Расширенный поиск
18 Ноября 2025 года
Логин: Регистрация
Пароль: Забыли пароль?
Навигация
Словарь
  • Тойгъа алгъа да барма, тойда артха да къалма.
  • Иги – алгъыш этер, аман – къаргъыш этер.
  • Ашхы сёз таш тешер.
  • Келлик заман – къартлыкъ келтирир, кетген заман – джашлыкъ ёлтюрюр.
  • Эл бла кёргенинг эрелей.
  • Кёл – къызбай, къол – батыр.
  • Бети къызарыучу адамны, джюреги харам болмаз.
  • Эрни эр этерик да, къара джер этерик да, тиширыуду.
  • Билим – акъылны чырагъы.
  • Джаш къарыу бла кючлю, къарт акъыл бла кючлю.
  • Киштикге къанат битсе, чыпчыкъ къалмаз эди.
  • Кёрмегеннге кебек – танг, битмегеннге сакъал – танг.
  • Шайтан алдады, тюзлюк къаргъады.
  • Ауузу аманнга «иги», деме.
  • Хар адамгъа кеси миннген тау кибик.
  • Бир абыннган – минг сюрюнюр.
  • Къызын тута билмеген, тул этер, джашын тута билмеген, къул этер.
  • Элни кючю – эмеген.
  • Тешигини къатында, чычхан да батыр болур.
  • Сакъалы текени да бар, мыйыгъы киштикни да бар.
  • Къонакъ аман болса, къонакъбай джунчур
  • Ариуну – ауруу кёб.
  • Бал – татлы, балдан да бала – татлы.
  • Адам сёзюнден белгили.
  • Адамны сыфатына къарама, сёзюне къара.
  • Къонагъынгы артмагъын алма да, алгъышын ал.
  • Насыблы элин сюер, насыбсыз кесин сюер.
  • Биреуню эскиси биреуге джангы болмайды.
  • Ашын ашагъанынгы, башын да сыйла.
  • Сабыр джетер муратха, сабырсыз къалыр уятха.
  • Къарыусузгъа кюлме, онгсузгъа тийме.
  • Намыс болмагъан джерде, насыб болмаз.
  • Айтылгъан буйрукъ, сёгюлмез
  • Рысхы – сют юсюнде кёмюк кибикди.
  • Чакъырылмагъан къонакъ тёрге атламаз.
  • Ашда уялгъан – мухар, ишде уялгъан – хомух.
  • Ашхы адам – халкъ байлыгъы, ашхы джер – джашау байлыгъы.
  • Суу кетер, таш къалыр.
  • Тай асырагъан, атха минер.
  • Ач келгенни – тойдур, кеч келгенни – къондур.
  • Кюл тюбюндеги от кёрюнмейди.
  • Ойнай билмеген, уруб къачар.
  • Уллу къазанда бишген эт, чий къалмаз.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Айранны сюйген, ийнек тутар.
  • Келинни – келгинчи, бёркню кийгинчи кёр.
  • Бозаны арты дауур болур.
  • Тамбла алтындан бюгюн багъыр ашхы.
  • Къартха ушагъан джаш – акъыллы, джашха ушагъан къарт – тели.
  • Сютню башын джалагъан къутулур, тюбюн ичген тутулур.

Аудио

Теппеев Алим

Файлов: 14

Обновлен: 06.07.2017

  • Теппеев Алим Акъ таула
(Голосов: 2, Рейтинг: 5)

Описание

Дата: 26.11.2012
Прослушиваний: 2885
Скачиваний: 524
Размер: 6.45 МБ
Текст песни:
муз. и сл. Абидина Байчеккуева

Акъ тауланы башын сылай, баралла
Мийик кёкде дженгил кёксюл булутла.
Кёллендиргенлейин туралла мени уа
Кюнден-кюннге джангыдан джангы умутла.

Толгъан ай мийикде шош кетиб, барады,
Саулай джерни джарытыб, биз да алгъышлай,
Бюгече бизде бек уллу той барады,
Джарыкъды, джюрекле джайгъы тангы атханлай.

Джаш тёлю харс ура чыгъыб тюз тепсейди,
Къууанчдан толуб, мени джаш джюрегим,
Сизни бла бирге мен джангы джуртла ишлейме,
Джашауда болуб мени этген муратым.

Акъ тауланы башын сылай, баралла
Мийик кёкде дженгил кёксюл булутла,
Кёллендиргенлейин туралла мени уа
Кюнден-кюннге джангыдан джангы умутла. 

Комментариев нет

  • Зарегистрируйтесь чтобы пользоваться плейлистом.