Расширенный поиск
26 Апреля 2025 года
Логин: Регистрация
Пароль: Забыли пароль?
Навигация
Словарь
  • Мураты болгъанны джюрек тебюую башхады.
  • Тойгъа барсанг, тоюб бар, эски тонунгу къоюб бар.
  • Чомарт къолда мал къалмаз.
  • Ариу сёз аурууунгу алыр.
  • Эл ауузу – элек, анга ийнаннган – халек.
  • Уллу къазанда бишген эт, чий къалмаз.
  • Миллетни бойну – базыкъ, аны бла кюрешген – джазыкъ.
  • Джарашыу сюйген – джалынчакъ.
  • Къызын тута билмеген, тул этер, джашын тута билмеген, къул этер.
  • Хатерли къул болур.
  • Ёлмесенг да, къарт дамы болмазса?
  • Адамны аманы адамны бети бла ойнар.
  • Киштикге къанат битсе, чыпчыкъ къалмаз эди.
  • Къыз тиширыу кеси юйюнде да къонакъды.
  • Насыб бютеу халкъны юлюшюдю.
  • Эркишиге тары кебек танг кёрюнюр.
  • Накъырданы арты керти болур.
  • Аджаллыгъа окъсуз шкок атылыр.
  • Башсыз урчукъ тюзюне айланмаз.
  • Айтхан – тынч, этген – къыйын.
  • Биреуню къыйынлыгъы бла кесинге джол ишлеме.
  • Билгенни къолу къарны джандырыр.
  • Кюл тюбюндеги от кёрюнмейди.
  • Ашатыргъа иш – ашхы, ишлетирге аш – ашхы.
  • Адам сёзюнден белгили.
  • Окъдан джара эртде-кеч болса да бителир, сёз джара, ёмюрге къалыр.
  • Намыс сатылыб алынмайды.
  • Мал кёб болса, джууукъ кёб болур.
  • Сабийни джумушха джибер да, ызындан бар.
  • Акъыллы айтыр эди, акъылсыз къоймайды.
  • Къайтырыкъ эшигинги, къаты уруб чыкъма.
  • Бир абыннган – минг сюрюнюр.
  • Аджал соруб келмез, келсе, къайтыб кетмез.
  • Кёз – сюйген джерде, къол – ауругъан джерде.
  • Башы ишлегенни, ауузу да ишлер.
  • Байны оноуу, джарлыгъа джарамаз.
  • Айтылгъан сёз ызына къайтмаз.
  • Сютню башын джалагъан къутулур, тюбюн ичген тутулур.
  • Уруну арты – къуру.
  • Бермеген къол, алмайды.
  • Билим насыб берир, билим джолну керир.
  • Эркишини аманы тиширыуну джылатыр.
  • Садакъачыны джаны – къапчыгъында.
  • Кёлю джокъну – джолу джокъ.
  • Суугъа – таянма, джаугъа – ийнанма.
  • Ишин билген, аны сыйын чыгъарады.
  • Шайтан алдады, тюзлюк къаргъады.
  • Эринчекни аурууу – кёб.
  • Эртде тургъан бла эртде юйленнген сокъуранмаз.
  • Таш бла ургъанны, аш бла ур.

Аудио

Газаев Алим

Файлов: 54

Обновлен: 10.07.2017

  • Газаев Алим Шукур энтда тюбедик (с Сокуровой О.)
(Голосов: 3, Рейтинг: 5)

Описание

Дата: 10.12.2012
Прослушиваний: 2157
Скачиваний: 590
Размер: 12.53 МБ
Текст песни:
музыка Кулины Асановой
стихи Танзили Зумакуловой

Сени тансыкъ кёзлеринг
Сейир насыбда жиляй,
Эринлеринг айтдыла,
Шош, акъырын шыбырдай:

- Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.

Минг-минг суудан биз ётдюк,
Минг палахдан къутулуп,
Дуния толкъунларында
Къалмагъанлай жутулуп.

Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.

Кёзюм къарангы этиб
Дуния бола къарангы,
Джан дарман излегенча,
Изледим къарамынгы.

Ол кюн, ким билсин, манга
Кимни джаны ауруду?
Сени кёрюр насыбны
Джашау энтда джаудурду.

О, жаным, жаным, жаным,
Сюйсенг да джюрек бла,
Эшиталмадынгмы мени
Ол чарс кюн тилек бла? 

Комментариев нет

  • Зарегистрируйтесь чтобы пользоваться плейлистом.