Аудио :: Аудио:: Газаев Алим

Аман эсирсе, юйюн ояр.
Алтыда кюлмеген, алтмышда кюлмез.
Къралынгы – душмандан, башынгы от бла суудан сакъла.
Ата джурт – алтын бешик.
Джумушакъ сёз къаты таякъны сындырыр.
Бастасын ашагъан, хантусун да ичер.
Чакъырылмай келген къонакъ сыйланмай кетер.
Ётген ёмюр – акъгъан суу.
Терек ауса, отунчу – кёб.
Адеб этмеген, адеб кёрмез.
Ариу сёз – къылычдан джити.
Эки къатын алгъан – эки ташны ортасына башын салгъан.
Адебсиз адам – джюгенсиз ат.
Игилик игилик бла сингдирилиучю затды.
Къызгъанчдан ычхыныр, мухардан ычхынмаз.
Ариуну – ауруу кёб.
Айныгъанлы алты кюн, тогъайгъанлы тогъуз кюн.
Кёб ант этген, кёб ётюрюк айтыр.
Сибиртки да сыйлы болду, кюрек да кюнлю болду.
Тили узунну, намысы – къысха.
Атынг аманнга чыкъгъандан эсе, джанынг тамагъынгдан чыкъсын.
Кёз – сюйген джерде, къол – ауругъан джерде.
Дууулдаса – бал чибин, къонса – къара чибин.
Аманнга да, игиге да оноусуз къатышма.
Акъыл аздырмаз, билим тоздурмаз.
Насыб бютеу халкъны юлюшюдю.
Джумушакъ терекни къурт ашар.
Хантына кёре тузу, юйюне кёре къызы.
Ариу – кёзге, акъыл – джюрекге.
Юре билмеген ит, къонакъ келтирир.
Суугъа – чабакъ, къаягъа – ыргъакъ.
Ауузу аманнга «иги», деме.
Баланы адам этген анады.
Къонагъы джокъну – шоху джокъ.
Шекер бла туз – бир болмаз, ушамагъан – юй болмаз.
Ашхы болсанг, атынг чыгъар, аман болсанг, джанынг чыгъар.
Урама да – ёледи, сатама да – келеди.
«Ма», - дегенни билмесенг, «бер», - дегенни билмезсе.
Ашхы сёз таш тешер.
Тай асырагъан, атха минер.
Сууда джау джокъ, кёб сёзде магъана джокъ.
Ышармагъан – кюлмез, кюлмеген – къууанчны билмез.
Шапа кёб болса, аш татымсыз болур.
Бек анасы джыламаз.
Эл бла кёргенинг эрелей.
Ашхы атаны – джашы ашхы, ашхы ананы – къызы ашхы.
Биреуню тёрюнден, кесинги эшик артынг игиди.
Малны кют, джерни тюрт.
Тилчи тилден къаныкъмаз.
Сакъалы текени да бар, мыйыгъы киштикни да бар.

Логин:	Регистрация

Пароль:	Забыли пароль?

Запомнить меня

Аудио

Газаев Алим

Скачать

Адрес