла ёч алма.
  • Къарнынг тойгъунчу аша да, белинг талгъынчы ишле.
  • Эллинг бла джау болсанг да, юйюнг бла джау болма.
  • Рысхы джалгъанды: келген да этер, кетген да этер.
  • Келлик заман – къартлыкъ келтирир, кетген заман – джашлыкъ ёлтюрюр.
  • Аман хансны – урлугъу кёб.
  • Эшекге миннген – биринчи айыб, андан джыгъылгъан – экинчи айыб.
  • Къралынгы – душмандан, башынгы от бла суудан сакъла.
  • Келгинчи, къонакъ уялыр, келгенден сора, къонакъбай уялыр.
  • Аллахдан тилесенг, кёб тиле.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Къазанда болса, чолпугъа чыгъар.
  • Мени джылытмагъан кюн, меннге тиймесин!
  • Ашхы атаны – джашы ашхы, ашхы ананы – къызы ашхы.
  • Ауругъан – джашаудан умутчу.
  • Кюн кёрмеген, кюн кёрсе, кюндюз чыракъ джандырыр.
  • Ётюрюкчюню шагъаты – къатында.
  • Орну джокъну – сыйы джокъ.
  • Ауузу аманнга «иги», деме.
  • Ишлегенде эринме, ишде чолакъ кёрюнме.
  • Акъыллы айтыр эди, акъылсыз къоймайды.
  • Эр абынмай, эл танымаз.
  • Ким бла джюрюсенг, аны кёзю бла кёрюнюрсе.
  • Адамны сыфатына къарама, сёзюне къара.
  • Аз сёлешген, къайгъысыз турур.
  • Адеби болмагъан къыз – тузсуз хант.
  • Биреуге аманлыкъны тилеме да, кесинге ашхылыкъны тиле.
  • Сютню башын джалагъан къутулур, тюбюн ичген тутулур.
  • Жаникаев Эльдар Барама
(Голосов: 3, Рейтинг: 4.33)

Описание

Дата: 11.10.2014
Прослушиваний: 1368
Скачиваний: 138
Размер: 8.56 МБ
Текст песни:
Муз. и сл. Эльдара Жаникаева.

Джашау джолумда таукел барама,
Барама.
Джолуму тюзюне бек ийнанама.
Ийнанама,
Толурла муратларым,
Юзюлмей умутларым.
Барама, барама, насыбха ийнана, барама, барама.

Припев:
Умутум сау – джашау сууумаз,
Барама, барама.
Эшитилед узакъдан бир ауаз:
"Бар алгъа! Бар алгъа!"
Джырым къанат къагъыб учар,
Умутуму джулдузун ачар.

Умут джанны джангыз къанатыды,
Отуду.
Къыйын кюнде онгсузну къарыууду,
Онгуду.
Къадардан бир тилегим:
"Къойма умутсуз мени!"
Барама, барама, насыбха ийнана, барама, барама.

Припев.

Комментариев нет

  • Зарегистрируйтесь чтобы пользоваться плейлистом.