Расширенный поиск
30 Апреля 2025 года
Логин: Регистрация
Пароль: Забыли пароль?
Навигация
Словарь
  • Сакъ юйюне сау барыр.
  • Тилчиден кери бол.
  • Суугъа – чабакъ, къаягъа – ыргъакъ.
  • Джиби бир къат джетмей эди да, эки къат тарта эди.
  • Аш хазыр болса, иш харам болур.
  • Иги сёз – джаннга азыкъ, аман сёз башха – къазыкъ.
  • Юре билмеген ит, къонакъ келтирир.
  • Байлыкъдан саулукъ ашхыды.
  • Хансыз джомакъ болмаз.
  • Ёлмесенг да, къарт дамы болмазса?
  • Адам туугъан джеринде, ит тойгъан джеринде.
  • Ашын ашагъанынгы, башын да сыйла.
  • Тели турса – той бузар.
  • Акъыл къартда, джашда тюйюлдю – башдады.
  • Биреуге кёлтюрген таягъынг, кесинги башынга урур.
  • Атлыны кёрсе, джаяуну буту талыр.
  • Тёзгеннге, джабылгъан эшик ачылыр.
  • Атадан ёксюз – бир ёксюз, анадан ёксюз – эки ёксюз.
  • Ёксюзню тилеги къабыл болур.
  • Ёнгкюч къууана барыр, джылай келир.
  • Телиге акъыл салгъандан эсе, ёлгеннге джан салырса.
  • Бети бедерден, намыс сакълама.
  • Тёзген – тёш ашар!
  • Ашлыкъны арба юйге келтирир, чана базаргъа элтир.
  • Ойнаб айтсанг да, эслеб айт.
  • Бек анасы джыламаз.
  • Мал кёб болса, джууукъ кёб болур.
  • Джырына кёре эжиую.
  • Акъыллы эркиши атын махтар, акъылсыз эркиши къатынын махтар.
  • Иги джашны ышаны – аз сёлешиб, кёб тынгылар.
  • Ауузу бла къуш тута айланады.
  • Ашарыкъда сайлагъаннга – чий гырджын.
  • Ана къойну – балагъа джандет.
  • Аджашханны ызындагъы кёреди, джангылгъанны джанындагъы биледи.
  • Къоркъакъны кёзю экили кёрюр.
  • Аджалсыз ёлюм болмаз.
  • Аякъларынгы джууургъанынга кёре узат.
  • Тешик этген тынчды, аны джамагъан къыйынды.
  • Джаханимни кёрмей, джандетге кёл салмазса.
  • Джылар джаш, атасыны сакъалы бла ойнар.
  • Иги адамны бир сёзю эки болмаз.
  • Башда акъыл болмаса, эки аякъгъа кюч джетер.
  • Тилде сюек болмаса да, сюек сындырыр.
  • Суугъа – таянма, джаугъа – ийнанма.
  • Ата Джуртуму башы болмасам да, босагъасында ташы болайым.
  • Къазанда болса, чолпугъа чыгъар.
  • Ётюрюкню къуйругъу – бир тутум.
  • Баланы адам этген анады.
  • Хар сёзню орну барды.
  • Намысы болмагъанны, сыйы болмаз.

Аудио

Шунгаров Хорлам

Файлов: 13

Обновлен: 06.07.2017

  • Шунгаров Хорлам Мен сени алай сюеме
(Голосов: 2, Рейтинг: 5)

Описание

Дата: 25.11.2013
Прослушиваний: 1689
Скачиваний: 150
Размер: 7.68 МБ
Текст песни:
Музыка Хорлама Шунгарова, стихи Дианы Рахаевой.

Мен сени алай сюеме,
Ариу гюл кюнню сюйгенча.
Мен сени алай сюеме,
Кырдык джауумну сюйгенча.

Мен сени алай сюеме,
Адам хауаны сюйгенча.
Мен сени алай сюеме,
Къанатлы кёкню сюйгенча.

Мен сени алай сюеме,
Чабакъ къобанны сюйгенча.
Мен сени алай сюеме,
Булбул джырларгъа сюйгенча.

Мен сени алай сюеме,
Джырчы тойланы сюйгенча.
Мен сени алай сюеме,
Дууадакъ сууну сюйгенча.

Мен сени алай сюеме,
Тау къуш тауланы сюйгенча.
Мен сени алай сюеме,
Джарыкъ ай кёкню сюйгенча.

Мен сени алай сюеме,
Бал чибин балын сюйгенча.
Мен сени алай сюеме,
Чыпчыкъ балийни сюйгенча.

Мен сени алай сюеме,
Минги Тау къарны сюйгенча.
Мен сени алай сюеме,
Таулу тауларын сюйгенча.

Мен сени алай сюеме,
Къум тюзле сууну сюйгенча.
Мен сени алай сюеме,
Джюрек къууанчны сюйгенча.

Мен сени алай сюеме,
Акъ марал чегетни сюйгенча.
Мен сени алай сюеме,
Джугъутур джуртун сюйгенча.

Мен сени алай сюеме,
Джулдузла кёкню сюйгенча.
Мен сени алай сюеме,
Сюйген сюйгенни сюйгенча!

Комментариев нет

  • Зарегистрируйтесь чтобы пользоваться плейлистом.