Аудио :: Аудио:: Кабардокова Зухра

Чалманны аллы къалай башланса, арты да алай барады.
Джеринден айырылгъан – джети джылар, джуртундан айырылгъан – ёлгюнчю джылар.
Иги – алгъыш этер, аман – къаргъыш этер.
Аман адам этегингден тутса, кес да къач.
Мени джылытмагъан кюн, меннге тиймесин!
Акъыллы – эл иеси, тели – эл баласы.
Этим кетсе да, сюегим къалыр.
Аджаллыгъа окъсуз шкок атылыр.
Ариу сёзде ауруу джокъ.
Сормай – алма, чакъырылмай – барма.
Ат басханны джер билед.
Таугъа чыгъаллыкъ эсенг, тюзде къалма.
Джахил болса анасы, не билликди баласы?
Ышармагъан – кюлмез, кюлмеген – къууанчны билмез.
Атлыны кёрсе, джаяуну буту талыр.
Бозанг болмагъан джерге, къалагъынгы сукъма.
Бетинги сатма, малынгы сат.
Ашха уста, юйюнде болсун
Аман адам элни бир-бирине джау этер.
Окъугъан озар, окъумагъан тозар.
Тойгъан джерден туугъан джер игиди.
Биреуню эскиси биреуге джангы болмайды.
Къатын байлыкъны сюер, эр саулукъну сюер.
Ёксюзню къалачы уллу кёрюнюр.
Айраннга суу къош, телиге джол бош.
Къайгъы тюбю – тенгиз.
Биреу къой излей, биреу той излей.
Сёз сёзню айтдырыр.
Башынга джетмегенни сорма.
Адеб этмеген, адеб кёрмез.
Кёлсюзден сёзсюз тууар.
Джолунга кёре – джюрюшюнг, джагъанга кёре – юлюшюнг.
Аллахха ийнаннган кишини, Аллах онгдурур ишин.
Ариу сёз джыланны орнундан чыгъарыр.
Игини сыйлагъан адетди.
Кийим тукъум сордурур.
Джангыз торгъай джырламаз.
Ач – эснер, ат – кишнер.
Тойгъа барсанг, тоюб бар, эски тонунгу къоюб бар.
Асхат ашлыкъ сата, юйдегиси ачдан къата.
Тилчи бир сагъатха айлыкъ хата этер.
Ашлыкъны арба юйге келтирир, чана базаргъа элтир.
Джыланны къуйругъундан басарынг келсе, аны башы болгъанын унутма.
Бичгенде ашыкъма, тикгенде ашыкъ.
Эрни эр этерик да, къара джер этерик да, тиширыуду.
Джарлыны тону джаз битер.
Кёл ашады да, кеси ашады.
Сакъалы текени да бар, мыйыгъы киштикни да бар.
Керек ташны ауурлугъу джокъ.
Къууут – джелге, берне – бошха.

Логин:	Регистрация

Пароль:	Забыли пароль?

Запомнить меня

Аудио

Кабардокова Зухра

Скачать

Адрес