Аудио :: Аудио:: Газаев Алим

Къонакъ аман болса, къонакъбай джунчур
Ауурну тюбю бла, дженгилни башы бла джюрюген.
Тилсиз миллет джокъ болур.
Аз айтсам, кёб ангылагъыз.
Келлик заман – къартлыкъ келтирир, кетген заман – джашлыкъ ёлтюрюр.
Сёлеш деб шай берген, тохта деб, сом берген.
Уллу суу бла уллу ауруудан башынгы сакъла.
Минг тенг да азды, бир джау да кёбдю.
Джыйырма къойну юч джыйырма эбзе кюте эди.
Экеулен сёлеше тура эселе, орталарына барыб кирме.
Бюгюн дуния кибик, тамбла ахыратды.
Аманнга да, игиге да оноусуз къатышма.
Ёзденликни джайгъан – джокълукъ.
Бети – къучакълар, джюреги – бычакълар.
Джан саулукъ бермей, сан саулукъ бермезсе.
Билим – акъылны чырагъы.
Кимни – тили, тиши онглу, кимни – къолу, иши онглу.
Илму – джашауну джолу.
Артына баргъанны, къатына барма.
Кёкдеги болмаса, джердегин кёрмейди.
Бастасын ашагъан, хантусун да ичер.
Айтхан – тынч, этген – къыйын.
Босагъа таш юйге кирмей эди, тыбыр таш эшикге чыкъмай эди.
Сёз къанатсыз учар.
Аджаллыгъа окъсуз шкок атылыр.
Сабийликде юретмесенг, уллу болса – тюзелмез.
Кёбню кёрген – кёб билир.
Ойнай-ойнай кёз чыгъар.
Миллетни бойну – базыкъ, аны бла кюрешген – джазыкъ.
Къарнынг къанлынга кийирир.
Биреуге кёлтюрген таягъынг, кесинги башынга урур.
Билими азны – ауузунда кирит.
Ишлегенде эринме, ишде чолакъ кёрюнме.
Кёзюнде тереги болгъан, чёбю болгъаннга кюле эди.
Сабий болмагъан джерде, мёлек болмаз.
Элге къуллукъ этмеген, элге ие болмаз.
Ойнай билмеген, оюн бузар.
Тёрде – темир таякълы, къаяда – чыпчыкъ аякълы.
Сютден ауузу кюйген, суугъа юфгюре эди.
Ат басханны джер билед.
Эртде тургъан джылкъычыны эркек аты тай табар.
Чомартны къолу берекет.
Къумурсхала джыйылсала, пилни да джыгъадыла.
Рысхы джалгъанды: келген да этер, кетген да этер.
Билим насыб берир, билим джолну керир.
Ана къойну – балагъа джандет.
Акъыллы башны – тили къысха.
Кеси юйюмде мен да ханма.
Къартны бурнун сюрт да, оноугъа тут.
Таш бла ургъанны, аш бла ур.

Логин:	Регистрация

Пароль:	Забыли пароль?

Запомнить меня

Аудио

Газаев Алим

Скачать

Адрес