Аудио :: Аудио:: Жаникаев Эльдар

Къонакъ хазыр болгъанлыкъгъа, къонакъбай хазыр тюлдю.
Гугук кесини атын айтыб къычыргъанча, мен, мен деб нек тураса?
Кюл тюбюндеги от кёрюнмейди.
Керти сёзге тёре джокъ.
Телиге от эт десенг, юйюнге от салыр.
Ёмюрлюк шохлукъну джел элтмез.
Магъанасыз сёз – тауушсуз сыбызгъы.
Чабакъсыз кёлге къармакъ салгъанлыкъгъа, чабакъ тутмазса.
Олтуруб кёрюнмей эди да, ёрге туруб кёрюне эди.
Адамны адамлыгъы къыйынлыкъда айгъакъланады.
Кюн кёрмеген, кюн кёрсе, кюндюз чыракъ джандырыр.
Иги адам абынса да, джангылмаз.
Джылыгъа джылан илешир.
Уллу сёлешме да, уллу къаб.
Джюрек кёзден алгъа кёрюр.
Этек чакъмакълары баш джаргъан, сёлешген сёзлери таш джаргъан.
Сёз сёзню айтдырыр.
Ач да бол, токъ да бол – намысынга бек бол.
Джаралыны джастыгъында сау ёлюр.
Джылкъыдан – ат чыгъар, тукъумдан – джаш чыгъар.
Джукъу тёшек сайламайды.
Сабийни джумушха джибер да, ызындан бар.
Тойну къарнашы – харс, джырны къарнашы – эжиу.
Нарт сёз – тилни бети.
Адеб базарда сатылмаз.
Тюкюрюк баш джармаз, налат кёз чыгъармаз!
Босагъагъа джууукъ орун болса, ашыгъыб тёрге озма.
Къарт бла баш аша, джаш бла аякъ аша.
Джауумдан сора, кюн кюйдюрюр, ётюрюкден сора, айыб кюйдюрюр.
Ашхы адам – халкъ байлыгъы, ашхы джер – джашау байлыгъы.
Сагъыш – къартлыкъгъа сюйюмчю.
Биреуню эскиси биреуге джангы болмайды.
Тюз сёз баргъан сууну тыяр.
Ургъан суудан башынгы сакъла.
Ашхы тенг джолгъа салыр, аман тенг джолдан тайдырыр.
Юй ишлеген балта эшикде къалыр.
Эркиши – от, тиширыу – суу.
Душманны тышы – акъ, ичи – къара.
Ханнга да келеди хариблик.
Аман киши кеси юйюнде – къонакъ.
Тойгъан джерге джети къайт.
Экеулен сёлеше тура эселе, орталарына барыб кирме.
Аманны эки битли тону болур, бирин сеннге кийдирир, бирин кеси киер.
Керилген да, ургъан кибикди.
Ана къолу ачытмаз.
Тилчи бир сагъатха айлыкъ хата этер.
Мухарны эси – ашарыкъда.
Сёз къанатсыз учар.
Ёнгкюч къууана барыр, джылай келир.
Джюрекден джюрекге джол барды.

Логин:	Регистрация

Пароль:	Забыли пароль?

Запомнить меня

Аудио

Жаникаев Эльдар

Скачать

Адрес