Расширенный поиск
27 Июля 2024 года
Логин: Регистрация
Пароль: Забыли пароль?
Навигация
Словарь
  • Ашхылыкъ джерде джатмайды, аманлыкъ суугъа батмайды.
  • Аджашханны ызындагъы кёреди, джангылгъанны джанындагъы биледи.
  • Къартха ушагъан джаш – акъыллы, джашха ушагъан къарт – тели.
  • Билмейме деген – бир сёз
  • Чомартны къолу берекет.
  • Кёзюнде тереги болгъан, чёбю болгъаннга кюле эди.
  • Чабакъ башындан чирийди.
  • Азыкълы ат арымаз, къатыны аман джарымаз.
  • Тойгъан джерге джети къайт.
  • Юй кюйдю да, кюйюз чыкъды, ортасындан тюйюш чыкъды.
  • Тойгъа алгъа да барма, тойда артха да къалма.
  • Аууз сакълагъан – джан сакълар.
  • Сагъышы джокъ – джукъучу, акъылы джокъ – къаугъачы.
  • Ишин билген, аны сыйын чыгъарады.
  • Тенги кёбню джау алмаз, акъылы кёбню дау алмаз.
  • Орну джокъну – сыйы джокъ.
  • Итли къонакъ джарашмаз.
  • Урама да – ёледи, сатама да – келеди.
  • Чомартха хар кюн да байрамды.
  • Кёрмегеннге кебек – танг, битмегеннге сакъал – танг.
  • Аджашхан тёгерек айланыр.
  • Джигер – джаннга къыйынлыкъ.
  • Олтуруб кёрюнмей эди да, ёрге туруб кёрюне эди.
  • Тюзню ётмеги тюзде къалса да, тас болмаз.
  • Намыс сатылыб алынмайды.
  • Аш кетер да бет къалыр.
  • Сабий болмагъан джерде, мёлек болмаз.
  • Телиге от эт десенг, юйюнге от салыр.
  • Къызгъанчдан ычхыныр, мухардан ычхынмаз.
  • Мал кёб болса, джууукъ кёб болур.
  • Тай асырагъан, атха минер.
  • Арыгъан къош чамчы болур.
  • Хар ишни да аллы къыйынды.
  • Джырчы джырчыгъа – къарнаш.
  • Ёпкелегенни ашы татлы болады.
  • Аманны эки битли тону болур, бирин сеннге кийдирир, бирин кеси киер.
  • Тешигини къатында, чычхан да батыр болур.
  • Атынг аманнга чыкъгъандан эсе, джанынг тамагъынгдан чыкъсын.
  • Аууздан келген, къолдан келсе, ким да патчах болур эди.
  • Нёгер болсанг, тенг бол, тенг болмасанг, кенг бол.
  • Аллахдан тилесенг, кёб тиле.
  • Ашарыкъда сайлагъаннга – чий гырджын.
  • Джюрекге ариу – кёзге да ариу.
  • Айраннга суу къош, телиге джол бош.
  • Артына баргъанны, къатына барма.
  • Аман къатын алгъан, арыр, иги къатын алгъан джарыр.
  • Ашда – бёрю, ишде – ёлю.
  • Тенгни тенглиги джашай барсанг билинир.
  • Билимден уллу байлыкъ джокъду.
  • Асхат ашлыкъ сата, юйдегиси ачдан къата.

Аудио

Кабардокова Зухра

Файлов: 17

Обновлен: 10.07.2017

  • Кабардокова Зухра Къарачайгъа алгъыш
(Голосов: 2, Рейтинг: 5)

Описание

Дата: 06.04.2013
Прослушиваний: 2098
Скачиваний: 236
Размер: 8.3 МБ
Текст песни:
музыка Фатимы Мамаевой
стихи Кайсына Кулиева

Чынарланы арасында баргъан джай,
Акъ къаяла, кёк талала... Къарачай.
Джаягъымы салама джюрегинге,
Къарачай, тангларынг атхан джеринге.

Припев:
Ётмегинги, суунгу да халал эт,
Энди бар кёпюрледен абынмай ёт,
Къанатлыларынг къууанч бла уча!
Акъ къалала, кёк талала... Къарачай.

Башыбызны къая ташынга салыб,
Бирча джатханбыз, къыйын джолда талыб.
Бирге джалагъанбыз къайгъыны тузун
Бизни ургъанда бир палахны бузу.

Припев.

Бирге кёрдюк отубуз джукъланнганын.
Бирге кёрдюк ол джангыдан джаннганын.
Джаягъымы салама джюрегинге,
Къарачай, тангларынг атхан джеринге.

Припев.

Комментариев нет

  • Зарегистрируйтесь чтобы пользоваться плейлистом.